Loma 13:2 - O Mikanda Ikola

² Mu kieniiki, uoso u ẋinukina o ungana, ua ẋinukina kima kia tumu Nzambi. Oso-phe a ximika kiki, andu di bhekela kaxtiku ku thandu diâ.

Loma 13:2 ပူးပေါင်းရင်းမြစ်များ

Makatukilu 16:8

Mozé anga u kumbulula dingi, uixi: Mu ki mona, Jihova kianda ku mi bhana kúdia xitu mu ngoloxi, ki kukia anga mu dia mbolo katé muekuta; mukonda Jihova ua mʼivu o kuzuela kuenu, ku mua mu longolola na-ku muene. Mbata etu, etu akua-hi? Ki etu mua tu longolola, kuma mua longolola Jihova.

Izaía 58:2

Sumbala kiene, maji kizuua ni kizuua ene ku ngi sota, kia a uabhela muene kudilonga mauendelu mami, edi kala povo iambote, ia di tumu ni Nzambi iâ; ala ku ngʼibhula kioso kienda o jiphangu ja ulungilu, a uabhela kuzuama kua Nzambi.

Matesu 23:13

Enu-phe lamba dienu, mu akua kulonga kitumu ni enu mu jifalizeu, mu akua mangonha! Mukonda ku Utuminu ua diulu mua jika-ku ku pholo ia athu, enʼ uenu kubokona nguenu; ni iá andekene kubokona, ki mu a ehela. [

Marku 12:40

Ene a dia mabhata ma ngene ma atudi, anga a sueka o mangonha ma mu kusamba kuavulu. Enhá, o kaxtiku ka ka kala ka dikota.

Luka 20:47

A tobhesa atudi a ahatu anga a hábula o mabhata mâ. O mu kusueka o mangonha mâ, a bhana misambu ialebha. Enhá a-ndu beta kuêla mu kizuua kia kufundisa.

Loma 13:1

Athu oso ende ni kubelesela o maungana. Kuma kana-ku ungana uengi, ki kale u tunda kua Nzambi; o maungana moso mala-ku, Nzambi muène ua ma tumu.

Loma 13:3

Kuma oso a bhanga kiaiibha, ene a tokala a kala ni uôma ua atumini, kana ió a mu bhanga ima iambote. Eie ua mesena kukamba uôma ua ió a mu tumina? Bhanga-phe imbamba iambote, phala ene a ku ximane.

Loma 13:5

Uila kiki, mua bhingi mu belesela, ki mukonda ngó dia kaxtiku ka Nzambi, maji mukonda dia muẋima muene ue o ku mi tuma-kiu.

Loma 9:19

Sai-phe muthu mudienu uanda kuila: Se kieniiki ki kiala, Nzambi-phe u tatela kiebhi o muthu? Nanhi u ẋinukina ioso iandala o kubhanga Nzambi?

Tito 3:1

Athu a lembalese kuma, a di tume ni jixefe ni jingana ji tumina, a tumake jinge, a sakalale mu kubhanga ikalakalu ioso ia mbote.

Tiiaku 3:1

Enu phange jami, athu mudienu ka vudile ku di bhanga jimesene ja kulonga maka mu Ngeleja, kuma mua kʼijiia kuila etu, tua mu longa o maka, hinu tua kà kala kota mu kuêla athu oso ndenge, hàdia kia kà tu fundisa.

I Phetele 2:13

Mukonda dia Ngana, athu oso a a bhana kijîngu, a belesedienu: kixi muenexi, ua suku ku pholo;