Loma 4:11 - O Mikanda Ikola

¹¹ Kuma muene a mu saie kiá kueza kunu. O kifua kia kusaia ua ki tambula kuma kijimbuete, kidimbu kiedikiza o kulunga kuê kua muena mu kuxikana, kuila hanji-phe iú ku kanga, kiluua a mu saia. Kia bhiti kieniki phala Mbalahamu a kale mu nzumbi, tata ia oso a xikana Nzambi, né ku kanga kú ala, ka a saie, a a bhanga konda kuma alungu.

Loma 4:11 ပူးပေါင်းရင်းမြစ်များ

Dimatekenu 17:24

Mbalahamu u kala mu makuinhiʼvua a muvu niʼvua, kia mu sàia o xitu ia kinhûnga kiê.

Jisálamu 47:9

Jitata ja ifuẋi iengi ja di bhongolola, a di te kumoxi ni mundu ua Nzambi ia Mbalahamu; kuma o ilolo i tuamenena ilômbo, Nzambi muene ngana iâ. Muene ku ukota ka moneka dingi mukuâ!

Makatukilu 12:13

O manhinga-phe ma kale kijimbuete ku jinzo joso mu mualʼenu; o ki ngi mona manhinga ngi mi somboka, kana dibhebhu di mi tula enu mu ku mi buidisa, kioso ki ngi kuama o ixi ia Ijitu.

Makatukilu 31:13

Eie-phe ambela ue anʼa Izalaiele, kuma: Mu kuata jinga muene o jisabhalu jami; kuma kijimbuete bhu kaẋi kʼami ni enu, ku miji ienu ioso katé ku hádia; phala mu kʼijiie kuma eme Jihova, nga mi bhange mu athu akôla.

Makatukilu 31:17

Kikale kijimbuete bhu kaẋi ka eme ni anʼa Izalaiele sé dizubhilu; kuma Jihova ua kalakala diulu ni ixi mu izuua isamanu, o kia sambuadi anga u ki nhoha, u sunga nguzu, anga u tululuka.

Izekiiele 20:12

Nga a bhana ue o jisabhalu jami, mbé ji kale kijimbuete bhu kaxi kami ni ene; phala a tene kuijiia kuila emiʼeme ngi Jihova ngi tena ku a zelesa.

Izekiiele 20:20

Endenu ni kukolesa o jisabhalu jami, mbé ji kale kijimbuete bhu kaxi kʼenu nʼEme, phala mu kʼijiie kuila Eme ngi Jihova, Nzambi ienu.

Matesu 16:16

Kuala Ximá Phetele: Eie u Kristu, Monʼa Nzambi ia muenhu.

Matesu 8:11

Ngi mi tangela-kiu kuma, ku thunda ni ku luiji, kua kà tunda athu avulu a kà xikama mu mbanza ia diulu kumoxi ni Mbalahamu ni Izake ni Jakobo.

Luka 19:9

Jezú anga u mu ambela, uixi: Lelu o kubhuluka kueza ku dibhata didi; kuma iú ue monʼ a ngene a Mbalahamu.

Nzuá 3:33

Uoso ua tambula o maka ma umbangi uê, ua londekeza kuma Nzambi kidi.

Nzuá 3:36

Kala kiki, uoso ua xikana o Mona, uala ni muenhu ki uábhua. Maji uoso ka xikana o Mona, ka kà mona muenhu, kikale o njinda ia Nzambi i xala ku thandu diê katé ku hádia ni hádia.

Nzuá 6:35

Jezú ua ambela, uixi: Eme ngi mbolo ia muenhu. Uoso uiza ko-kuami, kà kala dingi ni nzala, o uoso u ngi xikana eme, kà kala dingi ni dinhota.

Nzuá 6:40

Mbata o vondadi ia Tata iami ienhiʼii: Kuila uoso ua tale ku Mona, iú ua mu xikana, a kale ni muenhu ki úabhua; eme-phe ngi mu fukununa mu kizuua kia kà suka-ku.

Nzuá 6:47

Kidi, kidi, ngi mi ambela: Uoso u ngi xikana eme, u kala ni muenhu ki úabhua.

Nzuá 8:33

Ene a mu vutuila, exi: Etu tu akua muiji ua Mbalahamu, kiluua tu kala tu abhika a muthu. Eie uala kuila kiebhi kuma, mu kala ni ufolo?

Loma 10:11

Kuma o Mikanda Ikôla iambe: Uoso u mu xikana muène, kà ka kuata jisonhi.

Loma 10:4

Kuma Kristu muene o dizubhilu dia Kitumu, phala ió uoso u xikana, a mu lungise kuala Nzambi.

Loma 10:6

Maji o kulunga-phe ku tunda mu kuxikana, kuixi kiki: Kuile ku muẋima ué uixi: Nanhi ua kà banda ku diulu?—mbebhu o kubheka Kristu bhoxi.

Loma 3:22

Kuene o kulunga kua Nzambi ku ijila mu kuxikana Jezú Kristu. Muène u bhanga kiki kua oso muene a xikana, kuma kana-ku muthu ua di tungula-mu.

