Loma 14:18 - O Mikanda Ikola

¹⁸ Kuma uoso u bhikila Kristu kala kiki, Nzambi u mu uabhela, o athu a mu ximana kuila mukua ujitu.

Loma 14:18 ပူးပေါင်းရင်းမြစ်များ

Dimatekenu 4:7

Se u bhanga kia-mbote, manhi ka ku ẋikina? Ki uila-phe u bhanga kiaiibha, kituxi kia ku batamena bhu muelu; kia ku hamena muene, maji eie ua tokala u ki tumina.

Ndongixi 9:7

Kala kiki-phe, ndé kà die o kúdia kué ni kusanguluka, o vinhu ié nuá-iu muene ni muẋima ua mbote, kuma ikalakalu ié Nzambi ia mu uabhela.

Marku 13:34

Kia kela mukua ni muthu uaii mu uenji, kʼoxi iengi, u xa dibhata die, u lekela akua mbele, he u a uanena kala muthu ni kikalakalu kiê, o mukua muelu he u mu tuma o kulangidila.

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

Jipoxolo 10:35

Maji ku akua jixi joso, uoso u mu xila muène, hé u bhanga ioso iaiuka, Muène u mu tambulula.

Loma 12:11

Ki mu kale mu asonde, inda kalakalenu kiasoko. Muenda ni kubhikila Ngana ni muẋima ua fulujuka.

Loma 14:4

Eie-muene, eie nanhi uala mù kuelêsa o selevende iangene? Ngana iê muene uanda kumona o phangu, se muène u tolola mba uanda kubhubhuka-ku. Maji-phe u tolola muène, kuma Ngana uala ni nguzu ia ku mu bhangesa kutolola.

Loma 16:18

Kuma enhá, a kala kiki, kene kubhikila Kristu, Ngana ietu, maji a bhikila ngó o jihanji jâ ene. O mu kuzuela kuâ kuambote, kuatouala, ene mu kubhomba miẋima ia athu kiluua a ejiia.

Loma 6:22

Maji o kiki-phe a mi kula ku ituxi, mua biluka mu abhika a Nzambi. Uila kiki, muenhu uenu uoso mua u lumbila kua Muène. Sai ni ibundu ienu ia kuzela moxi, o dizubhilu diê muenhu ki uabhua.

I Kolindo 7:22

Kuma uoso a mu ixana kuala Ngana mu ubhika muala, ua biluka fôlo ia ngene ia Ngana. Kiene ue kimoxi o muthu uala fôlo a mu ixana kuala Kristu, uala mubhikʼ a ngene a Kristu.

II Kolindo 4:2

Imbamba ioso-phe ia kubhanga ni kusueka ni ioio ia jisonhi, tua i dila hunji. Ki tu bhange kudimuka, o maka ma Nzambi ki tu a lungulule mu mangonha. Inda tu bhanga jinga ima ia fuama o kidi, kiene kia bhekela o ku tu tumbula kuala enhoso, bhu pholo ia Nzambi.

II Kolindo 5:11

Ki tualʼiki, tuejiia kioso ki kala o uôma ua Ngana, kienhiki athu tu sota ku a ejidisa o kidi. Maji o Nzambi ua tu ijiia muene kiambote, tamanu enu ue mu tu ijiia muene kiambote mu miẋima ienu.

II Kolindo 5:9

Maji-phe, kiala-bhu kota, ki tua bhindamena, o kuuabhela muene Ngana kiambote, kixi tu kala kunu mʼonzo iii ia mukutu uetu, kixi tu kala koko.

II Kolindo 6:4

Inda-phe tu idikiza mu ima ioso kuila tuala tu jingunza ja Nzambi, mu ʼkolokota kiavulu ni muanu uoso mu jihadi, mu makubhindama ni mu jiphaxi.

II Kolindo 8:21

Kuma o vondadi ietu, tua mesena kubhanga kima kiaiuka, kana ngó bhu pholo ia Ngana, maji ni bhu pholo ue ia akuetu.

Filipe 4:18

Kiki-phe ima ioso i mua ngi tumikisa, nga i tambula, eme ngala na-iu kala ia ngi vudila. Ngezala ni imbamba ia ngi bhekela Epafrodito i mua mu tumu na-iu, kifua mukuâ ni dizumba di nuha kiambote, sata i tambulula Nzambi, i mu uabhela kiambote.

Filipe 4:8

Mu ku mi bhana-phe o mahezu, jiphange jami, ioso ima ia kidi, ioso ima ia ujitu, ioso o ima iaiuka, ioso o ima iazele, ioso ima iauabha, ioso o ima iene ku i tumbula, se sai-ku uthu, se sai-ku kia kuximana, iene ima i mu xinganeka.

Kolose 3:24

Mbata muejiia kuma mua kà tambula kua Ngana futu. Enu mua kà lundula o undûndu muène ua bhakela athuʼê. Mukonda o Ngana ia kidi i mua bhikila, Kristu.

I Timote 2:3

Kienhiki kima kiambote, o Nzambi, Mubhuludi uetu, kiene kia mu uabhela.

I Timote 5:4

Mutudi uoso-phe uala ni anʼê, mba alaula, ene a diange kuidikiza o ubhezelu uâ mu jindandu ku bhata diâ. Kuma mu kubhanga kiki, ene uâ ende ni kufuta ku mbote ia tambula jinga ku jitata jâ ni ku jikuku, mukonda o Nzambi kia mu uabhela kienhiki.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Phetele 2:20

A ki ximana kiebhi, se mua bhange kiaiibha, nʼa mi bhana jihuxi, anga mu xididika? O ki kala-phe mua bhange kiambote, anga mu tala hadi, anga mu xididika, kienhiki, Nzambi u mi bhela-kiu dibesá.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.

I Phetele 3:16

Maji mu ki bhanga jinga ni kubelesela, ni uôma. Mu kale ni kitongoluelu kiazele kia mbote. Phala o ima iene ku mi tatelʼ oio, jisonhi hinu ja a kuate oso a lebhula o uendelu uenu ua mbote mua Kristu.