Loma 14:13 - O Mikanda Ikola

¹³ Uila kiki, ki tu kuate-phe dingi ku di longolola mudietu. Inda mu di tetulula kiki, kana muthu u ta kidibhukanu mu njila ia phangʼ iê, mba kima ki mu di bhalesa mu kituxi.

Loma 14:13 ပူးပေါင်းရင်းမြစ်များ

II Samuuele 12:14

Suke kiene, maji mukonda-phe kima ki ua bhangʼiki, kia suinisa jinguma mu tanga kiaiibha kua Jihova, o mona ua mu vuala ua-nda kúfua muene, sé kufula,

Izaía 57:14

Anga à kela: Sengululenu, sengululenu kikoka, iudikenu o njila; katulenu iẋinji mu njila ia mundu uami.

Izekiiele 14:3

Monʼa iala, athu iâ emika o iteka iâ mu miẋima iâ, o kidibhukanu kia kuiibha kuâ a ki tula muene bhu pholo iâ; o ki ngalʼiki mbé nga tokala ku ngʼibhula kuala ene?

Ijila 19:14

Kana kulebhula muthu uafu o mátui, mba o kifuôfuo u mu tela kidibhukanu mu njila; maji uenda ni kuxila jinga Jihova Nzambi ié. Eme ngi Ngana.

Matesu 16:23

Bhenhobho Jezú-phe u sakuka, u ambela Phetele, uixi: Bhita ku dima diami Satana! Eie ua di bhange u ditadi dia kidibhukanu, ua-lu sota ku ngi bhalesa mu njila iami! Kuma o ima ia Nzambi ki iene i ua bhake muẋima, ni ku i xinganeka, maji o ima ia athu!

Matesu 18:7

Lamba dia mundu mukonda dia ifudisu i bhekela athu ku ngi xisa Eme! Ima iíi kia bhingi i bhita muene, maji uoso-phe u i bheka, lamba diê!

Matesu 7:1

Ki mu fike, enu uenu phala ka mi fike.

Luka 12:57

Muène anga u a zuelela dingi, uixi: Enʼ uenu mudienu, kioso ki mu bhanga ima, ki mu tongoluela-hi ioso iaiuka?

Luka 17:2

Ki fuama o ku mu nhenga kiditadi kia ku huhila mu xingu, ni ku mu takula mu ʼalunga; kuma ki ki fuama kuila ku tuana tutu u bhangesa-ku kamoxi ngó ku di bhukana, anga u ta kituxi.

Loma 11:9

Davidi ue uixi: A a kuatele mu jifesa jâ, a a tobhese; a di bhale, mbé a tambule kaxtiku!

Loma 14:10

Eie-phe uelêsela-hi phangʼ iê? Mba phangʼ iê, u mu tobhesela-hi? Kuma etu-ene-oso hádia tua kèmana bhu pholo ia Nzambi, phala Muène ku tu fundisa.

Loma 14:3

Uoso-phe udia, ima ioso, ka tobhese ió u kamba kudia. O ió u kamba kudia, kelêse ió mukua kudia; mbata Nzambi ua mu tambulula.

Loma 14:4

Eie-muene, eie nanhi uala mù kuelêsa o selevende iangene? Ngana iê muene uanda kumona o phangu, se muène u tolola mba uanda kubhubhuka-ku. Maji-phe u tolola muène, kuma Ngana uala ni nguzu ia ku mu bhangesa kutolola.

Loma 16:17

Nga mi diondo-phe, jiphange, di langienu ni enʼió oso ala kubheka o makudimuanga ni kutondalesa akuâ mu kuxikana o ulongelu uâ uengi, ki uene u mua di longo enu. Enʼiá muenda ni ku a ebha.

I Kolindo 10:32

Kana kuta kifudisu mu njila ki tokala ki di bhalesa Jijudé, mba akua jixi jengi, mba o Ngeleja iene ia Nzambi.

I Kolindo 11:13

Enuʼ uenu muene mudienu tongololenu-kiu hanji: Kifua muhatu ki mu fuama kukala mu kultu nʼ a kuata kusambela Nzambi, sé ku di futa kima ku mutue?

II Kolindo 5:14

Kuma tuezala ni henda ia Kristu ia tu kuatela, mukonda tua kʼijiia kuila muthu umoxi ua fuidile ene oso, mu kiki, atu ene oso a tambula mbandu mu kufua kuê.

II Kolindo 6:3

Kana kubhanga kima kioso-kioso ki bhangesa mukuenu ku di bhala, phala o ungunza uetu ki u kale ni malebhu.

Filipe 1:10

phala mu tene kusola o ima ioso iauabha, nda mu kale sé kadia, sé ngó kima ki mi fudisa, katé bhu kizuua kia Kristu.

I Timote 5:14

Mukonda dia kiki, nginda-phe atudi oso kiluua a kuka, a sakane, a kale ni ana, ongeke mabhata mâ, phala o nguma jetu ka a bhane bhuma bhua tu tela môndo ni ku tu zuela kiaiibha.

Tiiaku 2:4

Mu kubhanga kiki, enu muala kuia ni kuditungula mudienu muene, enu muala kuia ni kuxinganeka akuenu ni ilunji iaiibha.

Tiiaku 4:11

Enu, jiphange jami, ki mu kale mu ku di âmba mudienu. Uoso u âmba phangʼiê, mba phangʼiê u mu fikila, uambe o Kitumu, ua fikila o Kitumu. O ki uila Kitumu u ki fikila, kualé dingi u mubhangi a Kitumu, maji u mubatuidi a milonga.

I Nzuá 2:10

Uoso u zola phangʼiê, ua tungu mu mukengeji, momuê ki mua tungu kima ki bhekela muthu uoso-uoso kuta kituxi.

Dijingunuinu 2:14

Sai-phe tuma tuofele tu nga ku êlesa; mukonda sai-ku amoxi-mu bhenhobho a kuata o ulongelu ua Balamu ua longesele Balaki kuta kidibhukanu bhu pholo ia anʼa Izalaiele, mu ku a longesa kuila a fuama kúdia jisata ja makudia ma satela itèka, ni kubhanga maundumbu.