Loma 2:23 - O Mikanda Ikola

²³ Eie ua di fiiala o kukala ni Kitumu kia Nzambi, maji mu kutondala o Kitumu u lebhukisa Nzambi?

Loma 2:23 ပူးပေါင်းရင်းမြစ်များ

Ijila 13:32

O mu kizuua kia kasambuadi a mu tonginine lua mukuá, o kia sanga kuila dibakʼodio dia ngònga ki dia sanhe dingi, ki dia bhana ue ndemba ia kusuluka, ki dia tomboka ue kinéne o kikonda ki kiala ndenge,

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Luka 18:11

O falizeu anga uimana, u kala mú samba ni muẋima uê kiki: Nzambi nga ku sakidila, mukonda ki ngala kala athu amukuá, ala mií, inguángua, ati-a-jiphànda. Nga ku sakidila dingi, Ngana, kuma o mukua kutambula lubhaku iú ngó, eme ki nga sokela-nê.

Nzuá 5:45

Ki mu fike kuma eme ngà mi tatela kua Tata. Sai ua kà mi tatela, muene Mozé, mua mu dielela.

Loma 2:17

Ihi ia ku kuata? Eie-phe uala ni dijina dia kukala u Judé, eie ua xamenena ku Kitumu kia Mozé, uala ni ukumbu mukonda dia Nzambi i uala na-iu.

Loma 3:2

Sai-ku muene kubhanduluka mu ikexilu iavulu! Kima kia dianga-phe o kuila kuma o Jijudé ene Nzambi a a bhakesele o Njimbu iê.

Loma 3:27

Manhi o ki tualʼ iki, tu di zangeleka na-kiu? Ki ki xikina! Ki ki xikina, phala-hi? Kifua ki ki xikina mukonda tua tumaka o Kitumu? Kana, maji mukonda tua xikana Kristu.

Loma 9:4

Ene akua Izalaiele, o muiji uòsole kua Nzambi iú ua a bhange anʼ ê, iú ua a bhana ue ku fuma iê. Uate-nâ o ikutu iê, iú ua a bhana o Kitumu. O kubheza kua kidi ala na-ku ene, iá a tambula o jipolomesa ja Nzambi.