Loma 3:3 - O Mikanda Ikola

³ O kieneʼokio? Né-mbé amoxi-mu a kambele kuxikana, o kukamba kitongola kua ene, kuene ku selukisa o kukumbidila kua Nzambi?

Loma 3:3 ပူးပေါင်းရင်းမြစ်များ

Jisálamu 84:7

Mu kuenda kuê ku tunda nguzu kuiza nguzu, katé kia bhixila; kuma ene oso a kala kiókio, a kà mona o pholo ia Nzambi mu Ziione.

Izaía 55:11

kiene ue kià kala o kizuelu ki tunda mu kanu diami; kiene ki kia kà vutuka kia hatu kokuami, maji kia kà bhanga kioso kia ngi uabhela eme, kale kioso ki nga ki tumukixina kiene ki bhita.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

Matesu 24:35

Oxi ia kà jimuka, ni diulu, o Maka mami-phe, ki mà jimuka.

Nzuá 1:16

Ku nzungule ia umvuama ua henda iê, etu oso tua tambula-ku ndumba ia kiadi mu kiadi.

Loma 10:16

Maji ene oso-phe kà sokela-ku mu kutambulula o Jingolokela Jambote. Kuma ni Izaia, uixi: Ngana, nanhi ua xikana o hundu ietu?

Loma 11:29

Kuma Nzambi kene kualuluka mu ubanzelu uê, ku mbandu ia ió uoso a mu sola kuala muène anga u mu zediuisa.

Loma 9:6

Ki tu fike-phe kuila o kizuelu kia Nzambi kia lémbua. Kuma a tokala Izalaiele, ene oso ki akua Izalaiele osole kua Nzambi.

II Kolindo 3:18

Uila kiki, etu enoso, ni pholo iofutumune, tu kala mu londekeza o kubenha kua Ngana kala ki bhanga o lumuenu. Kuma o kubenha koko kua mu tunda kua Ngana, muene o Nzumbi. Kuene ku tu kitulula anga tu di fuangana ni Ngana, o mu kienhiki o kubenha kuetu kuia ni kudibandekeza dingi kithangana ni kithangana.

II Tesalonika 1:3

Etu tua tokala tu sakidila jinga Nzambi mukonda dienu, enu jiphange! Mukonda kia tu fuama muene ku ki bhanga, kuma o kuxikana kuenu kua mu kula dingi kiengi, ni henda ienu i mua di kuatela mudienu iavulu dingi.

II Timote 2:13

Se tua kambe kukala jifiiele, Muène hanji u xala fiiele, Kuma muène ka tena kualuluka.

Jihebeleu 4:2

Kuma kia kidi kiene, etu a tu tudila o Jingolokela Jambote kala ene. Ene-phe ka bhandulukile kima mukonda o maka ki ma takana ni kuxikana mu miẋima ia oso a evile.

I Samuuele 15:29

O Kutende ió ua di bhana muene fuma ia Izalaiele, ka ẋikina kuta makutu mba kudiela; mukonda muene ki muthu kuila u diela.