Loma 4:21 - O Mikanda Ikola

²¹ Mbata muẋima uê ua mu tetuluka, kuma kima kia tange Nzambi muene, ua soko-bhu o ku ki bhanga.

Loma 4:21 ပူးပေါင်းရင်းမြစ်များ

Dimatekenu 18:14

Kifua Jihova sai kima ki mu bhonza ku ki bhanga? Tala, muvu uiza-mu, bhu kumbi kala bhenhabha, bhu kithangana kienhiki kia muenhu uenu, nga kʼeza dingi kikuʼé, o Sala ukala ni mona.

Jisálamu 115:3

Etu Nzambi ietu-phe uene mu diulu; mukua kubhanga ioso iandala.

Jelemiia 32:17

Auá! Jihova, tata! Eie ua iudika o maúlu ni ixi, ni kutena kuoso kua nguzu ié, ni lukuaku lué lua sununuka; kanaku kima ki u mona kuila kisunji ku mesu mé.

Jelemiia 32:27

Tala-ze, eme Jihova, Nzambi ia Xitu ioso; mbé sai-ku kima kioso-kioso ki ngi bhekela ku diuana?

Matesu 19:26

Jezú ua exi suí, anga u zuela, uixi: Ku athu ki ki xikina; kua Nzambi-phe iene ioso i xikina.

Luka 1:1

Kamba diami Tiiófilu: Athu avulu kiá a kuata kusoneka mu Mikanda o ima ioso ia bhitile mu dietu.

Luka 1:37

Mukonda kua Nzambi, kana-ku kima ki kamba kuẋikina.

Luka 1:45

Eie ua zediua, mukonda ua xikana kuma hinu i bhita, ioso ia ku tudila kua Ngana.

Loma 14:4

Eie-muene, eie nanhi uala mù kuelêsa o selevende iangene? Ngana iê muene uanda kumona o phangu, se muène u tolola mba uanda kubhubhuka-ku. Maji-phe u tolola muène, kuma Ngana uala ni nguzu ia ku mu bhangesa kutolola.

Loma 14:5

Sai muthu u fika kuma sai kizuua kia tundu akuá. Sai dingi muthu ua fika kuila izuua ioso ia sokela. Kala muthu a tetuluke ku muẋima uê-muène mu ioso ia banza.

Loma 8:38

Mukonda eme nga tetuluka kuila kana-ku kima ki tu batula ku henda ia Nzambi. Né kalunga, né muenhu; né ji-anju, né atumini mba makota ma ji-anju; né ima ia kindala, né ima ia hadia; né kusuina,

II Kolindo 9:8

Nzambi-phe ua sokobho o ku mi bhana kia tundu ioso i mua bhindamena, phala izuua ioso mu kale mua tenena mu imbamba ioso ia mbote.

II Timote 1:12

Mukonda dia kiki, kiene ki nga mu talela o jihadi josuʼiji. Maji ki ngala-phe ni jisonhi, kuma nga dielela, mukonda ngejiia ió uoso nga mu xikana, phata ia ngi-bhu, kuma muène ua soko-bhu o kubhaka kioso ki nga mu bhana kulûnda, katé bhu kizuuʼokio.

Jihebeleu 11:13

Athu oso enʼiá afua, ezala ni kuxikana. O jipolomesa ja a bhele Nzambi ka ji tambuile luua, maji a ji muena ngó mu kanga, hé a ji tanesa ku makanga kuenioko ku ja monekena. Anga a di fisala kuila asonhi, jingenji mu ngongʼ umu.

Jihebeleu 11:19

Mbalahamu kia mu tetulukila kuila Nzambi ua soko-bho kubheka dingi Izake ku muenhu, né ku ʼalunga ku aii, o ki kia bhiti kifua Mbalahamu ua tambula muene monʼê Izake ku ʼalunga.