Loma 2:17 - O Mikanda Ikola

¹⁷ Ihi ia ku kuata? Eie-phe uala ni dijina dia kukala u Judé, eie ua xamenena ku Kitumu kia Mozé, uala ni ukumbu mukonda dia Nzambi i uala na-iu.

Loma 2:17 ပူးပေါင်းရင်းမြစ်များ

Jisálamu 135:4

Mukonda Jihova ua solo Jakobo, nʼa kale muthu ua kazola kê, o Izalaiele uene o muiji ua undûndu uê uangene.

Izaía 45:25

Mbutu-phe ia Izalaiele ia kà lungila mua Jihova, ia kà bhandulukila kua muene.

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Sofoniia 3:11

Mu kizuua kienhokio kua kà kala dingi ni jisonhi ja ima iaiibha i ua bhangele kokuami, katé ki ua ngi ẋinukina jinga eme, kuma eme nga ka katula momué ió oso a di zangeleka, eie-phe nuka dingi u a kala ni izala ku mulundu uami ukôla.

Matesu 3:9

Kana kukala mu kuila moxi dienu, muixi: Etu tuavu tatʼ etu Mbalahamu. Kuma ngi mi tangela-kiu kuila Nzambi ua soko-bhu kubhanga matadiʼ ama ni ma kituka ana Mbalahamu.

Luka 10:28

Kuala Jezú: Eie ua vutula kiambote! Bhanga kienhókio, nda u laie.

Nzuá 5:39

Enu muene mu kutanga mu madivulu ma Nzambi, mukonda mua fika kusanga muenhomo o muenhu ki uàbhua. O Madivulu enhó, jene-phe jimbangi jami jala ku ngi tanga eme.

Nzuá 5:45

Ki mu fike kuma eme ngà mi tatela kua Tata. Sai ua kà mi tatela, muene Mozé, mua mu dielela.

Nzuá 7:19

Abha ki Mozé ua mi bhana o Kitumu? Kana muthu-phe mudienu ua mu tumaka o Kitumu. Enu-phe, mua-lu sotela-hi ku ngi jibha?

Nzuá 8:33

Ene a mu vutuila, exi: Etu tu akua muiji ua Mbalahamu, kiluua tu kala tu abhika a muthu. Eie uala kuila kiebhi kuma, mu kala ni ufolo?

Nzuá 8:41

Enu mua mu bhanga o ikalakalu ia tatʼ enu. Exi: Etu ki tuala tu anʼ a undumbu, kana! Tuala ni tata iumoxi ngó, muene Nzambi.

Loma 2:23

Eie ua di fiiala o kukala ni Kitumu kia Nzambi, maji mu kutondala o Kitumu u lebhukisa Nzambi?

Loma 3:27

Manhi o ki tualʼ iki, tu di zangeleka na-kiu? Ki ki xikina! Ki ki xikina, phala-hi? Kifua ki ki xikina mukonda tua tumaka o Kitumu? Kana, maji mukonda tua xikana Kristu.

Loma 9:32

Mukonda diahi? Mukonda ka ki sotele mu kuxikana, maji ene a ki sota jinga mu ikalakalu iâ. Mu kiki ene a di bhukana ku Ditadi dia kidibhukanu,

II Kolindo 11:22

Kifua ene jihebeleu? Ni eme uami. Manhi akua izalaiele? Ni eme uami. Kifua ene o luvualu lua Mbalahamu? Ni eme uami.

Ngalásia 2:15

Etu a tu vuala tu Jijudé, ki tuala tu akua ituxi kala o matumbu, ki Jijudé. Maji-phe tua kʼ ijiia ue kuila muthu ka tena kulungila mu kubhanga imbamba ia Kitumu, kikale u lungila mu kuxikana Jezú Kristu.

Efezo 2:11

Uila kiki, xinganekenu, kuma mʼ ukulu enu mu matumbu (akua jixi jengi) mu xitu, a mi luka jinga mu akua dibôlo, kuala o Jijudé a dʼ ixana kuma akua kusaia, kusaia-phe ngó kua xitu, kuobhange ni maku ma athu ku mikutu iâ.

Dijingunuinu 2:9

Nga ku ijiia o hadi ié i uene kutala. Ngejiia ue o uadiama ué u uala na-u, maji ni kidi eie uala-phe u mvuama! Ngejiia ni kuxinga kua ió oso ambe exi tu Jijudé, manhi ki Jijudé, maji ene ala kibuka kia tokala Satana!

Dijingunuinu 3:1

O anjo ia Ngeleja ia Salade, mu sonekene kiki: Eme ió uala ni sambuadi dia Nzumbi ia Nzambi, ni sambuadi dia théthembua, uambe kiki: Eme nga ku ijiia o ima ioso i uene kubhanga. Ngejiia ue kuma uala ni fuma ia kukala u muthu ua muenhu, manhi uafu!

Dijingunuinu 3:9

Ivua! Enhó a tokala ku kibuka kia Satana, a mu tanga exi tu Jijudé, mbé ki Jijudé, kuma ala ngó akua makutu, talesa, nga-nda kubhangesa kuila enhó eze, a ku bheze bhu inama ié, nda oso a kʼijiie kuila eme nga ku zola.