Loma 5:14 - O Mikanda Ikola

¹⁴ Kiene kimoxi, o kalunga kene ka kexile kutumina-ku tunde kua Adá katé kua Mozé, ni ku thandu dia ió ka tele kituxi ki di fangana kala kia Adá. Kala kiki-phe Adá ua di bhange ngó kijimbuete kia mukuâ ua xedi mù kuiza-ku.

Loma 5:14 ပူးပေါင်းရင်းမြစ်များ

Dimatekenu 19:25

anga u buikisa o jimbonge joso jenhojo, ni ngânga ioso ienhoio ni athu oso akua bhata momo, ni miẋi ni iangu ia kexi mu sabhuka bhoxi.

Dimatekenu 4:8

Kaini anga u zuela ni phangʼê Abele, uixi: Tuie ku mukáu. O kioso kiala kiiadi kiâ mu mukáu, anga ki bhita-phe kuila Kaini u lungulukila Abele, phangʼiê, hé u mu jibha.

Dimatekenu 7:22

O ioso ia kexile ni muha ua muenhu ua kubuima mu mazulu mâ, ku kanga ku mavu a kukuta, anga i fua.

Makatukilu 1:22

Falaó anga u tuma mundu uê uoso, uixi: Uoso monʼa diiala a mu vuala mu mu takula mu honga ia Nilo, o mona muhatu mu mu bhaka ni muenhu.

Makatukilu 1:6

Ku izuua Zuze anga ufua, ni jiphange jê, ni muiji uoso-lolo uenʼió.

Hozeia 6:7

Maji ene o kikutu a ki matuka, kala kia bhange Adá; ia a ngi balukila, ni ku ngi bhanga phulu.

Jona 4:11

Kífua eme ki nga tokala kukala ni henda ia mbanza iadikota ia Ninive, muala hama ni makuinhi a iadi a midi ia muthu ndenge, athu kejiia lukuaku luâ lua kadilu ni lukuaku luâ lua kiasu, ni ibhaku iavulu?

Loma 5:12

Kala kiki, mukuâ ni kia bokona o ituxi mu ngongo ku muthu umoxi, o kufua kù kuejiia mu ituxi; kiene ue kia bhiti o kufua ku thandu dia athu oso, kuma ene oso ituxi a i te.

Loma 5:17

Kia kidi kiene kuila, mukonda dia muthu umoxi ngó, ni mukonda dia kituxi kiê, kia bhangesa o kalunga kuenda ni kutumina. Maji o kia tundu ue ku kiokio kia bhange o muthu umoxi—Jezú Kristu—kia beta kota! Kuma ene oso a tambula o kiadi kiavulu kia Nzambi ni kubhuluka kua a bhana mu kingoho, à kala mù tumina ku muenhu ua ubhe mua muène Kristu.

Loma 5:21

Uila kiki, kala kia kexile kutumina o ituxi mu kufuisa, kiene kimoxi ki tumina o kiadi kia Nzambi, ni ki tu bheka ku muenhu, mua Jezú Kristu, Ngana ietu.

Loma 8:20

Kuma o ibhangelu ioso ia buakuluka, kana mu vondadi iê, maji mukonda Nzambi muene ua ki bhangesa. Maji hanji-phe ia dielela.

Loma 8:22

Kuma tua kʼ ijiia kuila o ibhangelu ioso hanji ia kuata kukema mu misusu kala ia kuvuala katé kindala.

I Kolindo 15:22

Uila ene oso kia fuila mua Adá, kiene ue kia phaphumukina ene oso mua Kristu.

I Kolindo 15:45

Mukonda o Mikanda Ikôla, iexi: Adá ia diangele-ku, a mu bhangele mukutu u bhuima. Maji o Adá ia sukidila-ku, Nzumbi i bhana muenhu.

Jihebeleu 9:27

Kala ue o athu kia a xindi kufua ngó lumoxi, o kia zubha o kufua, hé ku kala o ku a fundisa kuala Nzambi.