Loma 14:6 - O Mikanda Ikola

⁶ Uoso u xila o kizuua, kuma ua ki mono kia beta kota, Ngana muène a mu ẋidila-kiu. O ió udia ima ioso, ua dila Ngana, kuma ua sakidila Nzambi ua mu bhana o kudia. O ua kambe kudia ima imoxi-mu, ua ki bhangela o kubhana ujitu kua Ngana, anga u sakidila Nzambi.

Loma 14:6 ပူးပေါင်းရင်းမြစ်များ

Makatukilu 12:14

Kizuua kienhiki ki mi kala kizuua kia di tungula, mu kiʼimununa jinga ni kizokola kia Jihova; ku miji ienu ioso katé ku hádia ni hádia, mu kuata jinga fesa iê, ki kale kijila kia mi bhana.

Makatukilu 12:42

Kifua usuku ió Jihova ua a tele muxima mu ku a katula mʼoxi ia Ijitu; usuku iú-phe usuku ua Jihova, ua tokala anʼa Izalaiele oso a mu ta muxima katé bhua kà suka o miji iâ.

Makatukilu 16:25

Bhenhobho Mozé, uixi: Iene i mu dia lelu; kuma lelu sabhalu ia ngene ia Jihova; lelu bhoxi ki mua-nda ku i sanga-bhu.

Izaía 58:5

Mbé kuene o kujila ku nginda emeʼuku? ngixi muthu a di huhe muenhu uê kumbi dioso dia kambàmba? o kubheteka mútue kala mbamba, ni ku di-sukika mulàla ua kidinhaji ni ku di-kuua uthôkua, mua fika kuene o kujila, kuambe? o kidi eie u ki kita kujila, uixi kiene o kizuua ki tena kuuabhela Jihova?

Zakadiia 14:21

Kiene muene, jímbia joso mu Jeluzaleme ni mu Juda a kà ji lumbila Jihova dia Ifuẋi; ene oso a kèza mu ku bhakula jisata, a kà katula jímbia jenhojo, muene mua kà lamba xitu ia Sata. Ki kuà kala dingi muthu uengi mʼonzo ia Jihova dia Ilombo Ieta, kizuua kienhókio.

Matesu 14:19

Muène anga u tuma mundu kuxikama bhu iangu. Hé u katula o mbolo jitanu, ni mbiji jiiadi, u tala ku diulu, u sakidila Nzambi, anga u kuata kubhasujula o jimbolo ni ku ji bhana jixibulu, ene hé a kala mu ji uanena o mundu.

Matesu 15:36

Anga u zangula sambuadi dia mbolo, ni tumbiji, hé u sakidila Nzambi, u ji bhasujula, anga u ji bhana ku jixibulu, o jixibulu anga ji bhana o kifuẋi.

Nzuá 6:28

Ene a mu ambela, exi: Tu bhanga kiebhi, mu kubhanga o ikalakalu ia Nzambi?

Ngalásia 4:10

Phala-hi dingi mua bhindamena kubhana ujitu ku izuua imoxi-mu, ni jimbeji, ni jithembu, ni mivu?