Loma 2:7 - O Mikanda Ikola

⁷ Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

Loma 2:7 ပူးပေါင်းရင်းမြစ်များ

Jobe 17:9

Hanji-phe, o ua iuka ua kʼènda o njila iê ni kúbhua uoma, o ua zele maku uia ni ku di bandekeza jinga mu nguzu.

Jisálamu 27:14

Ngana, se kua mu mono, mu kinge; kolokota, muẋima u kuate nguzu iobhe; nga ku ambela muene, Ngana se kua mu mono, mu kinge.

Jisálamu 37:3

Dielela kua Jihova, enda ni kubhanga o mbote; phala u tunge ixi ienhiʼii, u kale u fiiele.

Jisálamu 37:34

Kinga kua Jihova, u kuate njila iê; muene u ku zangeleka kulundula ixi; kizuua ki batuka ió abhukumuka, eie u ki mona mesu.

Izekiiele 18:17

Uebhesa o lukuaku luê kua phulungu ua tate, ka bhana dikongo dia kuvualesa kitadi, mba mu kutambula a mu telaku, nʼende ni kubhanga mabatuilu mami ni kuenda mu jingonge jami, muthu ió ka fu mu kikuma kia tatʼâ, ni kidi muene u kola muenhu.

Matesu 25:46

Iá-phe a kàia ku phaxi ki iabhua, o iá aiuka, ku kuenhu ki uàbhua.

Luka 21:19

Mu kukolokota kuenu, muene mu mua-ndu muena o mienhu ienu.

Luka 8:15

O ia sonoka mu mavu mambote, oso évua maka ni muẋima ua kidi, ua uabha, anga a ma lunda, ema ibundu ni muanu.

Nzuá 4:36

Uoso u kalakala, mu kubhongolola u tambula futu, hé u i bhakela o muenhu ki uábhua. Phala mu kienhiki, ni mukuni a jimbutu ni mubhongolodi a idima, a sangulukile kumoxi.

Nzuá 5:44

Mu tena kiebhi o kuxikana, se enu mu di bhana fuma mudienu, o fuma-phe i tunda ngó kua Nzambi nguenu ku i sota?

Loma 2:10

Maji Nzambi ua ká bhana o fuma ni ujitu, ni kutululuka kua uoso mukua kubhanga kiambote, ku dianga o Judé, hé ku kaiela ió ki Judé.

Loma 6:23

Kuma o futu ia ituxi kufua. Maji o ujitu-phe ua Nzambi muenhu ki uabhua, mua Kristu Jezú, Ngana ietu.

Loma 8:18

Kuma eme nga xinganeka kuamba o jihadi ja thembu ia kindala ji tua mu bhita na-ju mu ngongʼ umu, ki ji fuama ku ji fikisa ni fuma ioio hadia ia kà tu tukulukila.

Loma 9:23

Kuma muène ua solo ue kuidikiza o unéne ua fuma iê ia lunduluila ku thandu dietu etu, a tu lendukila kuala muène, iú ua bhange mʼ ukulu munhá, phala ni tu tambule o fuma ienʼ ii.

I Kolindo 15:42

Ni mu kufukunuka kua madifundu ue kiene. O mukutu kioso kia u funda, mukutu ua di fila; maji o ki u fukunuka, ua kà kala mukutu ki ufu dingi.

I Kolindo 15:50

Ngambe-phe kiki, enu jiphange jami, kuma: O kima kiobhange ni xitu ni manhinga ki ki tena kubhingana mu Utuminu ua Nzambi; o kiokio ki-fua, ki ki tena kukala ni muenhu ki uene dingi kufua.

I Kolindo 15:58

Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.

Ngalásia 6:9

Ki tu kadienu ni usudi mu kubhanga kiambote. Kuma hinu ki tu bhixila bhu thembu ia tokala, tua kà bhongolola, se tua kambe kubhuila.

Efezo 6:24

Ku kale kiadi kua ene oso a zola Ngana ietu Jezú Kristu, ni henda ia kambe o mangonha.

Kolose 1:27

Nzambi kia mu uabhela kienhiki: O kuila mundu uê u a ejidisa o jimbongo ja kijinganu kiê, o kijinganu kiokio kia fuma ni ujitu kia bhake Nzambi phala o miji ioso mu ngongo. Kijinganu kiki: Kuila Kristu u tunga moxi dienu, o mu kubhanga kiki, ua mi dielelesa kutambula mbandu ku fuma ia Nzambi.

I Timote 1:17

Mu kienhiki, o muenexi ió, kene kúfua, kene kumoneka ku mesu, o Nzambi imoxi ngó—a tambule ujitu ni fuma mu mivu ni mivu sè dizubhilu! Amén.

II Timote 1:10

Maji o kiki, o kiadi kia moneka mu kindala, mu kuiza kua Mubhuludiʼetu Kristu Jezú. Muène iú ua bhuisa-ku o nguzu ia kalunga, ua bheka ku mesu o muenhu ni kudisanza kuakambe kubola, mu Njimbu iê Iambote.

Jihebeleu 2:7

Kuma ua mu bhange kukala kathangana ndenge ia ji-anju, ua mu zuika kitundu kia fuma ni ujitu, ia tokala o sobha,

Jihebeleu 6:12

Ki mu kale-phe ni usudi, inda mu fikisa ió oso a xikana, ni muanu uâ, phala mu tambule jipolomesa mu kuxikana Nzambi ni kinhenge.

Jihebeleu 6:15

O Mbalahamu kia kolokota ni kinhenge, o polomesa ia mu bhana Nzambi ua i tambula.

I Nzuá 2:25

Kuku kuene o kukana Kristu kua tu kanena etuʼoso, kua ku tu bhana o muenhu ki uàbhua.