Hanji-phe, muene njimu, o kiaiibha ua kà kʼixana muene, kioso kia zuela kà ki sondolola, kana; ua kà fundumuka phala kubalukila dibhata dia imbokoto, ni kubalukila dikuatekesu dia akua kubhanga ima kubhuma.
Muène ngó ubhekèlele uê uavu o muenhu ki uene mbambe. Nzambi ua tunga mu mukengeji ki u xikina ku u bhixila. Nuka muthu ua mu muene, ka tena ku mu mona. O ujitu ni uzonda sè dizubhilu, u kale jinge uangene ua muène! Amén.
Ngana hanji u ngi kudila ku phulu ioso i ambe ku ngi bhanga, hé u ngi bhulula katé ku Mbanza iê ia diulu. O fuma ioso i kale ia Muène katé ku hádia ni hádia. Amén.
Mukonda dia Jezú Kristu tu bhanienu kilumbu kia kuximana jinga Nzambi. O diximanu didi, iene o sata i tua bhakula—ujitu ua tundu ku mizumbu i fisala o dijina diê.
O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.
Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.
muène Nzambi imoxi ngó, Mubhuludi uetu a mu bhele fuma kua Jezú Kristu Ngana ietu, ni kujînga, ni kutumina, ni kusuina, tundé kuema dia kukala, ni kiki, katé ni ku hádia ni hádia.