Loma 2:10 - O Mikanda Ikola

¹⁰ Maji Nzambi ua ká bhana o fuma ni ujitu, ni kutululuka kua uoso mukua kubhanga kiambote, ku dianga o Judé, hé ku kaiela ió ki Judé.

Loma 2:10 ပူးပေါင်းရင်းမြစ်များ

Jobe 22:21

Diluulule-phe ni muene, nda u mone kutululuka, mu kubhanga kiokio, mbote i kuiza.

Jisálamu 15:2

U kala muthu ua tenena mu kuenda kuê, mukua kukalakala ima iaiuka, u tanga kidi ni ku muẋima.

Jisálamu 29:11

Jihova muene u bhana o nguzu ku mundu uê; Jihova u zediuisa o mundu uê ni kutululuka.

Jisálamu 37:37

Batekela o muthu u bhanga ima ia kidi, u tale kiambote uemana nzanza; kuma ku pholo kuia muthu ió, kuà kala kutululuka.

Jisabhu 11:18

Mukua-phulu kia kalakala, kima kia bhanga ki ki tundu mbote; uoso-phe u kuna jimbutu ja kutetuluka, ua xikamena futu ia kidi.

Jisabhu 8:18

Ni jimbongo ni kijingu, ioso iii eme ngene na-iu; ngala muene katé ni umvama unanga ni kuiuka.

Izaía 26:12

Jihova, tata! Eie ua kà tu bhana o kutululuka, kuma éʼmuene ua kalakala moxi dietu o ibhangelu ietu ioso.

Izaía 32:17

O ibundu ia kuiuka ia kà kala kutululuka; o ukalakelu ua kuiuka o kunhoha ni ku kondama mu thembu joso.

Izaía 48:18

Uaué! Tamanu ua bhele mátui ku ijila iami! O paze ié ieje kuila kala ngiji, o kulunga kué kueje kuila kala mabhuku ma Musanza ua Kalunga.

Izaía 48:22

Maji o athu abhumu, kala ni kutululuka; Jihova ua ki tange.

Izaía 55:12

Mbata enu mua kà katuka ni kusanguluka, anga a kà mi endesa ni uembu; o milundu iònene ni iòfele ia kà dikola ni kutana bhu pholo ienu, o miẋi ioso ku mukáu ia kà bhabha jimbanda;

Izaía 57:19

Ibundu itunda ku mizumbu eme-muène ngi i iudika; ngi bhana paze kua ió ala ku makanga, ni kutululuka kua ene ala bhua zukama, eme Jihova, eme-muène nga kà a bhana o kudisanza.

Jelemiia 33:6

Maji tala-ze, nganda ku bheka ku thandu diâ, kudisanza ni kuiluka anga ngʼa saka muene, anga ngʼa tukuluila jinzungule ja kutululuka ni ja kidi.

Dialuilu 6:26

Jihova a bhetule pholo iê ku thandu dié, a ku bhane o kutululuka.

Matesu 10:13

O dibhata se di kala dia athu a ujitu, o paze ienu iiza ku thandu diê; se di kala dia athu a kambe ujitu, paze ienu i mi vutukila.

Luka 1:79

Ni kumuikina oso a xikama mu kuvunda kua kizenji kia kalunga; mbé o kuendesa inama ietu mu njila ia kutululuka.

Luka 12:37

Azediua abhika ió, ki vutuka ngana iâ, u a sanga a tono. Ngi mi ambela kidi, kuma muène u di bhola, u a xikamesa ku meza, hé ua emanena ni ku a xibhidila.

Luka 19:42

Ai-ué! Se ua kʼijidile ngó ki ualʼ okio, mu kizuua kiki, ima ia tokala ku ku bhekela o kutulukuka. Kiki-phe iòsueke ku mesu mé!

Luka 22:14

Kutula bhu ola Jezú u xikama ku meza, kumoxi ni Jipoxolo.

