Loma 13:8 - O Mikanda Ikola

⁸ Kana kudievela kima ku muthu uoso-uoso. O dikongo dimoxi di mu kala na-diu ngó, dia ku di zola mudienu. Kuma uoso u zola mukuâ, ua kumbidila (ua tumaka) o Kitumu.

Loma 13:8 ပူးပေါင်းရင်းမြစ်များ

Matesu 7:12

Kala kiki, ima ioso-phe i mua mesena kuila athu a mi bhanga-iu enu, iene ue muene i mua bhanga ene; mbata kiene kia jimbulula o Kitumu kia Mozé ni milongi ioso ia jipolofeta.

Nzuá 13:34

Nga mi bhana kijila kiôbhe: Di zodienu mudienu. Kala kioso eme ki nga mi zola, enu uenu di zodienu mu dienu.

Loma 13:10

O uoso uala ni henda, ka tena kubhanga mukuâ phulu. Uila kiki, uoso ua zolo, ua kumbidila o Kitumu kioso.

Loma 13:7

Kala kiki, bhanenu-phe kua ene oso kioso ki mua tokala ku a bhana: Lubhaku kua ió ua tokala o lubhaku; dijimu kua ió ua tokala o dijimu; uôma kua ió ua tokala uôma; ujitu kua ió ua tokala o ujitu.

Ngalásia 5:14

Kuma o Kitumu kiene kioso kia tenena mu kizuelu kimoxʼ iki, exi: Mukuenu u mu zola kala ki ua di zola eie-muene.

Kolose 3:14

Ku ima ioso-phe, kota o henda, kuma o henda iene o dijikita di kuta o uthu uatenena.

I Timote 1:5

Mutendelelu iú-phe, mahezuʼê o henda i tunda mu muẋima uazele, ni mu kitongoluelu kiambote, ni mu kuxikana kua kidi ki kua kudibhangesa.

Tiiaku 2:8

Enu-phe se mu kumbidila o Kitumu kia Utuminu mua bhange kiambote kala kia mi fuama o kubhanga. Mbata a ki soneka mu Mikanda Ikôla, exi: O mukuenu u mu zola kala ki ua di zola eʼmuène.

I Nzuá 3:10

Muene mu di monekena o anʼa Nzambi ni anʼa Diabhu. Uoso u kamba kubhanga iaiuka, ni ió kiá uoso u kamba kuzola phangʼiê, ka tokala Nzambi.