Loma 16:18 - O Mikanda Ikola

¹⁸ Kuma enhá, a kala kiki, kene kubhikila Kristu, Ngana ietu, maji a bhikila ngó o jihanji jâ ene. O mu kuzuela kuâ kuambote, kuatouala, ene mu kubhomba miẋima ia athu kiluua a ejiia.

Loma 16:18 ပူးပေါင်းရင်းမြစ်များ

II Samuuele 15:6

Kiene kia kexe mu bhanga Abisalone kua akua Izalaiele oso eza kufúnda kua muenexi. O mu kubhanga kiki, Abisalone u kala mu nhana mixima ioso ia akua Izalaiele.

II Malunda 18:5

Bheneʼobho-phe o sobha ia Izalaiele u bhongolola, jipolofeta joso, hama jiuana ja athu, ua ebhula, uixi: Tuia ku ita mu kúlua ni Lamote-Ngiliiadi, inga ngi muʼehʼê? Ene-phe exi: Banda; kuma Nzambi ua-nda ku mu bhana bhu lukuaku lué, sobha.

Jisálamu 119:130

Bhua jimbuluila o maka mé a muika, a zelesa; ni ió ua tobho a mu bhana kuijiia.

Jisálamu 12:2

Kala muthu u tanga makutu kua mukuá; mizumbu iâ ia kutobhesa ngó akuʼá; a zuela ni miẋima iiadi.

Jisálamu 19:7

Ngonge ia Jihova ia di uabhela, i bhekela muthu muenhu uobhe; umbangi ua Jihova ua kidi, u ijidisa atobho.

Jisabhu 14:15

Kilalu maka oso a zuela kuala athu, muene u a xikina; maji ió ua sunguluka-phe, u zonga kiambote kioso kienda.

Jisabhu 22:3

Njimu kiluezu u ki muena mu kanga, anga u suamʼé kiá; ilalu-phe a lundujuka ngó, katé ki a bonga divuua.

Jisabhu 8:5

Enu mu ilalu, di longienu ki kala o kudimuka; enu mu ioua, Sotenu muẋima ua unjimu.

Jelemiia 23:17

Thembu joso a kuata kuambela iá a ngi zembe eme, exi: Jihova uambe kiki: Kua mi xikamena paze; o uoso ua mu kuenda kioso kia mu tumu o muẋima uê a mu ambela, exi: Kʼilahize. Ki kuizé kima!

Izekiiele 13:16

O jipolofeta ja Izalaiele, a zambuila jinga mu Jeluzaleme, anga o Jeluzaleme aia ni ku mu muena isukila ia kutululuka, mbé o kutululuka kuene ki kuala-ku dingi; Jihova Nzambi ua ki tange.

Izekiiele 13:19

Mu kaxi ka athuʼami, enu mua ngi fukuila, mukonda dia makûmba ma sevada, ni ibhasu ia jimbolo, mbé o kujibha o mienhu ki ieji kufua, mbé mu bhake ni muenhu o mienhu ioio ki ieji kulaia dingi, kioso enu ki mu tanga o makutu ku mundu uami a mu kuívua o makutu.

Daniiele 11:34

O kia kà laúka kienhiki, bhua-ndu kala o ku a bhetula ni kadikuatekesu kòfele ngó; athu àvula a kà zuama ku mbandu iâ, maji enhá a kʼèza ni miẋima iiadi.

Mikeia 3:5

Kia bhekela Jihova ku ki tanga, mukonda dia jipolofeta jene kutondalesa akua mundu uami, jene kunumata ni mazu mâ, anga a dikola, exi: Paze! Mukonda ala ni kia kúdia, maji o ió-phe mu kanu diâ ka mu a tela-mu kima, a mu kanena kúlua-nê ita.

Malakiia 1:10

Tamano mudienu mua kexile muthu u jika mabhitu phala ki mu uike túbhia tua kalatódio kami mu kingoho. Kuma Jihova dia Ifuẋi uixi kiki: Enu ki mua ngi uabhela dingi; ki ngi xikina kutambula jisata ji tunda bhu maku menu.

Matesu 24:11

Bhua kà tukuluka jipolofeta javulu ja makutu, ji kala mu jimbidisa mundu uavulu.

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Matesu 6:24

Kana muthu u tena kubhikila ngana jiiadi. Mukonda bhu kala ni iú u mu zemba, o iú u mu zola; mba iú a di tuma, o iú a di bhonza. Enu ue ki mu tena kubhikila Nzambi ni Mamunu (kilundu kia jimbongo).

Matesu 7:15

Dimukinenu o jipolofeta ja makutu, a mi kana mu izuatu ia jimbudi, maji moxi diâ-phe ala jimbinji jahame.

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

Loma 14:18

Kuma uoso u bhikila Kristu kala kiki, Nzambi u mu uabhela, o athu a mu ximana kuila mukua ujitu.

Loma 16:19

Enu-phe o kutumaka kuenu ku mua mu tumaka o Njimbu Iambote, kua fumana ku athu oso. Kiene ki nga mu sangulukila mukonda dienu. Maji nga mi mesena mu kala mu jinjimu mu ima iambote, anga mu kala mu iximba mu ima iaiibha.