Luka 9:48

Anga ua ambela ene, uixi: Uoso u tambulula kamonʼaka mu dijina diami, eme-muène a ngi tambulula. Uoso ue u ngi tambulula eme, ua tambulula uoso ua ngi tumu. Mukonda uoso mudienu ua beta o kutola, muenhó muène o dikota.

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

Nzuá 14:27

Enu nga mi xila o kutululuka kuami; o kutululuka kuami ku nga mi bhana. O kuami eme ki ngi ku bhana kala ki ku bhana o mundu. Mixima ki i mi kenane, ki mu kale ni uôma.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Jipoxolo 10:35

Maji ku akua jixi joso, uoso u mu xila muène, hé u bhanga ioso iaiuka, Muène u mu tambulula.

Loma 14:17

Kuma o Utuminu ua Nzambi ki ua kudia ni kunua, maji ua kuiuka, ni kutululuka, ni kusanguluka ku bhana o Nzumbi Ikôla.

Loma 15:13

O kiki Nzambi mukua ku tu bhana o kudielela, a mʼ izalese ni ngalasa ni paze, mu kuxikana ku mua mu xikana Muène, phala o kudielela kuenu kuende ni kukula dingi mu nguzu ia Nzumbi Ikôla.

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

Loma 2:9

Kua kà kala njinda ni kutema, jiphaxi ni ngongo ku thandu dia muenhu uoso ua muthu mukua kubhanga kiaiibha, ku dianga o Judé, hé ku kaiela ió ki Judé.

Loma 5:1

Kia tu xikina Nzambʼ iki mu kuxikana, tuala ku paze ni muène mukonda dia Ngana ietu, Jezú Kristu.

Loma 8:6

Kuma o kukala ni kilunji kia mu tumina kuala o hanji ia xitu, kubhekela kalunga. O kukala-phe ni kilunji kia mu tumina kuala o Nzumbi, ki bhekela muenhu ni kutululuka.

Loma 9:21

Manhi o mumbiʼó kala ni kidi kiê, kia kuata utuma ni kubhanga kioso kiandala? Muene mu mbumbi imoxi u katula-mu kitutu kimoxi kia beta ujitu, ni kitutu kiamukuá kioso-kioso.

Loma 9:23

Kuma muène ua solo ue kuidikiza o unéne ua fuma iê ia lunduluila ku thandu dietu etu, a tu lendukila kuala muène, iú ua bhange mʼ ukulu munhá, phala ni tu tambule o fuma ienʼ ii.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Filipe 4:7

Bheniobho o kutululuka kua Nzambi kua somboka o kitongoluelu kioso kia muthu, kuanda ku mi bateka miẋima ni ilunji, mu ukamba ni Kristu Jezú.

I Timote 1:17

Mu kienhiki, o muenexi ió, kene kúfua, kene kumoneka ku mesu, o Nzambi imoxi ngó—a tambule ujitu ni fuma mu mivu ni mivu sè dizubhilu! Amén.

Jihebeleu 2:7

Kuma ua mu bhange kukala kathangana ndenge ia ji-anju, ua mu zuika kitundu kia fuma ni ujitu, ia tokala o sobha,

Tiiaku 2:22

Mua mono, kuma, o kuxikana kuê kua kalakala kumoxi ni ima ia bhangele. O mu ima ia bhangele, kuxikana kuê kua tenena.

Tiiaku 3:13

Nanhi mudienu uejiia, uala njimu? Kiene-phe! Edikize o unjimu ni kuijiia mu muenhu uê uambote ni imbamba ioso ia bhanga mu kubelesela kua unjimu ni kuximbakata.

I Phetele 1:7

Malamba iá mu bhita na-u, ihi o ku mi lola o kuxikana kuenu, kuala kota mù kuta, o ulu ndenge, kuma ulu u di bota, sumbala a u lola mu tubhia, phala kibhua o ku mi lola, muà sanga o diximanu, ni fuma, ni ujitu, bhuoso bhua kà tukulukila Jezú Kristu.

I Phetele 5:4

Kioso o Mubhidi ua Dikota-phe kia kà tukuluka, mu tambule kitundu ki kia kà lela dingi.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.