Uoso u tambulula kamona mukua ni kaka mu dijina diami, eme-muene ua ngi tambulula. O uoso-phe u ngi tambulula eme, ki eme ngo a ngi tambulula, maji ni Io ua ngi tumu.
Anga ua ambela ene, uixi: Uoso u tambulula kamonʼaka mu dijina diami, eme-muène a ngi tambulula. Uoso ue u ngi tambulula eme, ua tambulula uoso ua ngi tumu. Mukonda uoso mudienu ua beta o kutola, muenhó muène o dikota.
Phala ue ki bhangese akua jixi jengi, (ió ki Jijudé) kuximana Nzambi mukonda dia henda iê. Kala ki ambe mu Mikanda Ikôla, exi: Kiene kia kà ngi bhangesa ku ku tumbula mu ʼaxaxe ka akua jixi jengi, ió ki Jijudé, hé nga kʼ embila mu kuximana o dijina dié.
Mukonda dia kuxikana, Kristu ua tu bheka dingi mu kiadi kia Nzambi mumu mu tuemana mukonda dia kuxikana kuetu, etu tua sanguluka dingi ni kudielela o fuma ia Nzambi.
Nga mu bhinga phala a jikule o ilunji ienu, a mi tonese o mesu ni mu mone o mukengeji, nda mu ijiie ioso ia tu dielelesa Nzambi mu kixanu kiê. Mbé ni mu ijiie ue kioso kiavulu o jimbongo ja mabesá mê ma tange kubhana o mundu uê,
Mu di lendukile ni kudikuatekesa mudienu, mu di loloka, se bhuala muthu ua di kuata ni mukuá. Kala muthu a loloke mukuá kala kioso Nzambi kia mi loloka enu, kiene ue ki mu bhanga jinga.