Loma 3:5 - O Mikanda Ikola

⁵ Maji se o kutondala kuetu-phe kua sedivila phala kulondekeza o kuiuka kua Nzambi, tuila kiebhi? Manhi tuila Nzambi ua tondala mukua ku tu beta ni njinda? (Bhabha eme nga ki ambe ngó mu uzuelelu ua athu).

Loma 3:5 ပူးပေါင်းရင်းမြစ်များ

Dimatekenu 18:25

Lu ku suke, Ngana, ki ki bhite kuila u bhanga kima kala kiki, uila ni iá alungu ni iá abhukumuka u a jibhila kumoxi, kifua ni iá alungu ni iá abhukumuka, a soka? Ki ki ẋikina Ngana; Kifua Mufundixi u fundisa ioso mu ngongo, u lémbua kubatula mu kidi, hé u bhanga o kima kia kukamba kulûnga?

Jobe 8:3

Mbebhu Nzambi uene mu kubhengeleka ima ia iuka? O Muteni-a-Ioso mu kufundisa u bhengeleka?

Nahumu 1:2

O Ngana, uene Nzambi ia difuba, mukua kuvutula phonzo; o Ngana u kaxtikala, uezala ni njinda; O Ngana u vutula phonzo ku oso a mu kuatela luma; o jinguma jê u a bhakela njinda ka a kuatela henda.

Loma 12:19

Phange jami, ki mu kale mù vutula phonzo ku muthu uoso-uoso. Inda mu ehela o njinda ia Nzambi o kubhana kaxtiku. Kuma a ki soneka mu Mikanda Ikôla, exi: Phonzo ia ngi tokala eme ngi Ngana, eme-muène ngi futa.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

Loma 3:19

Kiki-phe tuejiia kuma kioso ki ambe o Kitumu, a ki ambela ió oso ala bhoxi dia Kitumu. Phala o makanu moso ma xite, ehe o maditatu, mbé mundu uoso a bele mu kufundisa kua Nzambi.

Loma 3:7

Maji-phe se o makutu mami ma bhangesa o kidi kia Nzambi ku mu vudisa dingi o fuma, eme u ngʼ êleselahi kala ngi mukua ituxi?

Loma 4:1

Kiki-phe o Mbalahamu dia tatʼ etu mu xitu, tu mu zuela kiebhi? Tuila tuexi ua bongʼ Ohi?

Loma 5:8

Maji o Nzambi-phe ua tu idikiza o henda ia muène ia tu kuatela; mukonda kioso ki tua kexile hanji tu akua ituxi, kiene kia tu fuila Kristu bhu kididi.

Loma 6:1

O ki tualʼ iki tuila kiebhi? Manhi tu jiza ni kulaiela mu ituxi, phala o kiadi kia Nzambi ni ki subhuke dingi kiengi?

Loma 6:19

Nga mu ki amba mu uzuelelu ua athu, mukonda enu mua bhuila mu xitu. Uila mu ukulu ki mua bhakuile o idiandu ienu mu kukala mu abhika a ufusa ua kubhanga kiaiibha phala kubhikila o ituxi, kindala kiene kiá ki mu bhakula o idiandu ienu mu kukala mu abhika a uiukilu u bhangesa kukala ni muenhu ua kuzela moxi.

Loma 7:7

Kiki-phe, tuila kiebhi? Tuila kuma o Kitumu ituxi? Ki ki xikina! Maji-phe ki ngeji kuijiia ituxi, se Kitumu kia kambele-ku. Kuma luimbi ki ngeji ku lu ijiia, se o Kitumu kia kambele kuila: Kana ku kala ni luimbi.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

Loma 9:30

O kiki-phe, tuila kiebhi? Kuma ió ki Jijudé, o akua jixi jengi, ka sotele o kulunga kua Nzambi, kulunga a ku mono, kuene-phe kua kulungila mu kuxikana.

I Kolindo 15:32

Mukonda eme kunu ku Efezu nga bhange mvunda, mukuá ni muthu ulua ni iama ia mukau. O kiki-phe se nga ki bhange ngó mukonda dia ima ia xitu, ngiia-phe kima kiahi ki nga nganhala-ku? Se ni kidi kiene o madifundu ka fukunuka, tu bhangienu kala ki ambe o Sabhu, kuila: Tu dienu-tu, tu nuenu-tu, o mungu tu kane kufua.

I Kolindo 9:8

Ki Sabhu ia athu ngó i nga te, maji ni mu Kitumu kí momo.

II Kolindo 6:4

Inda-phe tu idikiza mu ima ioso kuila tuala tu jingunza ja Nzambi, mu ʼkolokota kiavulu ni muanu uoso mu jihadi, mu makubhindama ni mu jiphaxi.

II Kolindo 7:11

Talesenu kioso kia bhange Nzambi ni mukondo uenu: Muene ua mi bhangesa kukala mu athu a ujitu dingi, kienhokio ue enu mu edikiza kuma ki muala ni kuêla. Kuthathamana kuahi ngó ku mua kexi na-ku! Uôma uahi u mua kexi na-u, ngunzu iahi i mua ngi kuetelele, muanu uahi, lusolo luahi ngó mu kubazela kiaiibha! Mu ima ioso iii mua dʼidikiza kuma mua zele mu mulonga uenhó.

Ngalásia 2:18

Kuma se ngalukila o kutunga ima ioio i nga sengulula kiá, nga di belesa kuma ngi mutondadi a Kitumu.

Ngalásia 3:15

Enu jiphange, ngi zuela hanji mu kikexilu kia athu: Né mbe ki kala kikutu ngó kia athu kiiadi, se edi kikutu a zubha kiá o ku ki ta, kana muthu u aluluka dingi, mba u ta-ku dingi diba diengi.

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!