Loma 15:19 - O Mikanda Ikola

¹⁹ mu nguzu ia isumua ni madiuanu ni mu nguzu ia Nzumbi ia Nzambi. Mu kieniiki tunde mu Jeluzaleme ni mu jimbandu jê, katé ku Ilidiko, nga bhiti-ku ni kukola o Njimbu Iambote ia Kristu.

Loma 15:19 ပူးပေါင်းရင်းမြစ်များ

Matesu 12:28

O ki kala-phe ngi kaia madimonho mu nguzu ia Nzumbi ia Nzambi, ijiienu-kiu-phe kuma Utuminu ua Nzambi ua mi tukulukila.

Nzuá 4:48

Jezú anga u mu ambela, uixi: Enu o kuxikana kuenu, kikale mu mona isunji ia makota ni madiuanu.

Jipoxolo 1:8

Maji enu-phe muandu tambula kutena, ki anda kuiza Nzumbi Ikôla ku thandu dienu. Mua kà ngi kalela jimbangi, ni mu Jeluzaleme, ni mu Judeia ioso, ni mu Samádia, katé ni ku maẋokololo ma jixi.

Jipoxolo 13:14

Ene-phe a bhitakena mu Peleje, hé a bhixila ku Andiioka mu Pizidia. Mu kizuua kia sabhalu anga a bokona mu dilombe dia Jijudé, anga a xikama.

Jipoxolo 13:51

Jipoxolo ene-phe, a a kukumuina o fufuta ia inama iâ, anga aia ku Ikônio.

Jipoxolo 14:10

Hé u mu ambela ni dizui diasuina, uixi: Balumuka! Imana nzanza! Muene anga u tuka, uimana, hé u mateka kuenda.

Jipoxolo 14:20

Maji kioso-phe kia mu imanena o jixibulu, a mu te bhu kaxi, muene u balumuka, hé u bokona dingi mu mbonge. O ki kuakie ni kimene, Phaulu anga u katuka ni Barnabé, aia ku Derbe.

Jipoxolo 14:25

O kia zubha kutanga Maka mu Peleje, a kulumuka ku tabhju dia Atalia.

Jipoxolo 14:6

O Phaulu ni Barnabé hé a kʼ ivua, anga a lengela ku jimbonge ja Likaonia ku Listra, ni ku Derbe, ni ku madiembu mu jimbandu joso.

Jipoxolo 15:12

Kieniokio Mundu uoso anga a dixibha, evidila Barnabé ni Phaulu a mu jimbulula o isumua ni madiuanau ia kalakala Nzambi ni ene mu ʼaxaxe ka matumbu.

Jipoxolo 16:18

Munzangala muenʼiú anga u ki bhanga izuua iavulu. Phaulu-phe kuma kia mu iibhila kiavulu, ua mu alulukila, hé uambela o dimonho, uixi: Nga ku tumu, mu dijina dia Jezú Kristu, kutunda mu mukutu uê. Anga di tunda kithangana kieniokio.

Jipoxolo 17:10

Kieniokio, jiphange ji katula Phaulu ni Sila mu usuku, hé a a tumikisa ku Beleia. O ene kia zubha kutula koko, a bokona mu dilombe dia Jijudé.

Jipoxolo 17:15

O makamba enʼ iâ-phe a xinjikila Phaulu, a bhiẋila-nê katé ku Atena. O kia tambula lekalu ia Phaulu kuila Sila ni Timote, a lenguluke ku mu sanga, ene aiuka ku Beleia.

Jipoxolo 18:1

Kia bhiti imʼ iii, Phaulu ua tundu mu Atena, hé u bhixila mu Korindo.

Jipoxolo 18:19

O kia kuaka bhu Efezo, Phaulu ua a xi bhenhobho Pidisila ni Akuila, muene-phe u bokona mu dilombe, hé u di kumbulula maka ni Jijudé.

