Loma 13:4 - O Mikanda Ikola

⁴ Mbata o atumini ala jingunza ja kikalakalu kia Nzambi phala ku ku bhanga eie mbote. Maji se u bhanga imbamba iaiibha, a kuate uôma, mukonda ene ala ni kutena kua ku ku bhana kaxtiku. Mukonda ene ala jingunza ku kikalakalu kia Nzambi, phala kubheka o kaxtiku kê ku thandu dia oso a bhanga kiaiibha.

Loma 13:4 ပူးပေါင်းရင်းမြစ်များ

I Jisobha 10:9

Jihova, Nzambi ié, ataneku! Ió ua ku uabhela eie, iu ua ku solo phala ku ku tula ku kiandu kia Izalaiele; mukonda Ngana ua zola Izalaiele ni ku hádia ni hádia, kiene kia mubhangesa ku ku bhanga sobha, nda u bhange kia mu uabhela muene ni kubatula milonga ni kuiuka.

II Malunda 19:6

Anga uambela afundixi, kuila: Talenu kiambote; ioso i mu bhanga kuma o kufundisa kuenu ki kua tundu ku muthu, maji kua tundu kua Jihova; o Muene-phe uala ni enu mu uenji uenʼiú ua kufundisa.

Jisabhu 16:14

O kuthathamana kua sobha, mukua ni mukunji ua kalunga; maji o muthu-phe ua sunguluka, ua soko-bho ku mu ximbakatesa.

Jisabhu 20:2

O njinda ia sobha, mukua ni hoji ki i dila; uoso u mu salumuna o njinda iê, ua di bhange-kiu, kuma ua di te o muenhu uê bhu kíbhidi.

Jisabhu 20:26

Sobha ia tetuluka, athu abhumuʼó u a jima mbutu, ni ku a bhitisa dilola ku thandu.

Jisabhu 20:8

Sobha kia tulama ku kiandu kiê kia kufundixila, mesu mê mene ma zubha na-u o usuéia uoso.

Izaía 1:17

Dilongienu kubhanga o mbote; bhangenu ioso iaiuka; kudilenu uoso a mu tatesa; batuilenu monʼa difundu kioso kia iuka; atudi a bhangedienu.

Jelemiia 5:28

U a sanga a nete ni ene, aẋanana, o ku ungumba a somboka imbokoto; anʼa madifundu ka a fundila dimanda, exi avula kubhanduluka; mba ngó o jiphulungu ku a batuila milonga.

Izekiiele 22:27

O adiakime, mu kaxi kâ, edi kala imbùngu ia xikamena ku kuata mbole, mbé kuzunzumuna o manhinga, phala kusengulula mienhu, ni kukaiejela o unjenge.

Izekiiele 25:14

Anga Idomo nga kà mu vutuila kiua o phonzo ku lukuaku lua mundu uami ua Izalaiele; mu Idomo hé a kà bhanga-mu kala bhua tela o njinda iami ni kuthathamana kuami; phala nʼa kʼejiia kioso ki kala o phonzo iami, Jihova Nzambi ua ki tange.

Mikeia 3:9

Ivenu-kiu-phe kindala enu atumini a dibhata dia Jakobo, ni enu mu makota ma dibhata dia Izalaiele, mua dizemba ni kubatula kua iuka, anga muila o ioso ia iuka enu mu i lunguluila muengi.

Loma 12:19

Phange jami, ki mu kale mù vutula phonzo ku muthu uoso-uoso. Inda mu ehela o njinda ia Nzambi o kubhana kaxtiku. Kuma a ki soneka mu Mikanda Ikôla, exi: Phonzo ia ngi tokala eme ngi Ngana, eme-muène ngi futa.

Loma 13:6

Mukonda dia kiki ue, kiene ki muene kubhela ue o lubhaku. Kuma ene ala akunji a sedivisu ia Nzambi, se a kumbidila kiambote o ungunza uâ.

I Tesalonika 4:6

Bhu kaẋʼ abha-phe, ki bhu kale muthu u somboka, mba u bhanga mukuâ phulu mu maka kala iá, kuma Ngana muzokedi a ima ioso iii. Kikiphe tua mi dimuna dingi kala ki tua diangele ku mi dimuna, ni ku mi bhana umbangi, kuma Muène hinu ua ka bhana kaxtiku kua oso a bhanga ima kala iii.

Josuué 20:5

Muzokedi-a-manhinga hé ua mu kaiela, kana ku mu bhana-nê; mbata kijibha kia te, ki kia ku bhanga kiluelu, kana, ka diangele ku di zemba-nê.

Josuué 20:9

Jiji jene o jimbonge ja tunguile-ku phala anʼa Izalaiele oso, ni phala ue o nzuángiza uatunga muʼaxaxi kâ, mbé ji kale dilengelu dia uoso u jibha muthu sé ku ki kana; phala kʼafue bhu maku a muzokedi-a-manhinga, katé ki a kala ni kithangana kia ku funda o mulonga uê bhu pholo ia kionge.

I Phetele 2:14

mba jinguvulu, a ji tumu kuala muène mu kubhesa kaxtiku ati a ituxi, ni mu kusuinisa abhangi a mbote.