Loma 3:4 - O Mikanda Ikola

⁴ Ki ki xikina! Nzambi a kale mukua kidi, né-mbé athu oso a kala akua makutu. Kala kia ki soneka mu Mikanda ia Ngana, exi: Eie phala u lunge ki u zuela mu kufunda, u belese, ki u kuata ku mulonga.

Loma 3:4 ပူးပေါင်းရင်းမြစ်များ

Jobe 36:3

Tundé ku makanga ngi kiʼamba dingi lua mukuá, kuila, o Ió ua ngi bhanga kène ni mangonha.

Jobe 40:8

Ni kidi kiene, eie kufundisa kuami ua-ndu ku kitula kingoho, mba u ngi belesa eme, eie ni u di lungise?

Jisálamu 100:5

Kuma Jihova muthu uambote; kulenduka kuê ki kuene kúbhua; o kukumbidila kuê ku xalela ku miji ioso.

Jisálamu 116:11

nga zuela-phe ngó lusolo, ngixi: Athu oso, mbé makutu!

Jisálamu 119:160

Tunde ku dimatekenu katé ku dizubhilu, maka mé kiene o kidi; kioso ki ua tetulula eie, muxinda bhu ndanji, ka ki lungulula dingi.

Jisálamu 138:2

Ngi diunda ni kubhana o pholo kua kala o Tembulu ié, ngi ku tumbula dijina mukonda dia kiadi kié kia kidi; kuma o maka mé, Ngana, ma ulamba, ni ku a fika ngó tua lémbua.

Jisálamu 51:4

Ko kué Ngana, ko kué èlele, ku nga tondala, nga bhange kiaiibha muene ku mesu mé; eie bhenhobho u kala ni kidi kié mu zuela; u lungé muene ki u ngʼêlesa.

Jisálamu 62:9

Mukonda, ni kidi kiene, akua ditala diófele kingoho, o akua ditala dia dikota ue makutu; ku a ta ku pezo, ki bhuala ua di tungula, ene oso a bhebhuluka mukuâ ni ukumbu ngó!

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Matesu 11:19

Monʼa Muthu-phe ueza ni kúdia ni kúnua anga amba, exi: Talenu kidiakhaji, hôlua, kamba dia akua kutambula lubhaku ni akua ituxi. Maji o Unjimu-phe a u tongolola kuala anʼ a Nzambi.

Luka 20:16

Ua-nda kuiza mu ku buidisa o idimakaji ieneʼoio ni a bhane díbhia ku athu engi. Ene ki evu kiki, exi: Ai-uê! Thamanu ki ki bhite.

Nzuá 3:33

Uoso ua tambula o maka ma umbangi uê, ua londekeza kuma Nzambi kidi.

Loma 11:1

Kiene kia ngi bhangesa o kuibhula, ngixi: Manhi Nzambi ua ẋimbuka o muundu uê? Ki ki xikina! Kuma eme muene uami ngi mukua Izalaiele, nga tokala ku luvualu lua Mbalahamu, ku muiji ua Bejamí.

Loma 11:11

Kiki ngʼ ibhula ngixi-phe: Ene kia di bhaleʼ okio, manhi endelela nzaká? Ki ki xikina! Maji o kibhalu kiâ, mu ituxi, kia bhekela akua jixi jengi ki Jijudé o kubhuluka, phala o Jijudé ku a kuatesa difuba.

Loma 3:31

O ki tua zuelʼ iki, manhi o Kitumu tua ki tumbulula mukonda dia kuxikana? Kana, ki ki xikina! Inda o Kitumu tua ki bhana dingi nguzu.

Loma 6:15

O kiki-phe? Manhi tu ta ituxi, mukonda ki tuala dingi bhoxi dia Kitumu, maji tuala kiá bhoxi dia kiadi kia Nzambi? Ki ki xikina!

Loma 6:2

Ki ki xikina! Etu, o ituxi tua i fuila kiá o kufua kuê; muene dingi mu bhuila o muenhu uetu?

Loma 7:13

O kima kiauabha-phe, manhi kiene kia ngi fuisa? Ki ki xikina! Ituxi-phe iene ia bhange kiki. Kuma ituxi ia katula nguzu iê ku kima kiauabha, íi ia ngi fuisa, phala o kikexilu kiê ni ki tena ue kutukuluka. Maji kienʼ iki, mukonda dia kijila, o kituxi ue kia beta dingi kusuina kiengi.

Loma 7:7

Kiki-phe, tuila kiebhi? Tuila kuma o Kitumu ituxi? Ki ki xikina! Maji-phe ki ngeji kuijiia ituxi, se Kitumu kia kambele-ku. Kuma luimbi ki ngeji ku lu ijiia, se o Kitumu kia kambele kuila: Kana ku kala ni luimbi.

Loma 9:14

Kiki-phe tuila kiebhi? Manhi tuila Nzambi mukua mangonha? Ki ki xikina!

I Kolindo 6:15

Kifua ki mu kʼijiia, kuma mikutu ienu idiandu ia ngene ia Kristu? O ki ngalʼ iki kifua ngi katula idiandu ia ngene ia Kristu, hé ngi i bhanga idiandu ia muhatu ua kidianzunga? Kana, ki kiene!

II Kolindo 1:18

Kabasa Nzambi uala fiiele, ua kʼijiia kuma hundu ietu ko kuenu ki ia kuila kiene ni kana:

Ngalásia 2:17

O ki tu kala-phe mu kusota kulungila kua Kristu bhu pholo ia Nzambi, kia lomboloka kuila tuala ue tu akua ituxi kala ió, ki Jijudé. Maji-phe o kienʼ iki tu kʼ ila kiebhi? Manhi tuila Kristu ua mu sedivila ki andala o ituxi? Ki ki xikina!

Ngalásia 2:21

O kiadi kia Nzambi nguami ku ki tumbulula. Mbata o kulunga se ku kala kua Kitumu, Kristu-phe ua fuê ngó!

Ngalásia 6:14

Eme-phe kuta thathe nga ki tokoka, kikale ngi di thathela ngó o dikulusu dia Ngana ietu Jezú Kristu. Kuma o dikulusu dia Kristu diene dia fuisa mundu iú phala eme, diene ue dia ngi fuisa eme phala o mundu iú.

Matendelelu 32:4

Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Tito 1:2

Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.

I Nzuá 5:10

Uoso u xikana Monʼa Nzambi, u kala ni umbangi uenhú moxi diê. Maji uoso ua kambe kuxikana, Nzambi ua mu kuatesa makutu, mukonda ua kambe kuxikana umbangi ua Nzambi ua bhela Monʼê.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.

Dijingunuinu 3:7

O Anjo ia Ngeleja ia Filadélfia, mu sonekene kiki: Eme ió ukôla, mukua kidi, uala ni sabhi ia kexile ia Davidi, uila kia jikula kana muthu u jika, o kia jika kana muthu u jikula, ua-mbe kiki: