Loma 2:29 - O Mikanda Ikola

²⁹ Inda o Judé ia kidi, ió uala Judé moxi, iú uala ni muẋima uòsaie. O kikiphe kima ki bhanga o Nzumbi ia Nzambi; o Kitumu kiòsoneke ki ki tena ku ki bhanga. O muthu-phe u kala kiki, diximanu diê di tunda kua Nzambi, ki di tundu ku athu.

Loma 2:29 ပူးပေါင်းရင်းမြစ်များ

I Malunda 29:17

Eme nga kʼ ijiia muene kiambote, Nzambi iami, kuma Eie uene mù lola o mixima, o kia ku uabhela o kidi. Eme ue mu kidi kia muẋima uami, nga ku bhana ni vondadi, o ima ioso iíi. O kiki-phe, nga mono ni kusanguluka kuoso kuila o mundu ué ala bhabha, a ku bhana uâ ni vondadi ioso.

Jisálamu 45:13

Díbhanga, monʼa sobha, mu ku mu bhenga u benha; jithanga jê ja jinjikita, jʼòtunge ni ulu.

Jelemiia 4:14

Sukula o muẋima ué ku usuéia, eie u Jeluzaleme, nda u tene kubhuluka; katé bhebhi u jijila momʼué o ixinganeku ié ia ibha?

Jelemiia 4:4

Di saiesienu phala Jihova, humbulenu o mabôlo ku miẋima ienu, enu mu mala ma Juda, nʼenu mua tunga mu Jeluzaleme, mua lengesa kuila o njinda iami hinu ki i bambuke kala tubhia, ni tu kuata kulema anga a lembua ku tu jima, mukonda dia usuéia ua ikalakalu ienu.

Jelemiia 9:25

Talesa izuua ii iza, Jihova ua ki tange, uixi: nga-nda kubhana njumbu kua ia oso a a saie kumoxi ni oso a kambe ku a saia.

Luka 11:39

Ngana Jezú anga u mu ambela, uixi: Enu mu jifalizu, o kopho ni dilonga mu di kondona ku kanga; moxi dienu-phe muezala uíi ni phulu.

Luka 17:21

Kà kela, exi: Iú kuku! Mba, Iú koko! Mukonda o Utuminu ua Nzambi uala moxi dienu.

Nzuá 12:43

Mbata ene ujitu u tunda ku athu ua a kalela kota, o ujitu u tunda kua Nzambi, ndenge.

Nzuá 4:23

Maji dikumbi dí diza-phe, o diene dia bhixila kiá, dia abhezi a kidi ku bheza Tata mu nzumbi ni mu kidi. Kuma Tata muène uandala abhezi a kala kiki, ni a mu bheze.

Nzuá 5:44

Mu tena kiebhi o kuxikana, se enu mu di bhana fuma mudienu, o fuma-phe i tunda ngó kua Nzambi nguenu ku i sota?

Loma 14:17

Kuma o Utuminu ua Nzambi ki ua kudia ni kunua, maji ua kuiuka, ni kutululuka, ni kusanguluka ku bhana o Nzumbi Ikôla.

Loma 2:27

Kala kiki enu mu Jijudé, a kà mi êlesa kuala ió ki Jijudé! Mukonda enu o Kitumu mua mu ki bula, sumbala a mi sonekena-kiu, o kusaia, a mi saie. O ió ki Jijudé a mu tumaka o Kitumu, sumbala ku mukutu kà a saie.

Loma 3:1

O Judé-phe kuzediua kuê kuahi? O kusaia muthu kuala ni kubhanduluka kuahi?

Loma 7:6

O kikiphe tua jituka ku Kitumu, kuma tuala tu afi ku ioio ioso ia tu kuatele. Uila kiki, tua jituka phala ni tu kale mù bhikila Nzambi mu muenhu uobhe ua Nzumbi ia Nzambi, kana dingi ku ukulu ua mixinda ia Kitumu.

I Kolindo 4:5

Uila kiki, kana kuêlesa muthu kiluua a bhixila bhu thembu iê. Kingenu o kufundisa kua kà suka-ku kia kéza Ngana. Muène uà kʼela iosueke mua vundu u i bheka bhua zele, ni ixinganeku iala mu miẋima ia athu u i tukulula. Kiene muthu ni muthu kia ka tambula kua Nzambi o diximanu diê dioso dia mu tokala.

I Kolindo 7:19

O kukala u muthu a ku saie, ki kima; o kukala u muthu a kambe o ku ku saia, ki kima. Kia kate-ku o kualuka ijila ia Nzambi.

II Kolindo 10:18

Kuma muthu u lunga ki ió u di ximana muène, maji ió uoso a mu ximana kuala Ngana.

II Kolindo 3:6

Mbata muène ua tu lendesa kukala tu jingunza ja kikutu kiobhe. Kuma o kitumu kia kusoneka ni mixinda ki jibha, maji o Nzumbi ia Nzambi-phe i bhana muenhu.

Matendelelu 10:16

Saienu-phe o mabôlo ma miẋima ienu, phala ki mu kale dingi muʼathu mua bhukumuka ilunji.

Matendelelu 30:6

Jihova Nzambi ié ua-nda ku ku saia o muxima ué moxi, ni muxima ua mbutu ié ia-nda ku ku kaiela, phala kuzola jinga Jihova Nzambi ié ni muxima uoso, ni muenhu ué uoso, nda u kole muenhu.

Filipe 3:3

Kuma o kusaia kua kidi, etu tuala na-ku, tu akua kubheza Ngana ni Nzumbi ia Nzambi, ki ene, kana! Kuma etu o kujinga kuetu kuala mu kudituma ni Kristu Jezú. Ki tu dielela kima ki bhanga athu ku kanga mu xitu.

I Tesalonika 2:4

Inda tua mu tanga o Maka kala kia mesena Ngana. O Nzambi-phe, kia tu mono ni ufiiele, ua tu lundisa o Njimbu Iambote, phala tu i tange kuoso, kala ki tuene kiá mù zuela; kana mu kuuabhela athu, maji mu kuuabhela Nzambi u tena kulola miẋima ietu.

I Phetele 3:4

Ku kale-phe kukemba kua muthu ua suama moxi, kuene o kuzuata ki ku kasana dingi, kua kubelesela ni kutululuka kua muẋima, kua te kiavulu bhu pholo ia Nzambi.

I Samuuele 16:7

Jihova-phe u ambela Samuuele, uixi: Kana kutala o pholo iê, mba o kitala kiê kialebha, mukonda eme nga mu ditunu. Kuma Jihova kene kutala kala ki tala o muthu; mbata o muthu u tala kidifua kia kanga, Jihova-phe u tala ku muẋma.