Loma 12:9 - O Mikanda Ikola

⁹ O henda ki i kale ia kádia. Iaiibha mu i lenga, iauabha mu i naminina.

Loma 12:9 ပူးပေါင်းရင်းမြစ်များ

Jisálamu 101:3

Ki ngi kala ni kima kia ufusa ku mesu mami; imbamba i bhanga ió adianguka, nguami na-iu! Né i sota ku ngi naminina, ngi i kukumuna.

Jisálamu 119:104

Mu ijila ié muene mu nga kuatela o kilunji; njila ja kujimbidisa eme nga di zembe na-ju.

Jisálamu 119:163

O kubhuma kua ngi iibhila, ku suke muene koko! maji o ngonge ié-phe nga i zolo muene.

Jisálamu 34:14

Ku phulu, tunde-ku, u bhange o mbote; sota o paze, ni ku i jijila.

Jisálamu 36:4

Bhu hama iê bhua zeka, u funha isunji; njila iê ia sola ki i uabha ngó, o kubhanga kiaiibha ka kueha.

Jisálamu 45:7

Eie u inda ioso i iukila mu kidi, o kudiodia milonga ku xikina; o Nzambi, Nzambi ié, kiene kia ku undila ni maji; maji a kusanguluka, phala u tunde akuenu ene oso.

Jisálamu 55:21

Mu kanu diê mu nengana kiambote kala matheka, maji ku muẋima-phe kua mu kala mvunda; maka mê ma ẋanana kala maji, maji ua ku zuikila o dizu kala xibhata.

Jisálamu 97:10

Enu mua zolo Jihova, ituxi i mi ibhile; muene u bhaka o mienhu ia jifiiele jê; hé u a kudila bhu maku a kisuéia.

Jisabhu 26:25

Muene kia ku zuelela ni mbimbi iê ia ẋanana kiambote, ku mu dielele; mukonda o mu thulu iê, mua di kondela sambuadi dia isunji iaiibha.

Jisabhu 8:13

Uoma ua Jihova, o kueha kia ibha; nga di zemba ni ukumbu, ni izala, ni uendelu uaiibha, ni dikanu dizuela isunji.

Izekiiele 33:31

Ene anga eza kokué, kala o mundu ki uejidila kiá o kuiza, hé a xikama bhu pholo ié-eie, kala mundu uami, anga evua muene o maka oso u uà tela, maji ka xikina kuia ni ku a bhanga; mukonda a bhomba ni dikanu diâ, maji o muẋima uâ uala ku kaiela o unjenje uâ.

Amoji 5:15

Kubhanga kia ibha ku mi ibhile, mu uabhele-ku kubhanga mbote; o kufundisa kia iuka ku mi kale muene bhu dibhitu. Sumba Jihova Nzambi ia Ilômbo Ieta u kuatela henda ku tumbalumbalu tua subhuka mua Zuze!

Matesu 26:49

Juda bhenhobho anga u bhiẋila kua Jezú, uixi: Mesene, nga ku menekena! Anga u mu bhana nzobole.

Nzuá 12:6

Kiki ka ki tangela mukonda dia henda ia jingadiama, suke mukonda muène muíi. Muène ua kuata konda ia hutu ia kitadi, anga u kala mù katula ioso ia ta-mu.

Jipoxolo 11:23

Muene kia zubha kutula, anga u mona kiadi kia Nzambi ku athu ió, u kala ni ngalasa iavulu. Anga u a suinisa ene oso kuma a kolokote kuenda mu kidi ni Ngana, ni kutetuluka kua muẋima.

II Kolindo 6:6

O mu kuzela kuetu, ni kuijiia, ni mu kuxididika, ni mu kulenduka kuetu ku tuala na-ku, tu edikiza kuma tuala tu jingunza ja Nzambi. Imʼiii tua idikizila mua Nzumbi Ikôla, ni mu henda ietu ia kambe ku di bhangesa,

II Kolindo 8:8

Ki nga ki ambela ue kala ngandala ku mi tumina. Maji nga mesena ngó kuila mu ijiia ue o muanu ua akuenu, phala ene a mone ue mba o henda ienu ia kidi.

I Tesalonika 2:3

Kuma o kulonga kuetu ki ku tundu mu kutondala, ki kua ufusa, mba kua makutu mu kusota kunganala muthu uoso-uoso, lémbua.

I Tesalonika 5:15

Alukenu phala kana muthu a vutule phulu mu phulu. Inda mu jijila jinga kubhanga o mbote, ni ko kuenu mudienu, ni ku athu oso.

I Tesalonika 5:21

Tungulenu jinga o ima ioso, phala mu kuate-bhu ioso iauabha,

I Timote 1:5

Mutendelelu iú-phe, mahezuʼê o henda i tunda mu muẋima uazele, ni mu kitongoluelu kiambote, ni mu kuxikana kua kidi ki kua kudibhangesa.

Jihebeleu 1:9

Eie o kuiuka ua ku zola, usueia ua u zemba. Mukonda dia kiki, Nzambi, Ngana Nzambi ié, kiene kia ku solela, iu ua ku undu ni maji ma ngalasa, ni kijingu, akuenu oso ndenge.

Jihebeleu 12:14

Sotenu kukala ku paze ni athu oso, mu kolokote mu kukala ni muenhu uazele, kuma uoso ua kambe kuzela ka tena kumona Ngana.

Tiiaku 3:17

Maji o unjimu-phe u tunda bhulu, u dianga kuzela, anga u tululuka, u lenduka, u bhekela ukamba. Uene u vula kukuatela henda, u bhekela kubhongolola ibundu ia ibhangelu iambote. Ki u moneka katungu, mba u kala ni mangonha.

I Phetele 1:22

O ki mualʼ iki, kuma mua di zelesa kiá o mienhu ienu mu kutumaka o kidi, o henda ienu ue ia jiphange ki i moneka kádia, di zodienu-phe mudienu ni muẋima ua fulujuka.

I Phetele 4:8

Mu ima ioso kotʼèlele o henda ienu mudienu i fulujuke, kuma henda i sueka nzungule ia ituxi.