Loma 2:4 - O Mikanda Ikola

⁴ Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

Loma 2:4 ပူးပေါင်းရင်းမြစ်များ

Jisálamu 10:11

Anga u tanga ku muẋima uê, uixi: Nzambi iú kuebhi-ze? Muene ua jimbi-ku kiá, ua di futu o pholo iê, ka-nda ku ki mona.

Jisálamu 104:24

Eie, tata, u Jihova, ikalakalu ié kuvula kuahi! Iene ioso ua i bhange ni uhete, o mu ngongo muezala ni jimbongo jé!

Jisálamu 31:19

Jimbote jé kuvula kuahi, Ngana! Ji ua lundila oso a ku kala ni uoma; ji u bhanga jinga athu oso a lengela ko kué, bhu pholo muene ia anʼaathu mu ngongo!

Jisálamu 78:38

Muene-phe mu kulenduka kuê, u a loloka o kubhukumuka kuâ, ka ẋikina ku a buikisa; u ki bhanga, u tona, kia kusosolola o njinda iê, né ua vunzuka ni kutema kuê, ka zubha.

Jisálamu 86:15

Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Jisálamu 86:5

Kuma, eie Ngana, u muthu uambote, u lenguluka kuloloka, uene mu lendukila kiavulu oso a dikola ko kué.

Makatukilu 34:6

O Jihova kioso kia mu bhita bhu pholo iê, Mozé, u mu kola, uixi: Jihova, Nzambi ia jihenda ni kiadi, ua lenduka, u kokoloka mu kuthathamana, u kôla mu kukuatela henda, ufiiele u vula.

Ndongixi 8:11

Mukonda dia kuila o ibhangelu ioso ia ibha ka mu i fundisila-bhu kiá kindala, kiene kia bhangesa kuila o muẋima ua anʼathu ua lunguʼé kiá ngoho mu kubhanga kia iibha.

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Jelemiia 7:10

Anga muiza kiua, ni mu imane bhu pholo iami monzo mumu, ia luku dijina diami, anga muila: Tua di xala, tu tena kiá o kubhanga isunji iosuʼiii?

Izekiiele 11:19

Hé nga kà a bhana muẋima uâ umoxi, o moxi diâ anga ngi ta-mu nzumbi ia ubhe; o muẋima ua ditadi uala mu xitu iâ nga kà u katula-mu, hé ngi bhinganesa-mu muẋima ua jixitu.

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Jona 4:2

Hé u sambela Ngana, uixi: U Jihova, ki kiene ki nga tangelʼiki, kioso ki ngala hanji kʼoxi iami? Kiene kia ngi bhekelele kulengela ku Talxixi, kuma ngejiia muene kuila eie u Nzambi ia henda ni kulenduka, ua vula o mbote ni muanu, u kokoloka kubeta, u lenguluka kukuatela henda, anga u lenguluka ue kudiela, ki uandala kubhana muthu kaxtiku.

Dialuilu 14:18

Jihova u kokoloka ku njinda, u vudila henda, u loloka ikuma ni itondalu; ka ẋikina-phe kueha muedi, ikuma ia jitata i bhiẋika kuxixima ku ana ni alaula, katé ku muiji ua katatu ni ua kauana.

Loma 10:12

O kia tangʼ iki, phala ene-oso, mukonda kana-ku katungu mu Judé, ni ió ki Judé. Nzambi muene kuma Ngana imoxi, Ngana ia ene-oso; muène mubhani a nzungule kua ió oso a di kola kua muène.

Loma 11:22

Talesenu o kulenduka ni kutema kua Nzambi: Kua ene a di bhale, muène ua tema; ko kuenu-phe, ua lenduka, enu ki mu jiza mu kulenduka kuê. O ki mu kamba kujiza, enu ue hadia a mi batula-ku.

Loma 11:33

O jimbongo ja Nzambi kuvula kuahi! Kuzonga kuahi o unjimu ua Nzambi, ni kuijiia kuê! Mukuahi u tena kulombolola o kaiula kê? Nanhi u tena kutongolola o ikutu iê?

Loma 3:25

Nzambi ua bhakula Kristu mu kukala sata, phala mu kufua kuê, Kristu a biluke muène diluuluilu dia athu nʼa tambule o muloloko ua ituxi, mu ku mu xikana muène. Nzambi ua bhange kiki, mù ku idikiza kuila muène uaiuka. Kuma Nzambi mukua muanu, o ituxi ia ta jinga athu mʼ ukulu ua i somboka mu kulenduka kuê.

Loma 6:1

O ki tualʼ iki tuila kiebhi? Manhi tu jiza ni kulaiela mu ituxi, phala o kiadi kia Nzambi ni ki subhuke dingi kiengi?

Loma 6:15

O kiki-phe? Manhi tu ta ituxi, mukonda ki tuala dingi bhoxi dia Kitumu, maji tuala kiá bhoxi dia kiadi kia Nzambi? Ki ki xikina!

II Kolindo 8:2

Kuma ene mu ku a lola mu polova ia jihadi javulu. Maji ezala ni ngalasa iâ, o mu uadiama uâ uazongo a bhana kia nzungule mu kubindumuna.

Efezo 1:18

Nga mu bhinga phala a jikule o ilunji ienu, a mi tonese o mesu ni mu mone o mukengeji, nda mu ijiie ioso ia tu dielelesa Nzambi mu kixanu kiê. Mbé ni mu ijiie ue kioso kiavulu o jimbongo ja mabesá mê ma tange kubhana o mundu uê,

Efezo 1:7

Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!

Efezo 2:4

Nzambi-phe mu kulenduka kuê kua mu kala o nzungule, mukonda dia henda iê iavulu ia tu kuatela,

Efezo 2:7

Nzambi ua bhange kiki, phala ku hádia ni hádia a kà tene kuidikiza o jinzungule josuʼ ojo ja kiadi kiê, mu mbote ia tu bhange etu mua Kristu Jezú.

Efezo 3:16

eme ngala kubhinga kua Nzambi phala a mi bhane kala kia fuama mu jimbongo ja unéne uê, o kukala ni nguzu dingi iavulu ia Nzumbi iê ku muthu uenu moxi.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Filipe 4:19

O Nzambi iami ue, u mi dikila enu mu kubhindama kuoso ku mu kala na-ku, kala kia fuama mu jinzungule jê mu fuma mua Jezú Kristu.

Kolose 1:27

Nzambi kia mu uabhela kienhiki: O kuila mundu uê u a ejidisa o jimbongo ja kijinganu kiê, o kijinganu kiokio kia fuma ni ujitu kia bhake Nzambi phala o miji ioso mu ngongo. Kijinganu kiki: Kuila Kristu u tunga moxi dienu, o mu kubhanga kiki, ua mi dielelesa kutambula mbandu ku fuma ia Nzambi.

Kolose 2:2

Nginda a bhetuke mu miẋima iâ, a takane kumoxi mu henda, a kale ni jimbongo ja kubhua phata mu kutongoloka, ejiie o kijinganu kia Nzambi, muène Kristu.

I Timote 1:16

maji o Nzambi-phe kiene kia ngi lolokela, phala ko kuami eme ngi dikota, Jezú Kristu edikize o kuxididika kuê kuoso kua ngi kala naku. Phala o kienhiki ki xalele mu kubhana kijimbuete kua enhó oso ku pholo a kènda ni ku mu xikana muène, nʼa tambule o muenhu ki uàbhua.

I Timote 6:17

Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.

I Phetele 3:20

O jinzumbi ja oso a xibhakele mʼokulu, kia kingile o kuxididika kua Nzambi mu izuua ia Noué, kioso kia kexile mu iudika o álaka. O mu álaka muenhomo mua bokona athu, kavulu, nake ngó dia mienhu, anga a bhuluka ku menha.

II Phetele 1:11

Maji mu kubhanga kiki, a kà mi bhana ungana ua kubokona mu Mbanza ixalela, ia ngene ia Ngana ietu. Mubhuludi Jezú Kristu.

II Phetele 3:15

Mu lembalale jinga kuma o kuxididika kua Ngana kuene kua mi bhana kithangana kia kubhuluka. Uila Phaulu, phange ietu tua mu zola, kia mi sonekena ni unjimu uê ua mu bhana Nzambi ku maka enʼiá.

II Phetele 3:3

Mu dianga-phe ku kʼijiia, kuma mu izuua i sukidila-ku, kua kà kala athu enda kioso kia a tumu jihânji jâ. Enhá a kà mi bhanga kasekelu ni kuila:

II Phetele 3:9

Ngana kala ni kaxixi mu kubhitisa kizuelu kiê, uila amoxi ki a mu fika kaxixi. Oko ki kiene, kuma enu-phe a mi xididikila, mukonda muène ka mesena kuila ku kala muthu u texika, mbata ua mesena ene oso eza mu kudiela.

Dijingunuinu 2:21

Nga mu bhana o kithangana kia kudiela o ituxi iê, muène-phe nguê kudiela o undumbu uê.

Dijingunuinu 3:20

Talesa! Ngemana bhu muelu ni kuṗhuṗha. Se muthu u ívua dízui diami, nʼa ngi jikuila dibhitu, ngi bokona mʼonzo iê hé ngi seiala-nê, ni muène ni eme.