Loma 14:9 - O Mikanda Ikola

⁹ Mukonda kiene kia bhangesele Kristu kufua ni kuphaphumuka, phala a kale Ngana ia athu afu ni athu a muenhu.

Loma 14:9 ပူးပေါင်းရင်းမြစ်များ

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Luka 24:26

Kifua ki kia tokalele muene kuila Kristu nʼa bhite ni jingonjuʼojo, ni a tambule kiua o Ungana uê uoso kua Nzambi?

Nzuá 12:24

Kidi kiene, ngi mi ambela: O lumbundu lua tiliku, se lu kamba kusonoka mu mavu, anga lu fua, lu kalê ngó ubheka uê. Maji o ki lu fua-phe, lu bhana idima iavulu.

Jipoxolo 10:36

Enu muejiia kuma muene ua tumikisa maka ku ana a Izalaiele, o Njimbu Iambote ia paze ia kolele Jezú Kristu, muène Ngana ia mundu uoso.

Jipoxolo 10:42

Muène iú ua tu tendelela kutula o Njimbu Iambote ku mundu, ni kubhana umbangi kuma Muène a mu lekela kuala Nzambi kukala Mufundixi ua athu a muenhu ni madifundu.

Loma 10:9

Mukonda se u fisala ni dikanu dié kuma Jezú muene Ngana, anga u xikana mu muẋima ué kuma Nzambi ua mu fukununa mu ʼalunga, eie u bhuluka.

II Kolindo 5:14

Kuma tuezala ni henda ia Kristu ia tu kuatela, mukonda tua kʼijiia kuila muthu umoxi ua fuidile ene oso, mu kiki, atu ene oso a tambula mbandu mu kufua kuê.

I Tesalonika 4:14

Kuma etu tua xikana kuila Jezú ua fuile iú ua fukunuka. Kiene ue kimoxi oso a fuila mu kuxikana Jezú, Nzambi ua kà a bheka dingi kumoxi ni Jezú muene.

I Tesalonika 5:10

Mukonda Kristu muene ua tu fuidile bhu kididi, phala tu tene kukala ku muenhu kumoxi ni Muène, kixi tu afu kixi tua kolo muenhu hinu Muène kià kʼeza.

II Timote 4:1

Nga ku tendelela ku mesu ma Nzambi ni ma Kristu Jezú ua kà fundisa athu a muenhu ni madifundu, mu kuiza kué ni mu Utuminu uê, kuila:

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

I Phetele 1:21

Muène iú ua mi bhangesa kukala mu axikani a Nzambi, ió ua mu fukununa muène mu madifundu, iú ua mu bhana o ungana. Mu kienʼiki, o kuxikana kuenu, ni kudielela, ku muala na-ku, kua kuatenena kua Nzambi.

I Phetele 4:5

A kà ki bhela konda-phe kua ió uala polondo ia kufundisa athu a muenhu ni madifundu.

Dijingunuinu 1:18

Ememuène ngene o muenhu! Nga kexile nga fu, o kiki Emeʼami-ú ni muenhu, katé ku hádia ni hádia. Eme-muène nga kuata o jisabhi ji jikula mu mbila ni muʼalunga.

Dijingunuinu 2:8

O Anjo ia Ngeleja ia Sumina, mu sonekene kiki: Eme ió ua Dianga iu ua Sukidila, ua kexile uafu o kiki iú-ê ni muenhu, uambe kiki: