Loma 16:7 - O Mikanda Ikola

⁷ Menekenênu Andoloniko ni Júnia, jindandu jami nga kexile-nâ kumoxi mu ʼaleia. Ene ala athu a ejiia kiambote kuala o Jipoxolo, ene uâ a diangele kudiela mua Kristu, eme nga xedi kuema.

Loma 16:7 ပူးပေါင်းရင်းမြစ်များ

Izaía 45:17

Maji Izalaiele u bhulukila kua Jihova, ni ubhulukilu unangenena sé dizubhilu; o mu kienhiki katé ku hádia ni hádia sonhi ki ji tena ku mi kuata, ki mu tena kukakuka.

Izaía 45:25

Mbutu-phe ia Izalaiele ia kà lungila mua Jihova, ia kà bhandulukila kua muene.

Nzuá 14:20

Kizuua kiókio mua kʼejiia kuma eme ngala mua Tata, enu muala mo muami, eme ngala mo muenu.

Nzuá 15:2

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.

Nzuá 6:56

Uoso u dia o xitu iami, hé u nua manhinga mami, muène u xala momuami, eme ue ngi xala mo-muê.

Loma 16:10

Menekenenu Apele, fiiele iangene ia Kristu. Menekenenu akua dibhata dia Alixtóbulo.

Loma 16:11

Menekenenu Helodiia, ndandu iami. Menekenenu akua dibhata dia Narsizu, oso ala jiphange mua Ngana.

Loma 16:21

Timote, mukalakadi ni mukuetu, ua mi menekena. Ni Lúsiu, ni Jasone, ni Sosipata, o Jijudé akuaʼ xi iami, a mi menekena ue.

Loma 16:3

Menekenu Pidisila ni Akuila, akalakadi ni akuetu mua Kristu Jezú,

Loma 16:6

Menekeneu Madiia, ua ku mi kalakalela kiavulu.

Loma 16:8

Menekenenu Ampiliiato, mukua kazola kami mua Ngana.

Loma 16:9

Menekenenu Lubanu, mukalakadi ni mukuetu mua Kristu; ni Xitake mukua kazola kami.

Loma 8:1

Kiki kiá kana-ku dingi kuêla kua ió ala mua Kristu Jezú.

Loma 8:11

Maji se o Nzumbi ia Nzambi ua fukunuine Jezú mu ʼalunga, ua tungu moxi dienu, uoso ua fukunuine Kristu Jezú mu ʼalunga hadia ua kà phaphumuna ue o mikutu ienu ia kumbama, mukonda dia Nzumbi iê ia tungu moxi dienu.

Loma 9:3

Ngeji kuinda kuila eme-muene a ngi ta mazui kua Nzambi ni ku ngi kaia kua Kristu, bhu kididi kiâ ene jiphange jami, jindandu jami mu xitu.

I Kolindo 1:30

Maji enu-phe Nzambi muene ua mi ongeka kumoxi ni Kristu Jezú, a mu bhange kuala Nzambi kukala muene unjimu uetu. O mua Kristu muene mua tu ẋikinina Nzambi bhu pholo iê, ni ku tu bhanga tu mundu ua ngene ua Nzambi, iú ua tu bhulula.

II Kolindo 11:23

Kifua ene jingunza ja Kristu? Eme kotʼélele, sumbala nga zuela kala nga tekuka. Mu kukalakala eme kotʼélele, mu jikaleia eme kotʼélele. Mu ku ngi beta ni jisanzu, kotʼélele, mu makufua luavulu muene.

II Kolindo 12:2

Ngejiia muthu, ua kexi kidistá, kua bhiti kiá kuinhi dia mivu ni iuana, muenʼiú a mu ambatele katé ku diulu dia katatu. Hé mba ua kexile mu mukutu, mba mu mukutu ua tundile-mu, ki nga kʼijiia—Nzambi ngó ua kʼijiia.

II Kolindo 5:17

Kienhiki se muthu u kala mua Kristu, muthu uengi ua di bhange. Kuma ima iokulu ia bhiti, talesa, ima ioso ieza ku ubhe.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Ngalásia 1:22

O thembu iosuʼ oio-phe, o Jingeleja ku Judeia mua Kristu, ki ja ngʼ ijidile luua o pholo.

Ngalásia 2:2

Ngele-phe mukonda dia Ngana ku ngi longesa kuila kia ngi fuama kuia-ku. Kuenhoko anga ngi di bhongoluela mu Kionge ni adiakime a Ngeleja, anga ngi kala mu ku a jimbuila o Njimbu ioso i ngene kuboka mu ʼaxaxe ka akua jixi jengi. Maji nga a jimbuila bhu mbandu, ene ngó a fumana ku uadiakime, ngixi sumba ngedi kala eme-muene ngó nga di tumu, eme nga mu tala ngó hadi.

Ngalásia 2:6

O ió-phe oso a fumana ku uadiakime, (hé a dianga, eme ki kia ngi kuatela kima kuma Nzambi kene ni katungu ka athu)—enʼió a fumana, ka ngi bandekezele kima kiengi kia ubhe.

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Ngalásia 6:15

Kuma mua Kristu Jezú, ki u kala a ku saie, ki u kala ka ku saie, kiene kioso ki kia kate-ku kima; kia kate-ku o ku mi bhangulula athu obhe.

Efezo 2:10

Kuma etu tuala tu ufunu ua Nzambi muene, ua tu kalakela mua Kristu Jezú phala tu kale mù bhanga imbamba iambote, ioso ia tu iudikila Nzambi muène, phala tu kale mù kuendela-mu.

Kolose 4:10

Aristarko, ngala-nê muʼaleia, ku upelezu, ua mi menekena, ni Marku muebhu a Balanabé. Muène Marku mua muivu kia lekalu iê, koko se ua mi sange, mu tambuludienu kiambote.

Filemone 1:23

Epafala, hutile ni mukuetu, ngalanê muʼaleia mukonda dia Kristu Jezú, ua ku menekena.

I Nzuá 4:13

Kiene ki tu kʼijidila, kuma tuala ku ukamba ni Nzambi, ni muène ua tungu momuetu, mukonda ua tu bhana o Nzumbi iê.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.

Dijingunuinu 1:9

Eme Nzuá, ngi phangʼienu, ngi mukuenu mu hadi ia Jezú, ni mu Utuminu uê, ni mu kukolokota kuê, Nga kexile mu kikolo kia Pátamo, a ngi kuika mukonda dia kutanga maka ma Nzambi ni umbangi ua ima ia ngi tukuluila Jezú.