Loma 14:5 - O Mikanda Ikola

⁵ Sai muthu u fika kuma sai kizuua kia tundu akuá. Sai dingi muthu ua fika kuila izuua ioso ia sokela. Kala muthu a tetuluke ku muẋima uê-muène mu ioso ia banza.

Loma 14:5 ပူးပေါင်းရင်းမြစ်များ

Luka 1:1

Kamba diami Tiiófilu: Athu avulu kiá a kuata kusoneka mu Mikanda o ima ioso ia bhitile mu dietu.

Loma 14:14

Eme ngejiia, kuma kia ngi tetulukila mua Ngana Jezú, kuila kana-ku kima kia di xidila ngó kiene. Maji se bhu kala muthu uoso u kita kima o kuxila, phala muène kia xidi muène.

Loma 14:23

Maji uoso-phe uala mu phata ia kioso ki adia, se uadi, Nzambi u mu êlesa, mukonda uadi ni kukamba o kuxikana. Kima kioso-phe kiobhange ni kukamba kuxikana, kituxi.

Loma 4:21

Mbata muẋima uê ua mu tetuluka, kuma kima kia tange Nzambi muene, ua soko-bhu o ku ki bhanga.

I Kolindo 8:11

Kienʼ iki eie o kuijiia kué ku uala na-ku kua bhekela phange ié kutexika, muthu a mu fuila ue kuala Kristu!

I Kolindo 8:7

Maji-phe o kidi kiki athu oso ka sokela-ku mu ku kʼ ijiia. Sai amoxi ejidila o iteka, kioso ki a dia, a dia kala sata ia ngene ia iteka. O kitongoluelu kiâ kuma kiluua ki kola, ki a bhekela kuêla, mukonda a banza kuila a di kasanesa ni kudia.