Loma 4:20 - O Mikanda Ikola

²⁰ Inda o Mbalahamu kia talesa ku kikutu kia Polomesa ia Nzambi, nguê ku teketa ni phata, maji ua suina ni kuxikana, ni kubhana fuma kua Nzambi.

Loma 4:20 ပူးပေါင်းရင်းမြစ်များ

Dimatekenu 15:6

Muene anga u xikana kua Jihova; o kuxikana kuê a mu mona-ku kulûnga.

II Jisobha 7:19

O kabhitangu muenʼió anga u vutuila o muthu ua Nzambi, uixi: O bhabha kiá né-mbe hanji o Nzambi ua bhangele jinjanena ku diulu, o kienʼiki muene ki xikina ku di bhanga, kala kia tange o kizueluʼiki? O polofeta anga u muʼambela, uixi: Tala, ua-nda ku ki mona muene ni mesuʼé, maji o kuene kua-nda kudia-ku.

II Jisobha 7:2

Maji-phe, kabhitangu kamoxi, muthu ene ku mu xamenena ku lukuaku luê kuala sobha, u vutuila muthu ua Nzambi, uixi: Tala, né-mbe hanji Jihova ua bhangele jinjanena ku diulu, o kiki ki xikina ku di bhanga? Muene-phe, uixi: Tala, ua-nda ku ki mona ni mesu mê, maji o kuene-phe kua-nda kúdia-ku.

Izaía 35:4

Ambelenu a botomoka o miẋima: suinenu, ki mu kale ni uoma; talesenu, o Nzambi ienu iu uiza mu vutula o phonzo, ni futu ia Nzambi uiza na-iu; muene ua kʼèza hé u mi bhulula.

Izaía 7:9

Hé kima, o Dikota mu Ifalaími ua ká kala Samádia, o muadiakimi mu Samádia o monʼa Lemadiia; O kienhiki, se mu kamba ku ki xikana, ki mu tena dingi kunangenena.

Daniiele 10:19

Uixi-phe: Ku kale ni uôma, eie u muthu a ku zola kiavulu! Tululuka; kala u kindanda! Kala muene u kindanda! Kiala ku ngi zuelesa kiki, eme ue nga di tutu kiòmuene, ngixi-phe: Zuela, Muadiʼami, mbata eie ua ngi suinisa.

Daniiele 11:32

Akua kutondala kikutu ua kà a bhomba ni jindunge phala ende mu mangonha, ene anga a kà ki bhanga muene; maji o kifuẋi kia athu a dʼijiia kiá ni Nzambi, ka kà xikina; ene a kà bhânga, hé a ka tolola.

Ajeu 2:4

Kiki-phe, eie Zolobabele, suina, kiene kiambe Jihova, eie ue Josuué monʼa Jozadake, nganga ia dikota, suina, enu uenu mu mundu uaʼxi, suinenu mu kalakale; mukonda eme ngi kala jinga ni enu, kiene kia zuela Jihova dia Ifuẋi.

Zakadiia 8:13

Anga kia kà bhita-phe kiki, eie bhata dia Juda ni eie bhata dia Izalaiele, kuila, kala kioso ki mua kexile mu akua mázui muʼaxaxe ka miji iengi, kiene ue ki nga kà mi bhulula anga mua kà kituka dibesá muʼaxaxe kâ. Ki mu kale-phe ni uoma, maku enu a suine muene.

Zakadiia 8:9

Jihova dia Ilombo Ieta uambe, kiki: Kolesenu o maku enu, enu oso mu izuua mumu muevu makʼama mu kanu dia jipolofeta ja kexile-bhu, kizuua kia tele o disesa dia Inzu ia Jihova dia Ilombo Ieta, phala kutunga o Tembulu.

Matesu 9:8

O mundu-phe, kia ki mono, uôma u a kuata, anga a ximana Nzambi ua bhana athu o nguzu kala kiki.

Luka 1:18

Zakadiia anga u ambela mukunji, uixi: Eme ngi kʼijiia kiebhi? Mukonda eme nga kuka kiá, ni mukajiʼami ue ua sunga-ku kiá ku izuua iê.

Luka 1:45

Eie ua zediua, mukonda ua xikana kuma hinu i bhita, ioso ia ku tudila kua Ngana.

I Kolindo 16:13

Di langienu, mu di fikidile mu kuxikana. Bhangenu ukuenze, mu suine.

II Kolindo 12:10

Uila kiki, nga sanguluka muene mu kubhuila ni kulebhuka, ni kubhindama ni ku ngi zukutisa, ni kukala mu ibhidi mukonda dia Kristu. Kuma kithangana ki nga mu bhuila, kiene kia mu ngʼ iza o nguzu.

Efezo 6:10

Ki tualʼ iki-phe, suinenu mua Ngana, ni mu kutena kua nguzu iê.

II Timote 2:1

Eie-phe, u monʼami, kala u kindanda mu kiadi ki tuene na-kiu mu ukamba ni Kristu Jezú.

I Samuuele 30:6

Davidi anga u tata kiavulu, kuma mundu a tele maka a ku mu bûba ni matadi, mukonda muẋima ua mundu uoso uala ni malamba, kala muthu uala mu kuxinganeka anʼê a mala ni a ahatu. Maji Davidi-phe u di kolesa muẋima mua Jihova Nzambi iê.