Loma 3:11 - O Mikanda Ikola

¹¹ kana-ku muthu uejiia, kana-ku muthu u sota Nzambi.

Loma 3:11 ပူးပေါင်းရင်းမြစ်များ

Jisálamu 53:2

Sui! ku anʼathu kuala Nzambi mu diulu, uixi: Ngi talesa-ku mba muala ni iá ala ni kilunji, a xikina kusota Nzambi.

Jisálamu 53:4

Enhó a kalakala ituxi, kífua a lémbua kutongolola, a bhingi mundu uami a u kita mbolo iâ ia kúdia, ka moneka uoma ua Nzambi?

Jisálamu 94:8

Xinganekenu hanji enu jibulutu ja athu, enu mu ioua, kífua ki mu dimuka dingi?

Jisabhu 1:22

Enu ilalu, ulalu uenu mu suka na-u bhebhi? Enu jisemenhi, usemenhi kifua ki mu ueha dingi? Enu mu ioua, o kuijiia mu di zemba na-ku, kuambe?

Jisabhu 1:7

Uoma ua Jihova diene o dimatekenu dia unjimu. Maji o iôua-phe a dituna o kuijiia kua unjimu ni ulongelu.

Izaía 27:11

O kioso jithangu jê joso ki ja-nda ku kukuta, a kà ji bukujula; o kiza ahatu, a ji ta mu túbhia; mukonda o mundu iú ki mundu ua kilunji; kienhiki-phe, ió uoso ua u bhanga ka kà u kuatela henda, ió uoso ua umbu ka tena ku uidika ujitu ua kima.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Izaía 55:6

Sotenu Jihova, kiosuʼiki ki mu tena ku mu sanga, mu kodienu kiosuʼiki kiala bhua zukama;

Izaía 65:1

A ngi sota kuala athu ka kexe mu ngʼibhula; a ngi sange kua ió ka kexi mu ngi sota; ku athu mu dijina diami ka tokalele-mu, nga a tambuijila, ngixi: eme bhabhʼú!

Izaía 9:13

Hanji-phe, o mundu iú ki u xikina kutolokela uoso ua mu beta, mba a sota Jihova dia Ilômbo Ieta.

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Hozeia 7:10

O Izalaiele, izala iê ia-nda ku mu jimbulukila muene ku mesu mê; maji mu ioso iii ene ka-nda kualukila kua Jihova Nzambi iâ, né ngo ku mu sota.

Matesu 13:19

kʼivua muthu uoso o maka ma Utuminu ua Nzambi, anga u tokoka ku a ejiia, bhenhobho Dimonho diza di sumbununa ioso ia kuuile mu muẋima uê. Muenhú a mu kuua bhu mbanduʼ a njila.

Loma 1:22

Ene a di tange exi tu jinjimu, maji a biluka ioua.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Loma 3:10

Kala kia ki soneka mu Mikanda Ikôla exi: Uaiuka ka moneka, né muthu umoxi;

Loma 3:12

Ene oso Nzambi a mu sanduka, ene oso abhuka mu njila, a sekalela kumoxi. U bhanga o mbote u mu tokoka-mu, né umoxi ngó!

Loma 8:7

Uila kiki, o muthu u di zemba ni Nzambi, kioso o kilunji kiê kia kala mù ki tumina kuala o kikexilu kia xitu. Mukonda ka xikina kubelesela Kitumu kia Nzambi, ni kidi muène, ka tena ku ki belesela.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.