Loma 3:26

Maji mu kindala kiki muène ua bhakula Kristu phala kulondekeza kuila muène ua lungu. Uila kiki, Nzambi ua lungu, phala a lungise ue athu oso a xikana Jezú.

Loma 3:30

Kuma o Nzambi imoxi ngó iene ialaku, o ió akua kifua kia kusaia, u a lungisila mu kuxikana; o a kambe kifua kia kusaia, kiene kimoxi, u a lungisila ue mu kuxikana.

Loma 4:10

A ku bhangele kiebhi-phe o konda? Kia kexile kiá mu kifua kia kusaia, inga kia kexile hanji ku kanga? Ki mu kusaia, kana. Kia kexile hanji ku kanga.

Loma 9:30

O kiki-phe, tuila kiebhi? Kuma ió ki Jijudé, o akua jixi jengi, ka sotele o kulunga kua Nzambi, kulunga a ku mono, kuene-phe kua kulungila mu kuxikana.

Loma 9:33

kala kia ki soneka mu Mikanda Ikôla: Talesenu, nga tula mu Ziione ditadi dia kidibhukanu, ndanji ia iẋanju ku a di bhela ibhalu. Maji uoso-phe u mu xikana Muène, ka kà kuata jisonhi.

Loma 9:6

Ki tu fike-phe kuila o kizuelu kia Nzambi kia lémbua. Kuma a tokala Izalaiele, ene oso ki akua Izalaiele osole kua Nzambi.

II Kolindo 1:22

uedi ni ku tu ta kidimbu, ni ku tu bhana diẋîkina dia Nzumbi iê ku miẋima ietu.

Ngalásia 3:22

Maji o Mikanda Ikôla-phe iambe kuila athu oso a a jikila bhoxi dia kutena kua ituxi, phala o polomesʼ oio i bhinga kuxikana Jezú Kristu, i kale ia ene oso a xikana.

Ngalásia 3:29

O ki kala enu oso mua tokala Kristu, muala mu mbutu ia Mbalahamu; mu ibinganu ia polomesa ia bhele Nzambi kua Mbalahamu.

Ngalásia 3:7

Kala kiki, ijiienu-kiu kuma, oso akua kuxikana, ene anʼ a Mbalahamu.

Ngalásia 5:5

Kuma etu, tuala ni kudielela kuila hadia Nzambi ua kà tu xikina. Mukonda kienʼ iki kiene ki tua kinga mu kutena kua Nzumbi ia Nzambi, ió u tena o kukalakela mu kuxikana kuetu.

Ngalásia 6:16

Oso kijila kiki, kiene o kijila kiâ kiala kuenda na-kiu, ku kale paze, ni henda ku thandu diâ, ni ku thandu dia mundu uoso ua Nzambi!

Efezo 1:13

Kieniiki kia mi bhiti uenu. Kuma kioso ki muevu o jingolokela ja kidi ja Njimbu Iambote ialu tanga o ubhulukilu, enu uenu Kristu mua mu xikana. O Nzambi iú ua mi te o kidimbu kiê kia Nzumbi Ikôla, a mu tangele o kuiza.

Efezo 4:30

Kana kubheka malamba kua Nzumbi Ikôla ia Nzambi. Kuma o Nzumbi muene o kidimbu kia kuila o Nzambi uala momuenu; muène ue o diẋikina dia kuila Kizuua kí bhixila kia Nzambi ku mi kula.

Matendelelu 30:6

Jihova Nzambi ié ua-nda ku ku saia o muxima ué moxi, ni muxima ua mbutu ié ia-nda ku ku kaiela, phala kuzola jinga Jihova Nzambi ié ni muxima uoso, ni muenhu ué uoso, nda u kole muenhu.

Filipe 3:9

O kulunga kuami, ku ngi kala na-ku, ki ku kale kua kulungila mú kualuka o Kitumu, maji kua kulungila mù xikana Kristu, kuene o kulunga ku tunda kua Nzambi, kuijiia mu kuxikana.

Jihebeleu 11:7

Kiejila mu kuxikana, Noué kia mu dimuna kuala Nzambi, ku ima ianda kubhita, o iene kiluua i moneka. Noué anga u tumaka Nzambi, hé u tunga álaka, ia mu bhulula muène ni akua bhata diê. Mu kubhanga kiki anga u belesa o mundu uoso, hé u tambula kua Nzambi o kuiuka kuijiia mu kuxikana.

II Phetele 1:1

Eme Ximá Phetele, ngi mubhika, ngi Poxolo ia ngene ia Jezú Kristu. Nga sonekena akuetu, a mono ue kuxikana kua sokela ni kuetu mu ujitu, a ku muena mu kuiuka kua Nzambi ietu, ni Mubhuludi Jezú Kristu.

Dijingunuinu 9:4

Hé a ki ambela kuila ki ki bhange kima kioso-kioso kiaiibha ku iangu, mba kima kioso kia uisu, mba ngó muxi uoso-uoso. Maji kikala ki kuama ngó athu oso a kambe o kidimbu kia Nzambi bhu dibhomo.