Loma 4:9 - O Mikanda Ikola

⁹ Manhi o kuzediua kuku-phe kua tange Davidi kua tokala ngó iá ala mu kifua kia kusaia? Kana! Kua tokala ue ni iá a kambe kifua kia kusaia. Kuma tuambe, tuixi Mbalahamu ua xikanene Nzambi, o kuxikana kuê anga a ku bhanga konda, Nzambi iú ua mu xikina kuma muthu uaiuka.

Loma 4:9 ပူးပေါင်းရင်းမြစ်များ

Dimatekenu 15:6

Muene anga u xikana kua Jihova; o kuxikana kuê a mu mona-ku kulûnga.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Luka 2:32

mukengeji u londekesa o njila ia Nzambi ku akua matumbu. Ni kubhana fuma ia mundu ué ua Izalaiele.

Loma 4:10

A ku bhangele kiebhi-phe o konda? Kia kexile kiá mu kifua kia kusaia, inga kia kexile hanji ku kanga? Ki mu kusaia, kana. Kia kexile hanji ku kanga.

Loma 4:3

Mukonda o Mikanda Ikôla-phe iambe iexi: Mbalahamu ua xikana Nzambi, o kuxikana kuê anga a mu kitila na-ku kuma kulunga, mbata Nzambi ua mu xikina kuma muthu uaiuka.

Ngalásia 3:14

Kiki kia bhiti, phala o dibesá dia tanga Nzambi kubhana Mbalahamu, dʼize ue ku thandu dia akua matumbu mua Kristu Jezú. Mbé etu ene oso o polomesa ia Nzumbi tu i tambuile mu kuxikana.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Kolose 3:11

O ku uthu uobhe ki kuene Ngeleku, ki kuene Judé, ki kuene a mu saie, ki kuene a kambe ku mu saia, ki kuene muthu uengi, ki kuene kabinji, ki kuene mubhika, ki kuene folo; kuala ngó Kristu ua di bhange muène iam ioso, ua tungu ue mua ene oso.