Loma 5:16 - O Mikanda Ikola

¹⁶ O bhene bha di tungula ue, bhu kaxi ni ujitu ua bhana Nzambi ni kituxi kia muthu umoxi. Kuma bhu kaxi ni kituxi, o kuêla kueza mukonda ngó dia kituxi kimoxi. Maji bhu kaxi ni ubhulukilu, Nzambi u xikina mu ngoho, athu oso a ta jinga o nzungule ia ituxi.

Loma 5:16 ပူးပေါင်းရင်းမြစ်များ

Izaía 1:18

Izenu-phe kiá, mu ngi sambulule, eme Jihova. Né-mbé ituxi ienu ia kusuka kala husu, ia-ndu zela mukuâ ni neve (o kikulakaji); né-mbé iedi nguí kala hundu, iila muene phalatatá mukuâ ni kindemba kia mbudi izela.

Izaía 43:25

Eme, eme-muène ngi jimuna o itondalu ié mu henda iami; o ituxi ié ki ngi i banze dingi.

Izaía 44:22

Ikuma ié ngi i jimuna kala mbundu, o ituxi ié ngi i bhuisa-ku kala dituta: Vutuka kokuami, mbata eme nga ku kula kiá.

Dialuilu 7:15

ni kangombe ka ndumbe ni kilumbe kia mbudi, ni kambudi ka ndumbe ka muvu umoxi, phala sata ia kuoha;

Matesu 6:14

Kuma enu o athu se mu a loloka ikuma iâ ia mi bhanga, Tatʼ enu ia diulu u mi loloka uenu.

Loma 8:1

Kiki kiá kana-ku dingi kuêla kua ió ala mua Kristu Jezú.

I Kolindo 11:32

O ki tu tambula-phe kaxtiku, Ngana ua tu beta, phala hinu ka kà tu êlese kumoxi ni mundu.

Ngalásia 3:10

Oso-phe a dielela mu kutumaka o imbamba ia Kitumu, ala ni mázui ma Nzambi ku thandu diâ. Kuma kiosoneke mu Mikanda Ikôla, exi: Uoso u kamba kuenda ni kubhanga ima ioso iosoneke mu Divulu dia Kitumu, uala ni mázui ma Nzambi ku thandu diê!

Tiiaku 2:10

Kuma uoso u aiuka o Kitumu kioso, hé u di bhukana-ku ngó diba dimoxi, Kitumu kioso ua ki tondala.