Loma 15:8 - O Mikanda Ikola

⁸ Kuma eme nga mi ambela kuila Kristu ua di bhangele mukunji ua Jijudé phala kuidikiza kuila Nzambi kene mu kualuluka, mbé o izuelu ioso ia bhele Nzambi ku Jitata a i kumbidile.

Loma 15:8 ပူးပေါင်းရင်းမြစ်များ

Jisabhu 8:7

Mbata dikanu diami di tanga o kidi, mizumbu iami ia di-zemba ni uzuelelu ua kubhuma.

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Matesu 15:24

Muène-phe u kumbulula, uixi: Eme a ngi tumu ngó ku jimbudi ja jimbidila ja dibhata dia Izalaiele.

Matesu 20:28

Mukonda uila ki eza Monʼa Muthu, kana kukala ni athu a mu bhikila muène, maji muène-ku kubhika, ni kubhana o muenhu uê mu kukula mundu.

Nzuá 1:11

Uejile ku athuʼê a mu tokala, athuʼê-phe ka mu tambulula.

Nzuá 10:16

Ngala ue ni jimbudi jamukuá, ki jala mu kibhanga kiki. Jenhiji ki bhinga ngi ji takana. Jene jívua o dízui diami, hé ji kala kilunga kimoxi ni mubidi umoxi.

Jipoxolo 13:46

Phaulu ni Barnabé-phe anga mu kuzuela a beta dingi kubhua uôma, exi: Kia bhingile a mi dianga enu mu Jijudé ku mi tangela o maka ma Nzambi. Kuma-phe enu mua mu tènde, ki mu di mono kufamena o muenhu ki uabhua, etu tu lungulukʼ Ó, tu zuela kiá ni akua ʼxi jengi.

Loma 11:22

Talesenu o kulenduka ni kutema kua Nzambi: Kua ene a di bhale, muène ua tema; ko kuenu-phe, ua lenduka, enu ki mu jiza mu kulenduka kuê. O ki mu kamba kujiza, enu ue hadia a mi batula-ku.

Loma 11:30

Maji enu ki mu Jijudé, mʼ ukulu mua xibhakele Nzambi. Maji o kiki Nzambi ua mi kuatela henda, mukonda dia kuxibhaka kua Jijudé.

Loma 15:16

Kia ku kala ngi mukunji ua Kristu Jezú, phala kukalakalela akua jixi jengi, ió ki Jijudé. Nga di bhange kala ngi nganga ia kutula o Njimbu Iambote ia Nzambi. Nga mu bhanga kiki phala o ió ki Jijudé a di bhange sata ia xikina kuala Nzambi mu dibônzo dia Nzumbi Ikôla.

Loma 3:26

Maji mu kindala kiki muène ua bhakula Kristu phala kulondekeza kuila muène ua lungu. Uila kiki, Nzambi ua lungu, phala a lungise ue athu oso a xikana Jezú.

Loma 3:3

O kieneʼokio? Né-mbé amoxi-mu a kambele kuxikana, o kukamba kitongola kua ene, kuene ku selukisa o kukumbidila kua Nzambi?

Loma 4:16

Mukonda dia kiki, kueza o kuxikana, o kikutu kia polomesa ia Nzambi ni ki naminina ku kuxikana phala ni ki kuate, ni ki kale kia kiadi ku luvualu lua Mbalahamu, Kuma o polomesa ki i tokala ngó a mu kualuka o Kitumu, maji ni ió ue oso a xikana mukuâ ni kia xikanene Mbalahamu. Mukonda mu Nzumbi muene tata ia etu-ene oso.

I Kolindo 1:12

Nga ki ambela mukonda kala muthu mudienu ua mu zuela ni kiê. Sai-ku ni iú, uixi: Eme ngi mukua Phaulu; o iú uixi: Eme ngi mukua Apolo; o iú uixi: Eme ngi mukua Phetele; o iú uixi: Eme ngi mukua Kristu.

I Kolindo 10:19

Mu kuzuela kiki, ngambe-phe kiebhi? Kuma o sata ia kiteka kima kia kidi, mba o kiteka kiene kima kia kidi?

I Kolindo 10:29

Ngambe kitongoluelu, kana o kié, maji kia mukuenu. Mbata sai ni bhabha bhu kala ni muthu uibhula, uixi: O ufolo uami phala-hi a u êlese ku kitongoluelu kia muthu uengi?

I Kolindo 15:50

Ngambe-phe kiki, enu jiphange jami, kuma: O kima kiobhange ni xitu ni manhinga ki ki tena kubhingana mu Utuminu ua Nzambi; o kiokio ki-fua, ki ki tena kukala ni muenhu ki uene dingi kufua.

II Kolindo 1:20

Né mbe ikanenu ia Nzambi i vula kinéne, kua muene kua kala kiene, kua muène ue ku tunda o kuila Amén, ki bhekela ku mbandu ietu tu fumanesa Nzambi.

Efezo 2:12

Thembu ieneʼoio mua di batukile ni Kristu. Mua kexile mu asonhi, o mu dianda dia Izalaiele, o muiji uòsole kua Nzambi, enu ki mu tokalele-mu. Ki mu kexile ni mbandu ue ku ikutu ia tundu ku jipolomesa ja bhele Nzambi o mundu uê. Enu mua kexile mu ngongo mumu, sé ngó kima ki mu dielela, sé ue Nzambi.