Loma 4:12 - O Mikanda Ikola

¹² A kale ue tata ia ene oso akua kifua kia kusaia. Ki mukonda ngó dia kuila a a saie, maji mukonda a kaiela ue mu manhanhu ma kuxikana kuoso kua kexile na-ku Mbalahamu, thembuʼ oio kuila hanji iú-uê ku kanga, kiluua a mu saia.

Loma 4:12 ပူးပေါင်းရင်းမြစ်များ

Jobe 33:11

U ngi ta inama iami bhu ditaka, o jinjila jami joso u ji tonginina.

Jisálamu 47:9

Jitata ja ifuẋi iengi ja di bhongolola, a di te kumoxi ni mundu ua Nzambi ia Mbalahamu; kuma o ilolo i tuamenena ilômbo, Nzambi muene ngana iâ. Muene ku ukota ka moneka dingi mukuâ!

Jisabhu 2:20

A ku dimuna-phe, phala eie u di tele mu njila ia athu a mbote, u aluke o jihoka ja athu aiuka.

Mukumbi ua Mikumbi 1:8

Se ua kambe kuijiia-ku, eie ua beta kota mu kuuabha mu ahatuoso, kaiela-phe mu manhanhu ma jimbudi katé ki u bhixila, nda uinge tuhombo tué ku maxilu ma jifundu ja abidi.

Izekiiele 33:24

Monʼa diiala, enhá a tungu mu ididi iii iala o jingùndu mua Izaliele, a mu zuela, exi: Mbalahamu ua kexidiê ngó muthu umoxi, o ixi iosuʼiii ia mu tokalele muene, maji-phe etu tua vulu; o ixi ienhiʼii ia a tu bhié-iu kiá ku i vua.

Matesu 3:9

Kana kukala mu kuila moxi dienu, muixi: Etu tuavu tatʼ etu Mbalahamu. Kuma ngi mi tangela-kiu kuila Nzambi ua soko-bhu kubhanga matadiʼ ama ni ma kituka ana Mbalahamu.

Loma 4:11

Kuma muene a mu saie kiá kueza kunu. O kifua kia kusaia ua ki tambula kuma kijimbuete, kidimbu kiedikiza o kulunga kuê kua muena mu kuxikana, kuila hanji-phe iú ku kanga, kiluua a mu saia. Kia bhiti kieniki phala Mbalahamu a kale mu nzumbi, tata ia oso a xikana Nzambi, né ku kanga kú ala, ka a saie, a a bhanga konda kuma alungu.

Loma 4:13

Kuma Nzambi o kikutu kia bhele kua Mbalahamu ni luvalu luê, kuma hinu ene a lundula oxi, ki kiejila mukonda uaiuka o Kitumu, maji kiejila mu kulunga kua kuxikana, o Nzambi iú ua mu xikina kuma ua lungu.

II Kolindo 12:18

Nga bhingile Tito kuia ku mi kunda, kumoxi ni phange ia mukuâ mu kuxikana. Manhi Tito ua mi bhange kudimuka? Ki kia kidi muene kuma kiiadi kietu, o muẋima uetu uene umoxi, o uendelu uetu ue uene umoxi?

I Phetele 2:21

Mukonda enʼuenu Nzambi kiene kia mʼixanena. Mbata Kristu kiene kia tu talela hadi, iú ua tu xila o phangu, phala tu mu kaiele mu makanda.