Loma 14:15 - O Mikanda Ikola

¹⁵ Mukuenu se ua mu kenanesa mukonda dia kudia kué, eie kua mù bhanga dingi ima ia henda. Mukuenu kana ku mu texikisa mu kudia kué ku ua mù dia, mbata muène ue muthu a mu fuila kuala Kristu.

Loma 14:15 ပူးပေါင်းရင်းမြစ်များ

Izekiiele 13:22

Mbata enu o muẋima ua muthu ua iuka mua u bhekesa dilamba ni mangonha menu, o muene eme ki ngi mu tatesa; enu mua suinisa o maku a mukua phulu, phala mu njila iê iaiibha ka tundu-mu, nʼa kole muenhu;

Loma 13:10

O uoso uala ni henda, ka tena kubhanga mukuâ phulu. Uila kiki, uoso ua zolo, ua kumbidila o Kitumu kioso.

Loma 14:20

O kudia ki ku ku bhangese kumuanga o ialakalu iangene ia Nzambi. Makudia oso a tokala ku a dia muène; maji kiaiibha kudia kima ki bhekela mukuenu kudibhala mu kituxi.

Loma 15:2

Tuendienu kala muthu ni kuuabhela mukuâ, mu ima iambote i bhekela o kutungiua mu kuxikana.

I Kolindo 13:1

Eme né-mbe ngi zuela jimbimbi ja athu, katé ni ja ji-anju, maji ngi kamba o henda, ioso i ngi zuela, nga di bhange ngi utadi u bhana mutendu, ngi ngoma ia ngondo i ngulungunda.

I Kolindo 8:1

Kindala nganda ku kuata ku maka ma makudia ma satela o iteka. Ni kidi kiene, kala kiene mú ki tanga, etu oso sai kuijiia kuetu. O kuijiia kuenhuku-phe ku nanukisa o mukua ukumbu; maji o henda-phe i tungisa.

Ngalásia 5:13

Kuma enu, jiphange, a mʼ ixanena kukala mu jifôlo. Maji o ku ofôlo uenu ki mu katule-ku maditatu ma kuehela o jihanji ja xitu ku mi tumina, maji muenda ni ku di bhikila mudienu ni henda.

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

II Phetele 2:1

Mʼukulu ku mundu-phe kuejile jipolofeta ja makutu, uila kiki mudienu kuandú kala ue jimesene ja makutu. Jene ji mi zombela ni maulongelu mengi ma texikisa, katé ni Muadiʼâ ua a sumba a dituna-nê. O mu kubhanga kiki, a di bhekela kingûmba kialenguluka.

I Nzuá 2:2

Mukonda Jezú Kristu, muène kiluuluilu kia ituxi ietu. O ietu-etu ngó ki iene, maji ue ni ia mundu uoso.