Loma 4:6 - O Mikanda Ikola

⁶ Kienʼiki ue kiene Davidi kia mesenene kuzuela, kia tange o kuzediua kua muthu ió a mu bhange konda kuala Nzambi kala ua lungu, hè u mu xikina kuma muthu uaiuka, sé kukala ni ikalakalu ia bhange, uixi:

Loma 4:6 ပူးပေါင်းရင်းမြစ်များ

Jisálamu 112:1

Haleluia! Ua lungu o muthu ió uene ni uoma ua Jihova, ua bhindamena kuijiia kiambote o ijila iê,

Izaía 54:17

Falamenda ioso-ioso iòbhange phala ku ku kuama, ia-nda kulueza; o dimi dioso-dioso di ku tatela eie mulonga, mu kufunda, eie ua kà di belesa; o iú uene undundu ua jiselevende ja Nzambi, kuene ue kulûnga kuâ ku tunda kokuami, eme ngi Jihova.

Jelemiia 22:6

Mbata Jihova uambe kiki ku dizemba dia sobha ia Juda: Eie ua ngi kala u Ngiliiade, u mútue ua Libanu; maji kidi muene-ze hinu ngi ku bhanga u kikangalakata, u jimbanza ja biluka jingundu.

Jelemiia 33:16

Mu izuuʼomo, Juda ua kà bhuluka, o Jeluzaleme u tunga u soma; o didi diene o dijina dia ká muʼixana: Jihova Muene Kulunga Kuetu.

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Matesu 25:19

Kuila thembu ia lebha kiá, mukua jiselevendeʼojo uiza, anga u bhanga-nâ jikonda.

Loma 1:17

Kuma o Njimbu Iambote iene ia tu idikisa kioso Nzambi kia tu xikina, etu tua lungila mu kuxikana; kuma mu kuxikana ngó mu tu lungila. Kala kia ki soneka mu Mikanda Ikôla exi: Uoso a mu xikina kua Nzambi mu kuxikana, ió u laia.

Loma 3:27

Manhi o ki tualʼ iki, tu di zangeleka na-kiu? Ki ki xikina! Ki ki xikina, phala-hi? Kifua ki ki xikina mukonda tua tumaka o Kitumu? Kana, maji mukonda tua xikana Kristu.

Loma 4:11

Kuma muene a mu saie kiá kueza kunu. O kifua kia kusaia ua ki tambula kuma kijimbuete, kidimbu kiedikiza o kulunga kuê kua muena mu kuxikana, kuila hanji-phe iú ku kanga, kiluua a mu saia. Kia bhiti kieniki phala Mbalahamu a kale mu nzumbi, tata ia oso a xikana Nzambi, né ku kanga kú ala, ka a saie, a a bhanga konda kuma alungu.

Loma 4:24

Maji mukonda dietu etu ue, a tu bhanga-kiu konda, se tu kala tu athu a kuxikana Ió uoso ua fukunuine Jezú, Ngana ietu, mu ʼalunga.

Loma 4:5

Uoso-phe ka kalakala, maji ua xikana kua Nzambi ió ua tena kulungisa muthu uabhumu, nʼa mu tange kuila ua-di-zele, o kuxikana kuê a ku bhange konda kuma kulunga.

Loma 4:7

Azediua athu ió oso Nzambi ua a loloka ikuma iâ, Ituxi iâ iòlambe, kuma a i tambuila kiá o muloloko uê!

Loma 4:9

Manhi o kuzediua kuku-phe kua tange Davidi kua tokala ngó iá ala mu kifua kia kusaia? Kana! Kua tokala ue ni iá a kambe kifua kia kusaia. Kuma tuambe, tuixi Mbalahamu ua xikanene Nzambi, o kuxikana kuê anga a ku bhanga konda, Nzambi iú ua mu xikina kuma muthu uaiuka.

I Kolindo 1:30

Maji enu-phe Nzambi muene ua mi ongeka kumoxi ni Kristu Jezú, a mu bhange kuala Nzambi kukala muene unjimu uetu. O mua Kristu muene mua tu ẋikinina Nzambi bhu pholo iê, ni ku tu bhanga tu mundu ua ngene ua Nzambi, iú ua tu bhulula.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Ngalásia 3:14

Kiki kia bhiti, phala o dibesá dia tanga Nzambi kubhana Mbalahamu, dʼize ue ku thandu dia akua matumbu mua Kristu Jezú. Mbé etu ene oso o polomesa ia Nzumbi tu i tambuile mu kuxikana.

Ngalásia 4:15

Enu mua kexile muene ni kutana kuavulu! Kima kiahi kia mi bhitile? Eme ngi mbangi ienu, mbata ngi ki tanga, ngi tona kuila, se kia ẋikinine ku ki bhanga, hinu o mesu menu muene mua ma lokola phala ku ngi bhana-nâ eme.

Efezo 1:3

Tu ximane Nzambi, Tata ia Ngana ietu Jezú Kristu! Mukonda ua tu benzela mua Kristu ni ku tu bhana o mabesá moso ma nzumbi, ku ididi ia diulu.

Matendelelu 33:29

Kuzediua kué Izalaiele, tata! Nanhi ua soko nʼeie? Kifuẋi kiòbhulule kuala Jihova, muene o ngubu ié ienda ni ku ku banda. Muene ue o xibhata ia unéne ué; kiene kia-nda kubhangesa o jinguma jé ku ku tolokela, eie anga uendela ku thandu diâ, ni ku a tumina.

Filipe 3:9

O kulunga kuami, ku ngi kala na-ku, ki ku kale kua kulungila mú kualuka o Kitumu, maji kua kulungila mù xikana Kristu, kuene o kulunga ku tunda kua Nzambi, kuijiia mu kuxikana.

II Timote 1:9

Kuma muène ua tu bhulula, iú ua tu ixana ni kixanu kikôla, phala, tu kale tu mundu uê. O kiki ki kia kaiela mu imbamba i tu bhanga etu, maji kia kaiela mu kikanenu kiê-Muène, ni mu kiadi kiê. Muène o kiadi kiki ua tu muesa-kiu mua Kristu Jezú, tundé xahulu, ku dimatekenu.

Tiiaku 2:18

Sai-phe ni muthu uila, uixi: Eie uala ni kuxikana, eme ngala ni ima i ngi bhanga. Ngʼidikize-phe o kuxikana kué kua di kalela sè ima i u bhanga, eme-phe mu ima i ngi bhanga, muene mu ngi ku idikiza o kuxikana kuami.

II Phetele 1:1

Eme Ximá Phetele, ngi mubhika, ngi Poxolo ia ngene ia Jezú Kristu. Nga sonekena akuetu, a mono ue kuxikana kua sokela ni kuetu mu ujitu, a ku muena mu kuiuka kua Nzambi ietu, ni Mubhuludi Jezú Kristu.