Loma 16:17 - O Mikanda Ikola

¹⁷ Nga mi diondo-phe, jiphange, di langienu ni enʼió oso ala kubheka o makudimuanga ni kutondalesa akuâ mu kuxikana o ulongelu uâ uengi, ki uene u mua di longo enu. Enʼiá muenda ni ku a ebha.

Loma 16:17 ပူးပေါင်းရင်းမြစ်များ

Matesu 18:17

Kia di tuna kua evua ene, ka ki tangele ngeleja; o ngeleja ue se ua di tunu ku ívua, a ku kale mukuâ ni mukua matumbu, mba mukua kutambula lubhaku.

Matesu 18:7

Lamba dia mundu mukonda dia ifudisu i bhekela athu ku ngi xisa Eme! Ima iíi kia bhingi i bhita muene, maji uoso-phe u i bheka, lamba diê!

Matesu 7:15

Dimukinenu o jipolofeta ja makutu, a mi kana mu izuatu ia jimbudi, maji moxi diâ-phe ala jimbinji jahame.

Luka 17:1

Jezú anga uambela jixibulu jê, uixi: O ibhukanu i tesa athu ituxi, ki i kambe kuiza muene. Maji kokolo dia muthu uoso u i bheka, anga u bhangesa kuila ima iíi i bhita.

Jipoxolo 15:24

Mukonda tua kʼ ivu kuma athu a tundu mu dietu a mi tatesa o miẋima ni jiphata mu ioso ia mi tangela, sumbala etu ki tua a tumu phala kuia mu kubhanga kieniókio.

I Kolindo 11:18

Kima kia dianga, a ngi tangela kuila sai ibuka ia athu mudienu a muia ni kudikuata kioso ki mu bhongoloka mu Ngeleja. Ku mbandʼuku eme nga ki xikina kuila kidi.

I Kolindo 3:3

Mbata ki mua di kala ni dixingʼ okio, enu mua mu di kuata mudienu, kifua ki ki mʼidikiza kuila hanji muala mu akua xitu, muala kuenda mu kikexilu kia athu oso?

Ngalásia 2:4

Inda o phata iejilile ku jiphange ja makutu, ja bokuene ni kuzonza ni ku di dinga, anga a mesena ku mu saia. Mukonda ene a bokuene mu kulonda o ufolo uetu u tuene na-u mua Kristu Jezú, phala nʼ a tu bheke dingi ku ubhika.

Filipe 3:17

Enu jiphange, suinenu mu kukala mu afikixi ami eme, mu tongolole ue oso akua kuenda kienkiki, kala etu ki tua mi bhana o phangu.

Kolose 2:8

Alukenu! Ki bhu kale muthu u mi tobhesa, anga u mi bhûnda kala kingûmba, ni uanji uê ni makutu, ua kaiela mu malunda ma ulongelu ua athu, ni mu jindonda ja mu ngongʼumu, o kua Kristu ki kiala-ku.

II Tesalonika 3:6

Kiki-phe tua mi tendelela, enu jiphange, mu dijina dia Ngana ietu Jezú Kristu, kuma mu di kalelela ku uphange ni muthu uoso u enda ngó ni ulalu, u kamba kukalakala hé ufula kukaiela dilunda di tua mi bhana.

I Timote 1:3

Uila ki nga ku bhingile kiá, kioso ki nga kexile mu kuia mu Masedonia, nga mesena kuila eie u xala mu mbonge ia Efezo. Kuma amoxi-moxi muenhomo a tubhula ulongelu uengi ki uene ua kidi; kua bhingi-phe eie u a tendelela phala ene a ki ehe.

II Timote 3:5

Ku kanga a kuata kidifua kala kia kuxila Nzambi, maji ki kalakala o kutena kua Nzambi-phe, a ditunu-kiu. Athu a kala kiki ue, a sondoloke.

Tito 3:10

Muthu uala mufundi se ua mu bazela lumoxi ni luiadi, mu ambule.

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.

Juda 1:19

Enha ene a bheka o ku di muanga, ezala mu jihânji ja a vuala na-ju, a sokela ni iama, o Nzumbi ia Nzambi kala-nê.