Kumbi dienhódio Jezú anga u kumbulula, uixi: Nga ku ximana Tata, Ngana ia diulu ni oxi, mukonda imʼ iii ua i sueka, jinjimu ni adimuka ka i mono, maji ua idikiza anandenge.
Maji tu sakidilienu-phe Nzambi, mukonda sumbala mua kexile mu abhika a ituxi, o kiki mua tumaka ni muẋima uoso o phangu ia ulongelu iú u mua tambula kunu ku mua sambuka.
Eme-phe, jiphange, ki ngi tenene ku mi tela maka kala ki ngene mù bhanga ni oso ala ni Nzumbi ia Nzambi. Maji kia ngi bhekelele kuzuela ni enu kala mu akua xitu, kala mu ana auisu mua Kristu.
Enu phange jami, athu mudienu ka vudile ku di bhanga jimesene ja kulonga maka mu Ngeleja, kuma mua kʼijiia kuila etu, tua mu longa o maka, hinu tua kà kala kota mu kuêla athu oso ndenge, hàdia kia kà tu fundisa.