II Kolindo 11:3

Maji kala Eva kia mu nganalele kuala o nhoka ni makutu mê, eme uami ngala ni hele, sumba ku matelu-matelu, enu uenu ilunji a mi juualesa-iu, nʼa mi katule o kubheza Kristu mu kuzela ni kuiuka.

II Kolindo 2:17

Kuma etu ki tua sokela ni athu avulu, a bhinga kuila kia tanga o Maka ma Nzambi ela kala ala ngo mu kuta uenji uâ uosouoso. Maji etu-phe Nzambi muene ua tu katula, kiene kia tu bhekela kuila mù tanga o Maka mê, ki tu zuela ni mangonha bhu mesu mê, kuma tu akalakadi a Kristu.

II Kolindo 4:2

Imbamba ioso-phe ia kubhanga ni kusueka ni ioio ia jisonhi, tua i dila hunji. Ki tu bhange kudimuka, o maka ma Nzambi ki tu a lungulule mu mangonha. Inda tu bhanga jinga ima ia fuama o kidi, kiene kia bhekela o ku tu tumbula kuala enhoso, bhu pholo ia Nzambi.

Ngalásia 1:10

Manhi ki ngalʼ iki, ngalù sota ngó kukala mu ujitu ua athu? Lémbua! Kuma o ki nga solo eme, o ujitu ua Nzambi! Mbé kifua ngalù sota ngó kuuabhela athu? Se nga kexile mù uabhela ngó athu, ki ngejù kala dingi ngi selevende ia Kristu.

Filipe 2:21

Mukonda akua ene oso a bhindamena ima iâ-ene, ka bhindamena ima ia Jezú Kristu.

Filipe 3:19

O dizubhilu diâ kutexika mu infernu; nzambi iâ o imbamba ioso inda o mukutu uâ. Thathe iâ, o imbamba i kuatesa jisonhi; a xinganeka ngó ima ia bhoxi.

Kolose 2:4

Nga zuela kiki, phala kana muthu a mi jimbidise mu kuzuela kuê kua kubhomba, né-mbe mua mu mono muene uala muthu uambote.

Kolose 3:24

Mbata muejiia kuma mua kà tambula kua Ngana futu. Enu mua kà lundula o undûndu muène ua bhakela athuʼê. Mukonda o Ngana ia kidi i mua bhikila, Kristu.

II Tesalonika 2:10

Muène ua kà bhanga mangonha moso, phala kuxômba athu oso anda kutexika. Ene-phe anda kutexika, mukonda nguâ kutambulula o muẋima ua kubhindamena o kidi, ki tena ku a bhulula.

I Timote 6:5

ni kuhoia kua kambe mbàmbe kua athu a bolo kilunji, a tokoka o kidi. Athu kala kiki a fika kuila o kubheza (Nzambi) mubhetu ua kumuena umvuama. Athu a kala kiki, a sondoloke.

Tiiaku 1:1

Eme Tiiaku, selevende ia Nzambi, ni ia Ngana Jezú Kristu, nga tumu kumenekena o kuinhi dia muiji ni kiiadi ia muanganena mu jixi joso.

II Phetele 2:3

O mu luimbi luâ lua kitadi ni kuzuela kuâ kua ku di dinga, a kà mi ta uenji. Enhó tunde okulu o kuêla kuâ ki ku kokoloka, o kubuika kuâ ki ku zeka!

Juda 1:1

Eme Juda, mubhika ua Jezú Kristu, phange ia Tiiaku, nga sonekena ió oso a exana kuata Nzambi, ata mu henda ia Nzambi Tata, ia ata ku a tanga kuata Jezú Kristu.

Juda 1:12

Enʼ iâ a di bhanga dilebhu phala enu, ki mu kala kudia-nâ mu fesa jenu ja ukamba, ni kukodiua kuâ ku kuatesa jisonhi. A kala mu ku di dikila, ni kudisuua ngó ene. Edi kala matuta ma kambe menha, ma phephuluka ni kitembu, ki ma bhana mvula ia kima. A di bhange mixi ia tokoka o kuima, né bhu mvula ia kudinji, ki i moneka kibundu. A di fuangana mixi iòvuze ni jindanji, ia fuila-ku kiá muene.

Juda 1:16

Athu kala iá, akua kudizumina jinga ni kulongolola ni kufunda, enda kioso kia a tumu o jihânji, a kala ni dikanu dia ku di kaka, a kala ni kathombo kʼ athu mbebhu o kunganhala.

Dijingunuinu 1:1

Divulu dia dijingunuinu dia Jezú Kristu dia bhana Nzambi phala kuidikiza jiselevende jê, ima ia bhingi i bhita kindala. Jezú iu ua tumu mukunji uê ku i ijidisa selevende iê Nzuá,

I Samuuele 2:29

Muala kudiotela-hi bhoxi ni kutitidila jinga o jisata jami ni ilumbu iami, ia kijila ki nga bhana kubhangela mʼonzo iami, anga ki bhinga anʼé eie u beta ku a xila, eme ndenge, hé mu di netesa enʼuenu ni kutuama kutambula jixitu jambote ku jisata joso ja mundu uami ua Izalaiele.