Loma 14:11 - O Mikanda Ikola

¹¹ Kuma a ki soneka mu Mikanda Ikôla, exi: Kala ki ngala ku muenhu, eme ngi Ngana, phuna joso ja kà ngi fukamena. O madimi moso ma kà fisala kuila eme muène ngi Nzambi.

Loma 14:11 ပူးပေါင်းရင်းမြစ်များ

Jisálamu 72:11

Katé ni jisobha joso ji diunda bhu pholo iê; ilômbo ia miji ioso i kala mu mu bhikila muene.

Izaía 49:18

Bhetula-ze o mesu mé u kengelele mbandu ni mbandu, tala: ene-osoʼâ a bhongoloka a mu kuiza kokué; nga di-lokela muene, eme Jihova, kuila ene-osoʼâ ua-nda ku a zuata kala kizuatu kia makembu, anga u di-ẋiẋika-nâ kala u díbhanga.

Jelemiia 22:24

Kala ki ngala ku muenhu eme ngi Jihova, Jekoniia mona a Nzuakí, sobha ia Juda, né hanji se ua kexile kadimbu ka nela ia lukuaku luami lua dilu, ngeji ku ku thathumuna-ku muene.

Izekiiele 5:11

Uala kiki, kia kidi muene, kala eme ki ngala kulaia, Jihova Nzambi ua ki tange, uixi: Mbata eie o kididi kiami kikôla ua ki sebulula ni ima ié ioso iaiibha kiavulu, ni maufusa é oso, eme ue nga-nda ku ku sengulula, o diesu diami ki dia-nda ku ku loloka mba ngi ku kuatela ue henda.

Sofoniia 2:9

Kala kiki, mu kidi kiene, Eme Jihova dia ifuẋi, Nzambi ia Izalaiele, nga lokela muenhu uami kuma Mouabhe ubuika kala Sodoma, anʼa Amone a di bhanga kala Ngomola; o ixi iâ i di bhanga kangu dia môngua, mu sabhuka isása i xixima, i biluka ngundu i nangenena, kuma ene aia muene nzaká, kà moneka dingi. O ió oso a subhuka ku mundu uami, a kà kituka ene tubhinganu tuâ, a subhuka ku athu ami a kʼèza hé a a kuata anga a avua.

Dialuilu 14:21

Ni kidi muene-phe, ki ngedi eme ngi muthu ua muenhu, ixi ioso hádia ia kèʼzala ni fuma ia Jihova;

Dialuilu 14:28

A ambedienu; Ki ngedi eme ngi muthu ua muenhu, eme ngi Jihova, kioso ki mua zuelenu mu mátui mami, kiene muene ki ngi mi bhanga;

Matesu 10:32

Kienhiki uoso u ngi fisala eme bhu pholo ia athu, eme uami ngi mu fisala muène bhu pholo ia Tata iami uene mu diulu.

Loma 10:9

Mukonda se u fisala ni dikanu dié kuma Jezú muene Ngana, anga u xikana mu muẋima ué kuma Nzambi ua mu fukununa mu ʼalunga, eie u bhuluka.

Loma 15:9

Phala ue ki bhangese akua jixi jengi, (ió ki Jijudé) kuximana Nzambi mukonda dia henda iê. Kala ki ambe mu Mikanda Ikôla, exi: Kiene kia kà ngi bhangesa ku ku tumbula mu ʼaxaxe ka akua jixi jengi, ió ki Jijudé, hé nga kʼ embila mu kuximana o dijina dié.

I Nzuá 4:15

Uoso u tanga kuila Jezú Kristu muène Monʼa Nzambi, muthu ió Nzambi ua tungu mua muène, ni muène mua Nzambi.

II Nzuá 1:7

Kuma mu ngongo mua tukuluka axombi avulu. Athu a kamba kufisala kuila Jezú Kristu uejile ni mukutu ua xitu. Muthu u bhanga kiki, muxombi, muenʼió Nguma ia Kristu.

Dijingunuinu 5:14

O iama iuana i tambuijila, iexi: Kidi muene. Amén! Ikulakaji anga a di bhala, hé a bheza ió ua kalelà-ku.