Loma 14:23 - O Mikanda Ikola

²³ Maji uoso-phe uala mu phata ia kioso ki adia, se uadi, Nzambi u mu êlesa, mukonda uadi ni kukamba o kuxikana. Kima kioso-phe kiobhange ni kukamba kuxikana, kituxi.

Loma 14:23 ပူးပေါင်းရင်းမြစ်များ

Loma 13:2

Mu kieniiki, uoso u ẋinukina o ungana, ua ẋinukina kima kia tumu Nzambi. Oso-phe a ximika kiki, andu di bhekela kaxtiku ku thandu diâ.

Loma 14:5

Sai muthu u fika kuma sai kizuua kia tundu akuá. Sai dingi muthu ua fika kuila izuua ioso ia sokela. Kala muthu a tetuluke ku muẋima uê-muène mu ioso ia banza.

I Kolindo 8:7

Maji-phe o kidi kiki athu oso ka sokela-ku mu ku kʼ ijiia. Sai amoxi ejidila o iteka, kioso ki a dia, a dia kala sata ia ngene ia iteka. O kitongoluelu kiâ kuma kiluua ki kola, ki a bhekela kuêla, mukonda a banza kuila a di kasanesa ni kudia.

Tito 1:15

Uazele, ima ioso i mu zela. Kua iâ phe a bolo, a kambe kuxikana, kana-ku kima kia zele, mukonda ni kilunji kiâ, ni muẋima uâ moxi, ua bolo.

Jihebeleu 11:6

Muthu-phe ua kambe o kuxikana ka tena kuuabhela Nzambi. Kuma uoso uiza kua Nzambi ki kala u xikana kuila sai-ku Nzambi, kuma muène mukua kubhandulula oso a mu sota ni muanu.