Loma 3:25 - O Mikanda Ikola

²⁵ Nzambi ua bhakula Kristu mu kukala sata, phala mu kufua kuê, Kristu a biluke muène diluuluilu dia athu nʼa tambule o muloloko ua ituxi, mu ku mu xikana muène. Nzambi ua bhange kiki, mù ku idikiza kuila muène uaiuka. Kuma Nzambi mukua muanu, o ituxi ia ta jinga athu mʼ ukulu ua i somboka mu kulenduka kuê.

Loma 3:25 ပူးပေါင်းရင်းမြစ်များ

Jisálamu 119:142

O kuiuka kué kuiuka ku nangenena; o ngonge ié kiene o kidi.

Jisálamu 22:31

A kala mu tumbula o kukumbidila kuê, phala athu kiluua a a vuala a kʼivue, kuma kiene kia bhanga jingʼiki.

Jisálamu 40:10

Mbote ié, ki nga i sueka ngó mu muẋima uami, lémbua! o henda ié ni kidi kiê ki nga i dingi, kana, kuila o mundu ua kionge kiadikota a kamba ku i ijiia.

Jisálamu 50:6

Kiókole ku diulu o kutetuluka kuê; kuma Nzambi muène, muene u kala mufúndixi. (Selah.)

Jisálamu 97:6

Maúlu ma kola kutetuluka kuê, o ifuẋi ioso ia mono o kubenha kuê.

Jisálamu 98:2

Jihova uedikiza ubhulukilu uê; o kukumbidila kuê, kua di monekena ku mesu a akua jixi joso.

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Ijila 16:10

Maji o kisutu kioso kia buila o muondona ua hombo-ia-muxídika, u ki bhakula ni muenhu uê kua Jihova, phala a bhange na-kiu o kiamenga, a ki ehele mu kikangalakata, phala kiie ni mukáu, kuma hombo-ia-muxídika.

Ijila 16:15

Kienhokio kiene kiua kia jibha o kisutu kia kiamenga kia sata ia kubhela o povo ioso, o manhinga mê a ma bhele mu ʻxilu dia mvéu, kala kioso kia bhange ni manhinga ma ngaloteʼoio, kiene ue kia bhanga ni manhinga iá, anga u ma sangela ku kibhuna kia kiadi ni ku pholo kunu ia kibhuna kia kiadi, kiki.

Nzuá 6:47

Kidi, kidi, ngi mi ambela: Uoso u ngi xikana eme, u kala ni muenhu ki úabhua.

Jipoxolo 14:16

Nzambi muène mʼ okulu uehela akua-jixi joso kuenda kioso kia a tumu o miẋima iâ.

Jipoxolo 15:18

eme ngi Ngana, nga tumu kuijidisa imʼ iii tunde mʼ okulu.

Jipoxolo 17:30

Mu jithembu ja kukamba ku kʼijiia, Nzambi ua dixibhidiê. Maji o kiki-phe ua tumu athu oso mu ngongo kudiela ni kueha o ituxi iâ.

Jipoxolo 2:23

muenʼió, mu kuijiia kua Nzambi ni kikutu kiê ki a ta jinga mʼokulu, mua mu bhakuile enʼuenu bhu maku ma iiala iabhumu, mua mu phaphelesa ku dikulusu, mua mu jibha.

Jipoxolo 3:18

Maji o Nzambi ima ioso-phe ia tanga mu kanu dia jipolofeta mʼ okulu, kuila o Kristu iê ua kà mona jiphaxi, muène ua i bhitisa kienʼiki.

Jipoxolo 4:28

Ene a di bhongolola phala nʼa bhange kioso o lúkuaku lué ni vondadi ié ia lekelela jinga kuma ki bhita.

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

Loma 3:26

Maji mu kindala kiki muène ua bhakula Kristu phala kulondekeza kuila muène ua lungu. Uila kiki, Nzambi ua lungu, phala a lungise ue athu oso a xikana Jezú.

Loma 5:1

Kia tu xikina Nzambʼ iki mu kuxikana, tuala ku paze ni muène mukonda dia Ngana ietu, Jezú Kristu.

