Loma 3:27 - O Mikanda Ikola

²⁷ Manhi o ki tualʼ iki, tu di zangeleka na-kiu? Ki ki xikina! Ki ki xikina, phala-hi? Kifua ki ki xikina mukonda tua tumaka o Kitumu? Kana, maji mukonda tua xikana Kristu.

Loma 3:27 ပူးပေါင်းရင်းမြစ်များ

Sofoniia 3:11

Mu kizuua kienhokio kua kà kala dingi ni jisonhi ja ima iaiibha i ua bhangele kokuami, katé ki ua ngi ẋinukina jinga eme, kuma eme nga ka katula momué ió oso a di zangeleka, eie-phe nuka dingi u a kala ni izala ku mulundu uami ukôla.

Marku 16:16

Uoso u xikana, anga a mu batizala, u bhuluka; uoso-phe ka xikana, a ka mu elesa.

Nzuá 3:36

Kala kiki, uoso ua xikana o Mona, uala ni muenhu ki uábhua. Maji uoso ka xikana o Mona, ka kà mona muenhu, kikale o njinda ia Nzambi i xala ku thandu diê katé ku hádia ni hádia.

Loma 10:5

Mbata o kia soneka Mozé ku mbandu ia muthu ku mu xikina kua Nzambi ni ku mu lungisa mu kutumaka o Kitumu, uambe kiki: Uoso u bhanga ioso ia xindi o Kitumu, kuene kua muena o muenhu.

Loma 11:6

Kuma o kusola kuê kua tundu ku kiadi, ki ku tundu ku ikalakalu i bhanga athu. Mukonda se o kusola kua Nzambi, kua tundile ku ikalakalu ia athu, o kiadi kiê ki ki eji kukala kia kidi.

Loma 2:17

Ihi ia ku kuata? Eie-phe uala ni dijina dia kukala u Judé, eie ua xamenena ku Kitumu kia Mozé, uala ni ukumbu mukonda dia Nzambi i uala na-iu.

Loma 2:23

Eie ua di fiiala o kukala ni Kitumu kia Nzambi, maji mu kutondala o Kitumu u lebhukisa Nzambi?

Loma 3:19

Kiki-phe tuejiia kuma kioso ki ambe o Kitumu, a ki ambela ió oso ala bhoxi dia Kitumu. Phala o makanu moso ma xite, ehe o maditatu, mbé mundu uoso a bele mu kufundisa kua Nzambi.

Loma 3:26

Maji mu kindala kiki muène ua bhakula Kristu phala kulondekeza kuila muène ua lungu. Uila kiki, Nzambi ua lungu, phala a lungise ue athu oso a xikana Jezú.

Loma 4:2

Kuma se Mbalahamu ua lungile mu ikalakalu ia bhangele, muène uala ni nzabala iê; maji bhu pholo ia Nzambi, kana.

Loma 7:21

Kiki-phe nga sange kuila moxi diami muedi kiki: Kioso eme ki ngi sola kubhanga iauabha, iaiibha iene ia ngi zukama.

Loma 7:23

Maji nga mono kuila Kitumu kiengi kia mu tumina mu idiandu iami, kiala ku di lua ni kitumu kia ngi kala mu kilunji kiami, kiene kí kiala ku ngi kutila mu ubhika ua kitumu kia ituxi kia ngi kala mu idiandu iami.

Loma 7:25

Nga sakidila-phe Nzambi, kuma sai-ku kubhanduluka mua Jezú Kristu, Ngana ietu! Ki tualʼ iki-phe ngedi kiki: Ni kilunji kiami, kidi muene, nga mu bhikila o Kitumu kia Nzambi; maji o kikexilu kia xitu iami-phe, kia mu bhikila o kitumu kia ituxi.

Loma 8:2

Kuma o Kitumu kia Nzumbi ia Nzambi kia tu bhekela muenhu mua Kristu Jezú, kia ngi bhana ufolo ku kitumu kia ituxi ni kalunga.

Loma 9:11

o ana ene kiluua a a vuala, kiluua a bhanga kima kiauabha mba kiaiibha, phala o vondadi ia Nzambi ia kusola nʼ a ijiie kuila kana mu imbamba ia kubhanga, maji mù kuixana kua Nzambi muene,

Loma 9:31

Izalaiele-phe, o muiji uòsole kua Nzambi, a sotele o Kitumu ki tena ku lungisa, maji o kia kexi mù sota a ki tokoka.

Loma 9:32

Mukonda diahi? Mukonda ka ki sotele mu kuxikana, maji ene a ki sota jinga mu ikalakalu iâ. Mu kiki ene a di bhukana ku Ditadi dia kidibhukanu,

I Kolindo 4:7

Eie nanhi muène ua kubhangesa kuila akuenu oso u a tunda mu unene? Ngana Nzambi ki muène ua kubhana ioso i uala na-iu? Abha-phe, phala-hi eie u di zangeleka, kala o ioso i uala na-iu, Nzambi ki muène ua ku bhanaiu?

Ngalásia 2:16

Kiene ue etu ki tua xikanena Kristu Jezú, phala Nzambi a tu ẋikinine mu kuxikanʼ oko ku tua xikana Kristu, kana mu kubhanga imbamba ia Kitumu. Mukonda mu kubhanga o imbamba ia Kitumu ki muene dingi mu lungila muthu kua Nzambi.

Ngalásia 3:22

Maji o Mikanda Ikôla-phe iambe kuila athu oso a a jikila bhoxi dia kutena kua ituxi, phala o polomesʼ oio i bhinga kuxikana Jezú Kristu, i kale ia ene oso a xikana.