Loma 14:2 - O Mikanda Ikola

² Kuma sai ni muthu uala ni kuxikana kua kudia ima ioso, sai-phe ni muthu ua bhuila mu kuxikana kuê, udia ngó idima.

Loma 14:2 ပူးပေါင်းရင်းမြစ်များ

Dimatekenu 1:29

Nzambi anga u zuela, uixi: Talenu, nga mi bhana idima ioso i bhana jimbutu, mu ngongo ioso, ni miẋi ioso i kala ni ibundu i bhana jimbutu; i mi kale o kudia kuenu;

Dimatekenu 9:3

Ima ioso ia muenhu, iene mu kuenda, i kale kúdia kuenu; mukuá ni ki nga mi bhana o idima ia uisu, iene ioso kindala nga mi bhana na-iu.

Jisabhu 15:17

Sembele o kakúdia ka tumafe bhuala o henda, kuindi o ngombe ianete bhuala o luma.

Daniiele 1:12

Nga ku diondo, tu fikise hanji mu kuinhi dia izuua, etu tu jeselevende jê, ende ngó ni ku tu bhana makudia ma mábhia, o kúnua kuetu ku kale ngó o menha.

Daniiele 1:16

Mukonda dia kiki, mukua kuuana makudia, uenda ni ku a sondolola o kudia kuâ kua a fuamene, ni vinhu ia a tokalele kúnua, anga u kuata ku a bhana ngó makudia a mábhia.

Loma 14:1

Uoso ua bhuila mu kuxikana kuê, mu tambuludienu mu ʼaxaxe kenu, maji ki mu mu kuatese jiphata mu kuxikana kuê.

Loma 14:14

Eme ngejiia, kuma kia ngi tetulukila mua Ngana Jezú, kuila kana-ku kima kia di xidila ngó kiene. Maji se bhu kala muthu uoso u kita kima o kuxila, phala muène kia xidi muène.

Loma 14:20

O kudia ki ku ku bhangese kumuanga o ialakalu iangene ia Nzambi. Makudia oso a tokala ku a dia muène; maji kiaiibha kudia kima ki bhekela mukuenu kudibhala mu kituxi.

Loma 15:1

Etu-phe tuala ni nguzu mu Akuxikana, tua tokala tu kuatekesa oso a bhuila, kuambata o imbamba iâ. Kana ku kuata ku di uabhela ngó etu-ene.

I Kolindo 10:25

Ioso ia sumbisa bhu soki, diê-nu ngó, kana kuibhula kima mukonda dia kitongoluelu.

I Kolindo 8:9

Uila kiki, di langienu-phe, sumba mba ufolo uenu uenʼ iú, u bhangesa akuenu kudibhala, oso kiluua a kola mu kuxikana.

I Kolindo 9:22

Oso a bhuila mu kuxikana, ngi kala-nâ kala eme nga bhuila uami, phala ngi kombole oso a bhuila. Ngi kala ngi kioso kua ene oso, phala mu ndunge joso, ngi tene kubhulula-ku amoxi-mu.

Ngalásia 2:12

Kuma ki tua kexile kuila enʼió kiluua eza a tundile kua Tiiaku, akua ʼxi kuenhoko, ki Jijudé, u kala mu kudia-nâ. Maji enʼió-phe kia zubha kuiza, ua lunguluka, ua di abhula mu kisangela kia ió ki Jijudé, mukonda dia uôma ua Jijudé, akua kusaia, anga u mesena kiá kusaiesa ió ki Jijudé.

I Timote 4:4

Kuma kimbamba kioso kia bhanga Nzambi kia uabha, kana-bhu kia tokala kudituna-kiu, se athu a ki tambula ni musambu ua kusakidila.

Tito 1:15

Uazele, ima ioso i mu zela. Kua iâ phe a bolo, a kambe kuxikana, kana-ku kima kia zele, mukonda ni kilunji kiâ, ni muẋima uâ moxi, ua bolo.

Jihebeleu 13:9

Ki mu ehele ku mi sendumuna ku maulongelu mengi mʼeza-ku, ma vulu o matelu ni a mi katule mu njila ia kidi. Kima kia uabha o muẋima ku kuata kididi mu kiadi kia Nzambi, kana mu kutumaka ijila ia kutungula makudia. Kuma oso a tumaka o ijila ienʼiii, ka tena kubhanduluka-ku kima.

Jihebeleu 9:10

Iene ioso íii ia tange ngó makudia, ni makunua, ni nzungule ia jifesa ja ku di zelesa. Ilekelelu ia xitu i sedivila ngó kathangana katé Nzambi kia kà bhangulula o ima ioso.