Loma 2:6 - O Mikanda Ikola

⁶ Kuma muène ua kà uanena athu oso kala kia tokala mu imbamba iâ ia bhanga jinga.

Loma 2:6 ပူးပေါင်းရင်းမြစ်များ

Jobe 34:11

Mbata o muthu ua kà mu vutuila kia fuama mu imbamba iê ia bhanga jinga; u bhangesa muene kuila muthu ni muthu u tambula kia fuama o njila iê.

Jisálamu 62:12

Ni kulenduka kua ku tokala, eie Ngana; kuma eie-muène u vutuila o muthu kala kioso kia fuama mu kukalakala kuê.

Makatukilu 32:34

Kala kiki-phe ndeie, u tuamenene o mundu iú, mu ku a bheka kididi kioso ki nga ku tangela; tala-ze, anju iami ia-nda ku ku tuamena jinga ku pholo; maji-phe, bhu kizuua kiami kia ku a zungila, ni kituxi kiki nga-nda ku a bhela-kiu o kaxtiku kê.

Jisabhu 24:12

O ki uila uixi: Manhì diâ! manhi ió mukua kutala o miẋima, kanda ku ki bhanga konda? Ió mukua kulonda o muenhu ué, ka-nda ku kʼijiia? manhi muene muthu kioso ki a bhanga ki kiene kia mu vutuila?

Jisabhu 24:2

Mukonda o muẋima uâ ufunha usuéia, o mizumbu iâ i tanga isunji.

Jisabhu 26:10

Muthu uoso uixana o ioua ni idiangu kuiza ku sedivisu iê, phala ku mu kalakela, ua soko ni muthu u kuata misongo anga u kala mu kuasa ngó oso-oso a bhita njila iâ.

Ndongixi 3:17

Anga ngʼila ku muẋima uami, ngixi: Nzambi hinu ua kà fundisa ua iuka ni ua ibha; mukonda sai thembu ia ima ioso, kixi ixinganeku mba ikalakalu.

Jelemiia 17:10

Eme ngi Jihova eme ngi solokota o muẋima, eme ngi tungula o ilunji; ngi ki bhangela-phe kumona o futu ia tokala kubhana kala muthu kia fuama ku mauendelu mê, ni kia fuama ku ibundu ia ibhangelu iê.

Jelemiia 32:19

Ukola mu kaiula, Munéne mu ima ia bhanga! mukonda o mesu mé ma jikuka ni ku kengelela ku thandu dia jinjila joso ja anʼathu, phala kubhana muthu ni muthu kala kia fuama o jinjila jê ni kioso kiala o ibundu ia ibhangelu iê.

Izekiiele 18:20

O muenhu uoso u ta o kituxi, uene ufua; o mona kʼambata ikuma ia tatʼâ, mba o tata ua kʼambata ikuma ia monʼê; o kuiuka kua muthu ua iuka, kua kà kala ku thandu diê-muene, o phulu ia mukua phulu, ià kà mu lundumukina ue muène.

Izekiiele 18:30

Kala kiki, Jihova Nzambi ua tange, uixi: Enuʼenuʼoso, nga-nda ku mi fundisa kala muthu kioso kia fuama mu njila jê, enu mu dibhata dia Izalaiele; zenu-phe mu diele ku itondalu ienu ioso, o ikuma ienu ki i mi kale kidibhukanu.

Izekiiele 36:19

Eme nga a muangena mu kaxi ka ifuẋi, iá a a muangena mu jixi; kala kiala o jinjila jâ, kala ue kiala o ibhangelu iâ, kiene ue muene eme ki nga a fundisa.

Matesu 16:27

Mbata Monʼa Muthu ua kèza mu kijingu kia Tata iê, kumoxi ni ji-anju jê; Thembuʼoio, kala muthu, ua kà mu vutuila kioso kia tokala mu ikalakalu iê.

Loma 14:22

Kala kiki, o kuxikana kuoso ku uala na-ku, ku kale ku muẋima ué eie-muène ngó ni Nzambi. Muthu ió ua zediua, uoso muẋima uê ki u mu belêsa, mu kubhanga kia fika muène kuila kiauabha!

I Kolindo 3:8

Maji ni iú ua kunu, ni iú ua tekela, a soko, kuma ene oso ene amoxi. Kala muthu-phe hinu ua kà tambula o nganhu iê kua Nzambi, kioso kia tokala mu kukalakala kuê.

I Kolindo 4:5

Uila kiki, kana kuêlesa muthu kiluua a bhixila bhu thembu iê. Kingenu o kufundisa kua kà suka-ku kia kéza Ngana. Muène uà kʼela iosueke mua vundu u i bheka bhua zele, ni ixinganeku iala mu miẋima ia athu u i tukulula. Kiene muthu ni muthu kia ka tambula kua Nzambi o diximanu diê dioso dia mu tokala.

II Kolindo 11:15

Ki ki kala ue kidiuanu se jingunza jê ji di bhangesa ku kala athu a bhanga o mbote. O ku dizubhilu a kà tambula kia sokela mu imbamba iâ ia bhanga jinga.

II Kolindo 5:10

Kuma etu ene oso tua bhingi hadia tu tukulukila bhu kibhuna kia Kristu phala ku tu fundisa kuala muène. Kala muthu phala a tambule kioso kia fuama mu imbamba ioso ia bhanga jinga ku mukutu, kixi iambote, kixi iaiibha.

II Timote 4:14

Xandele dia musudi ua ngi bhange phulu iavulu. Ngana u mu vutuila kia fuama mu imbamba iê iene kubhanga.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.

Dijingunuinu 20:12

Anga ngi mona ue o madifundu, makota ni jindenge, emana bhu pholo ia kiandu. Anga a jikula madivulu, ni divulu dia mukuá a di jikula, diene o divulu dia muenhu. O madifundu anga a a fundisa o ima ioso iosonèke mu madivulu, hé a a bhana kioso kia tokala mu imbamba iâ ia bhanga jinga.

Dijingunuinu 22:12

Jezú uixi: Bhulakanenu! Eme ngi lenguluka kuiza! Ni kifutilu kiami nganda kuiza na-kiu, mu kuuanena athu oso kioso kia tokala mu ima iâ ioso ia bhanga jinga.