Jipoxolo 19:1

Kiosuiki ki ala Apolo mu Korindo, Phaulu kia zubha kunhunga ku madiembu ku thunda, u bhixila ku Efezo, anga u sanga-ku jixibulu.

Jipoxolo 20:20

Enu mua kʼijiia ue kuila nga bhange ioso mu ku mi kuatekesa, ki nga fulu ku mi tangela kima ki tokala ku mi bhanga mbote. Nga mi tudila o Njimbu Iambote, nga mi longela jinga bhu nangu dia mundu, ni ku mabhata, inzo ni inzo.

Jipoxolo 20:6

Etu anga tu di longa mu Felipo, tu katuka, kia bhiti o izuua ia Jimbolo ja Kambe Kifulufulu. Anga tu bhanga izuua itanu mu kuzauka, hé tu a sanga mu Tolôua, anga tu xala mueniomo mu sambuadi dia izuua.

Loma 15:13

O kiki Nzambi mukua ku tu bhana o kudielela, a mʼ izalese ni ngalasa ni paze, mu kuxikana ku mua mu xikana Muène, phala o kudielela kuenu kuende ni kukula dingi mu nguzu ia Nzumbi Ikôla.

Loma 15:16

Kia ku kala ngi mukunji ua Kristu Jezú, phala kukalakalela akua jixi jengi, ió ki Jijudé. Nga di bhange kala ngi nganga ia kutula o Njimbu Iambote ia Nzambi. Nga mu bhanga kiki phala o ió ki Jijudé a di bhange sata ia xikina kuala Nzambi mu dibônzo dia Nzumbi Ikôla.

Loma 15:24

nga kinga ku ki bhanga kiá kindala. Kioso ki ngenda njila iami ia kuia ku Xipânha, nga mesena ngi mi mona mu kubhita, enu ue phala mu ngi xinjikile mu kuia koko, ki ngi mona kuila o vondadi ia ngi sosoloka kiá ia ku di mona ni enu.

I Kolindo 2:4

O kuzuela mu kulonga kuami-phe, ni njimbu iami i nga boka jinga, ki kua kexile kua maka ma kaiela mu unjimu ua uzuelelu ua athu, maji kua kexile kua maka ma kaiela mu unjimu ua uzuelelu mu uijidisu ni nguzu ia Nzumbi ia Nzambi.

II Kolindo 12:12

Kidi kiene, o ima iedikiza o upoxolo uami, iokalakale mu ʼaxaxe kenu ni muanu uoso. Ijimbuete ia isumua ni madiuanu, ni jinguzu javulu.

Ngalásia 3:5

Manhi o Nzambi mukua ku mi tambuisa o Nzumbi iê, hé u bhanga madiuanu mu ʼaxaxe kenu, kifua ua ki bhangela mukonda enu mualù bhanga ia tumu o Kitumu? Inga ua ki bhangela mukonda enu meuvu, enu mua xikana o maka ma Njimbu Iambote?

Kolose 1:25

Eme ngala ngi ngunza ia ngeleja mu kizuelu kia Nzambi, muène ua ngi xindila o kibatu kiki phala enu mu mone mbote. Xi, muène ua ngi tumu ko kuenu phala ku mʼivisa kiambote ni kivimba kioso o Maka ma Nzambi.

I Tesalonika 1:5

Kuma o Njimbu Iambote ki tu mi tudila-iu mu kuzuela ngó, maji ni nguzu, ni Nzumbi Ikôla, ni kujimbuluka kuila ia kidi. Enʼuenu mua kʼijiia, se tua kexile tu athu ahi mu ʼaxaxe kenu, mukonda dia mbote ienu-enu.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.

Jihebeleu 2:4

Nzambi ue mbangi iâ, kuma ua a bhana kubhanga isumua ni madiuanu, ni jinguzu javulu, ni mauhete ma Nzumbi Ikôla, kioso kia mu kala mu vondadi iê.

I Phetele 1:12

Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.