Loma 16:2 - O Mikanda Ikola

² Phangiʼetu ia muhatu muenʼ iú mu tambululienu mua Ngana, kala kia fuama akua Ngana, mu mu kuatekesa ue, se uala ni maka ma mi bhinga enu. Kuma muene uala mukuatekexi ua athu avulu, ni eme-muène ue.

Loma 16:2 ပူးပေါင်းရင်းမြစ်များ

Matesu 25:40

Muenexi ua kà kumbulula, uixi: Kidi kiene ngi mi ambela kuila: Kioso ki mua bhange jiphange jamiʼji ja ndenge, eme-muène mua ngi bhange-kiu.

Jipoxolo 9:13

Ananiia-phe u kumbulula, uixi: Ngana, muthu ió nga mu ivu ku mundu; athu é angene mu Jeluzaleme ua a bhange usueia uavulu.

Jipoxolo 9:15

Maji Ngana u ambela Ananiia, uixi: Katuka ngó! Kuma muène mukua sedivisu iami, Eme nga mu solo phala kubheka o dijina diami ku akua jixi jengi, ni ku jisobha, ni ku anʼ a Izalaiele.

Jipoxolo 9:36

Kiki ku Jopa ku kala xibulu ia muhatu dijina diê Tabita. (Mu Ngeleku ku di lombolola ela: Kasexi). Muhatu iú ua vula jimbote ni jimola jene kubhanga mu kukuatekesa o jingadiama.

Jipoxolo 9:39

Phetele anga u katuka, uia-nâ. O kia zubha kutula, a mu bheka mʼ onzo ia thandu. Ahatu a atudi anga a mu kondoloka ni kudila, ni kuidikiza jimbinza ni izuatu iamukuâ, ia a tungila jinga Kasexi, kia kexile-nâ hanji ku muenhu.

Jipoxolo 9:41

Phetele anga u mu bhana lukuaku, u mu balumuna. O kiexana akua Ngana oso ni atudi, u mu bhana kua ene ni muenhu.

Loma 15:7

Kala kiki, di tambululienu-phe mudienu, phala ki bhane fuma kua Nzambi, kala Kristu kia mi tambulula enu.

Loma 16:15

Menekenenu Filôloko ni Júdia, ni Neleu ni phangʼ iê ia muhatu, ni Odimpa, ni athu angene a Ngana ala kumoxi ni ene.

Loma 16:23

Ngaio, muadiakime ua ngi zalela, mukua inzo iê kunu mualù bhongolokela o Ngeleja ioso, ua mi menekena. Elasto, muingi a jimbongo ja mbonge kunu, ni Kuáluto, phangʼ ietu, a mi menekena. [

Loma 16:6

Menekeneu Madiia, ua ku mi kalakalela kiavulu.

Loma 16:9

Menekenenu Lubanu, mukalakadi ni mukuetu mua Kristu; ni Xitake mukua kazola kami.

Efezo 5:3

O undumbu-phe, ni ufusa uoso, ni hanji jaiibha, ka jʼ ivue né ku ji ta ngó maka mu ʼaxaxe kenu, kala kia fuama akua Ngana.

Filipe 1:27

Kala kiki, hé kima, o uendelu uenu u kale uendelu ua fuama mu Njimbu Iambote ia Kristu. O ki kala ngi mi sanga koko, mba ngi kamba ku mi sanga, kimuua ngʼivua jinga kioso ki muala kubhita na-kiu, kuma mua kolokota ni muẋima umoxi, muedi ni muenhu umoxi mua suinina kubhangela o kuxikana ku tunda ku Njimbu Iambote.

Filipe 2:29

Mu tanesienu-phe mua Ngana ni ngalasa ioso. Mukonda athu oso a kala kiki, mu enda ni ku a xila.

Kolose 4:10

Aristarko, ngala-nê muʼaleia, ku upelezu, ua mi menekena, ni Marku muebhu a Balanabé. Muène Marku mua muivu kia lekalu iê, koko se ua mi sange, mu tambuludienu kiambote.

I Timote 2:10

Maji kota uzuatelu ua kubhanga ima iambote, kala kia fuama ahatu a sola kuxila Nzambi.

II Timote 1:18

Ngana a mu bhese o ku mu kuatela henda mu kizuua kiná. O ima ioso ue ia bhangele mu ku ngi kuatekesa mu Efezo, eiemuène uaʼijiia kiambote.

Tito 2:3

Ambela ue adiakimi a ahatu kuila ende ni ujitu, ua fuama athu ala ni muenhu uazele. Ka kale ni kabódio, ka kale mu ubhika ua kunua vinhu iavulu. Maji a kale mú longa jinga ima ia mbote,

Filemone 1:12

Muenié-iú nga mu kutumikisa-né dingi, kifua muène ualuia kumoxi ni muẋima uami eme-muène.

Filemone 1:17

Kala kiki, eie se ua ngi mono-phe ngi mukua-kisoko kié, Onézimo kia mu vutukʼokio, mu tambulule kala eme-muène ua ngi tambulula.

II Nzuá 1:10

Muthu uoso-uoso u mi sanga, hé u mi bhekela ulongelu uengi, o ua Kristu ki uene, muthu ió kana ku mu tambulula mʼ onzo jenu, kana ue ku mu menekena, muixi: O paze i kale ni eie.