Loma 2:16 - O Mikanda Ikola

¹⁶ Kiene ue ki kia kà kala mu kizuua kia kà fundisa Nzambi ikutu ioso ia sueka athu, kua Jezú Kristu, kala ki ngambe mu Njimbu Iambote i ngene mù tula.

Loma 2:16 ပူးပေါင်းရင်းမြစ်များ

Dimatekenu 18:25

Lu ku suke, Ngana, ki ki bhite kuila u bhanga kima kala kiki, uila ni iá alungu ni iá abhukumuka u a jibhila kumoxi, kifua ni iá alungu ni iá abhukumuka, a soka? Ki ki ẋikina Ngana; Kifua Mufundixi u fundisa ioso mu ngongo, u lémbua kubatula mu kidi, hé u bhanga o kima kia kukamba kulûnga?

Jisálamu 50:6

Kiókole ku diulu o kutetuluka kuê; kuma Nzambi muène, muene u kala mufúndixi. (Selah.)

Jisálamu 96:13

Bhu pholo ia Jihova, kuma iú iza, iú iza mu fundisa o ngongo; u fundisa o athu mu ngongo ni kuiuka, u tetuluila o mundu ni kidi kiê.

Jisálamu 98:9

Bhu pholo ia Jihova, kuma iú iza, mu fundisa o ngongo; u fundisa mundu ni kidi, u batuila o ifuẋi ni kutetuluka.

Ndongixi 11:9

Eie, munzangala, di kenhe! Sanguluka mu unzangala ué, o muẋima ué u tulumbe mu izuua ia unzangala ué! O njila ja solo o muẋima ué, enda-ju muene, ni jojo ja ku uabhela ku mesu mé; maji ijiia-kiu-phe, kuila mu ima ioso ienhiʼii, muene hinu Nzambi muanda kua kà ku fundisila.

Ndongixi 12:14

Mbata Nzambi hádia o ikalakalu ioso ua kà i bheka bhu kibhuna kia kufundisa, katé ni ioio iòsueke, kixi ia uabha mba ia iibha.

Ndongixi 3:17

Anga ngʼila ku muẋima uami, ngixi: Nzambi hinu ua kà fundisa ua iuka ni ua ibha; mukonda sai thembu ia ima ioso, kixi ixinganeku mba ikalakalu.

Matesu 16:27

Mbata Monʼa Muthu ua kèza mu kijingu kia Tata iê, kumoxi ni ji-anju jê; Thembuʼoio, kala muthu, ua kà mu vutuila kioso kia tokala mu ikalakalu iê.

Luka 8:17

Mukonda kana-ku kima kiòfute kia kà kamba kuvulumuka; kana-ku kima kiòsueke, kia kà kamba kutukuluka.

Nzuá 12:48

Uoso ua ngi di tunu, ua kambe kutambulula o maka mami, sai uoso u mu êlesa. Maka mami moso u nga tange, ene a ka mu êlesa mu kizuua kia kà suka-ku.

Jipoxolo 10:42

Muène iú ua tu tendelela kutula o Njimbu Iambote ku mundu, ni kubhana umbangi kuma Muène a mu lekela kuala Nzambi kukala Mufundixi ua athu a muenhu ni madifundu.

Jipoxolo 17:31

Mukonda ua xindi kiá kizuua kia kufundisa mundu uoso mu kidi, kua muthu uê ua mu tungula. Nzambi-iú ua tumu ku kʼ ijidisa kua ene oso mu ku mu fukununa ku ʼalunga.

Loma 16:25

Tu ximane Nzambi! Kala ki nga mu tanga mu Njimbu Iambote i nga mu kola—o Njimbu ia tokala Jezú Kristu—kuila Nzambi ua soko-bho ku mi bhaka mu kuxikana. Kala ue ki kia tukuluka mu kijinganu kiòbhake mu kabuu mu jihama ja mivu ni mivu, tunde mu xahùlu.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

Loma 3:6

Ki ki xikina! Mukonda hé kiene, Nzambi mukua kidi hadia u fundisa kiebhi o mundu?

I Kolindo 15:1

Kindalʼ iki-phe, enu jiphange, nga mesena mu lembalala o Njimbu Iambote i nga mi tudilile. O Njimbu ienʼ iii iene i mua tambulula enu, o kuxikana kuenu ku muala na-ku, muene mu kuemanena.

I Kolindo 4:5

Uila kiki, kana kuêlesa muthu kiluua a bhixila bhu thembu iê. Kingenu o kufundisa kua kà suka-ku kia kéza Ngana. Muène uà kʼela iosueke mua vundu u i bheka bhua zele, ni ixinganeku iala mu miẋima ia athu u i tukulula. Kiene muthu ni muthu kia ka tambula kua Nzambi o diximanu diê dioso dia mu tokala.

II Kolindo 5:10

Kuma etu ene oso tua bhingi hadia tu tukulukila bhu kibhuna kia Kristu phala ku tu fundisa kuala muène. Kala muthu phala a tambule kioso kia fuama mu imbamba ioso ia bhanga jinga ku mukutu, kixi iambote, kixi iaiibha.

Ngalásia 1:11

Maji nga tumu ku mʼijidisa enu jiphange, kuila o Njimbu Iambote ʼoio i nga mi tudila eme, ka i funha kuala muthu.

I Timote 1:11

O ulongelu ua kidi iú, uala mu Njimbu Iambote ia ngi bhana eme kuia ni ku i tula—o Njimbu Iambote ia tundu kua Nzambi Ukôla, mukua fuma.

II Timote 2:8

Lembalala kuma Jezú Kristu, ku mbutu ia Davidi, ua fukunuka ku madifundu, uila ki ngene kutanga mu Njimbu Iambote i ngene mu kuboka.

II Timote 4:1

Nga ku tendelela ku mesu ma Nzambi ni ma Kristu Jezú ua kà fundisa athu a muenhu ni madifundu, mu kuiza kué ni mu Utuminu uê, kuila:

II Timote 4:8

Tundé kiki, kua ngi xikamena kiá kitundu kia kuiuka, Ngana, o Mufundixi uaiuka, ua kà ngi bhana-kiu bhu kizuua kiná; ki eme ngó a ngi bhana, maji ni ene oso kiá a zola o ku di mona mi Muène kià kèza.

Jihebeleu 9:27

Kala ue o athu kia a xindi kufua ngó lumoxi, o kia zubha o kufua, hé ku kala o ku a fundisa kuala Nzambi.

I Phetele 4:5

A kà ki bhela konda-phe kua ió uala polondo ia kufundisa athu a muenhu ni madifundu.

II Phetele 2:9

Kienhiki Nzambi uejiia kukudila akua uôma uê muʼ axaxi ka kudianguka, o akua ikuma u a bhaka katé bhu Kizuua kia Kufundisa, kuma a xikamena kaxtiku.