Loma 5:11

O kiokio ngó ki kiene, maji ni kiki tua sanguluka mua Nzambi, mukonda dia Ngana ietu Jezú Kristu, ua tena o ku tu bhanga tu makamba ma Nzambi, kuma kua Muène kuene ku tua luulukila.

Loma 5:18

Uila kiki, kala kiejile o mulonga ku thandu dia athu oso mu kituxi kimoxi ngó, athu oso iá a xedi ni kuêla, kiene kimoxi, mu kima kia kulunga ngó lumoxi kia bheka o ujitu iú ua ngoho ueza ku thandu dia athu oso mu ku a lungisa nʼ a tambule muenhu.

Loma 5:9

Kota-kota-phe kiá, ki tua lunguʼ iki, Nzambi kia tu xikina mukonda dia manhinga ma Kristu, tua kà bhulukila kua Muène, ku njinda ia Nzambi.

I Kolindo 5:7

Kombenu-phe o kifulu-fulu kiokulu kia ituxi, nda mu xale ni kuzela kua kidi. Bhenhobho mbé mu kale mu dikende diobhe, kuma muala ku hangala. Mukonda o fesa ietu ia Phasu, ioiudike kiá, kiosuʼ iki Kristu, o Kambudi ka Phasu ietu a tu satela-nê kiá.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Efezo 1:7

Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!

Efezo 2:13

Maji o kiki-phe, mua Kristu Jezú, enu mua sandukile dikanga kua Nzambi, a mi bheka dingi bha zukama ni Muène, mu kúfua kua Kristu.

I Timote 1:15

O ulongelu iú uene ua kidi, ua tokala ku u xikana ni ku u tambulula ni muẋima uoso, kuila: Jezú Kristu uejile mu ngongo mu kubhulula akua ituxi. O ku akua ituxi oso eme ngi kota,

Jihebeleu 10:4

Mukonda ki ki xikina kuila o manhinga ma jingombe, ni jihombo ma tena kukatula ituxi ia muthu.

Jihebeleu 11:14

Oso-phe a zuela kiki, a di monekena kuila a mu sota o ixi iâ ia bhindamena.

Jihebeleu 11:17

Kiejila mu kuxikana, Mbalahamu kia mu lola, anga u bhakula Izake kala sata. Muène Mbalahamu a mu bhele o polomesa kuala Nzambi, ia ku di sokolola ndumba ia miji, sumbala kiene, muène ua bhakuile monʼê umoxi-eléle mu ku mu vuala.

Jihebeleu 11:7

Kiejila mu kuxikana, Noué kia mu dimuna kuala Nzambi, ku ima ianda kubhita, o iene kiluua i moneka. Noué anga u tumaka Nzambi, hé u tunga álaka, ia mu bhulula muène ni akua bhata diê. Mu kubhanga kiki anga u belesa o mundu uoso, hé u tambula kua Nzambi o kuiuka kuijiia mu kuxikana.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.

Jihebeleu 9:5

O ku thandu dia álaka kua kexi jikelubini jibenha jʼedikiza o Kizunda kia Nzambi, joleka o mabhabha mù vungina o kididi kia kulolokela o ituxi. Ima ioso iii-phe ku i lombolola kindalʼiki mu kimoxi-kimoxi, ki tu tena.

I Nzuá 1:10

Se tuedi tuixi ituxi ki tuala na-iu, Nzambi tua mu kuatesa makutu, o maka mê kala moxi dietu.

I Nzuá 2:2

Mukonda Jezú Kristu, muène kiluuluilu kia ituxi ietu. O ietu-etu ngó ki iene, maji ue ni ia mundu uoso.

I Nzuá 4:10

Muenhumu mua kala o henda, mu kuila: Etu ki etu tua zola Nzambi, maji muène-ku ua tu zola, iú ua tumikisa Monʼê mu kukala kiluuluilu kia ku tu lolokesa o ituxi ietu.

Dijingunuinu 1:5

ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.

Dijingunuinu 20:15

Uoso a mu mono, ua kambe ku mu soneka mu divulu dia muenhu, a mu takula ue mu kizanga kia túbhia.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.