Loma 16:12 - O Mikanda Ikola

¹² Menekenenu Tidifena ni Tidifoza, akua kukalakala mua Ngana. Menekenenu Pelesida, kamba diami nga mu zola, kuma muène ua kalakala kiavulu mua Ngana.

Loma 16:12 ပူးပေါင်းရင်းမြစ်များ

Matesu 5:47

Se mu menekena ngó o jindandu jenu, muila muexi tua bhange-hi? Manhi ni akua matumbu, kejiia Nzambi, kene ue ku ki bhanga?

Matesu 9:38

Ngana uavu mábhia mê mu sambedienu, a tume akalakadi mu mábhia mê.

Loma 16:11

Menekenenu Helodiia, ndandu iami. Menekenenu akua dibhata dia Narsizu, oso ala jiphange mua Ngana.

Loma 16:13

Menekenenu Lufu, mukalakadi ua dikota mua Ngana, ni manhʼ â, eme uami ngi mu ila manhʼ etu, mukonda uene ku ngi bhanga kiambote kala ngi monʼ ê.

I Kolindo 15:10

Maji dioso o ditala-phe di ngeza, nga di bhixila mu kiadi kia Nzambi, o kiadi kiê kia ngʼ idikiza ki kiaii ngó. Inda o jipoxolo ene oso nga a tundu mu kukalakala. Ki ngambe ue ngixi o kikalakalu kiosuʼ iki eme ngó nga ki bhange, maji o kiadi kia Nzambi kiene kia ngi bande.

I Kolindo 15:58

Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.

I Kolindo 16:16

endenu ni ku a kaiela mu im ioso ia longa, kumoxi ni akuá oso a mu a kuatekesa mu kikalakalu kioso kia mu bhanga.

Kolose 1:29

O mu kuzubha kibatuʼiki, kiene ki nga kuata mu kuxikana o nguzu ia Nzambi, ua fukukukalakela, nga bângama ni nguzu ia muène Kristu ua mu ngi suinisa moxi.

Kolose 4:12

Epafala muthu ua mi tokala mudienu kuenhoko, mubhika ua Jezú Kristu, ua mi menekena. Muène mukua ku mi bhângela luavulu mu kusamba kuê kua Ngana. Uene ku mi bhingila jinga phala Nzambi a mʼimike mu Maka mê, a mi bhane kukala mu adiakime mu nzumbi, ni kukala polondo ia kubhanga o vondadi ia Nzambi.

I Tesalonika 1:3

Kuma tuene ku mi lembalala, sé ngó kufula, bhu pholo ia Nzambi ietu, Tatʼetu, o kukalakala kuenu kua kuxikana, ni kubhika kuenu kua henda, ni kukolokota kuenu mu kudielela Ngana Jezú Kristu.

I Timote 4:10

Kiene kia mu tu bhekela kubhânga ni kukalakala kiavulu, mukonda kudielela kuetu kua kuata kua Nzambi ia muenhu, Mubhuludi ua athu oso, kota-kota dingi ua ió oso a xikana.