Loma 12:7 - O Mikanda Ikola

⁷ Hé ungunza, tu xikamene o ungunza uene. Se uhete ua kulonga, tu longe-phe.

Loma 12:7 ပူးပေါင်းရင်းမြစ်များ

Jisálamu 34:11

Zenu anandenge, mu ngʼivue; eme ngi mi longe o uoma ua Jihova.

Jisálamu 51:13

Phala ngʼijiie kulonga adianguka, a kutuke dingi mu njila ié; o akua ituxi, a ku baluka, a ku ize dingi bhu kinama mu kudiela.

Ndongixi 12:9

O ndongixi iú, mu kuijiia kinéne, ua longesa ue kuijiia kua vulu dingi ku athu; ua talesa iú ua tongolola, iú ua soneka jisabhu ja vulu.

Izaía 21:8

Muene iu ua di kola kala hoji: Ngana! Ngedi o mu muanha ngemana bhu ditala dia kilangidilu ni kutala, ngi langa ngi tona, o mausuku oso ngala ku a zubhila mu kulangidila.

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Nzuá 3:2

Muène anga uiza mʼ usuku kua Jezú, hé u mu ambela, uixi: Labi, etu tuejiia kuma eie u mesene ua tundu kua Nzambi, mukonda kana muthu u tena kubhanga idiuanuʼoio, se Nzambi u kamba kukala-nê.

Jipoxolo 13:1

Kikki-phe mu Andiioka, mu Ngeleja mueniomo, mu kala jipolofeta ni alongixi iá: Barnabé, ni Ximinhá a mu edi Muxiketedi, ni Lúsiu mukua Silene, ni Manahene a mu sasa kumoxi ni Helode dia tetalaku, ni Saúlu.

Jipoxolo 20:20

Enu mua kʼijiia ue kuila nga bhange ioso mu ku mi kuatekesa, ki nga fulu ku mi tangela kima ki tokala ku mi bhanga mbote. Nga mi tudila o Njimbu Iambote, nga mi longela jinga bhu nangu dia mundu, ni ku mabhata, inzo ni inzo.

Jipoxolo 20:28

Di langienu-phe enʼuenu, ni kilunga kioso, kuma o Nzumbi Ikôla ua mi bhange mu abidi a kilunga kienʼiki. Kalenu-phe mu abidi a ngeleja ia Ngana Nzambi, kuma Muène ua i sumbu ni manhinga ma Monʼ êlele muene.

Jipoxolo 6:1

Ki bhua bhiti izuua-phe, o mundu ua jixibulu ja Jezú anga a sokoloka dingi kiavulu. Kienʼiki o Jijudé ja xikana Jezú, ió a kexi mu zuela o mbimbi ia Ngeleku, a kuata kulongolola o Jijudé ja kexi mu zuela o dizui dia Jihebaleu, mukonda akua mbimbi ia Ngeleku a kexi mu kuamba kuma o atudiʼâ, ala ku a jimba mu kuuana, iâ a mu emina, kia mu bhana o kudia izuua ioso.

I Kolindo 12:28

Kiene kia bhekesa kuila, mu Ngeleja, ima ioso Nzambi ua i te mu ididi iêʼ Moxi, ua diangesa o Jipoxolo; iadi, kua kaiela o jipolofeta; o tatu, uate jimesene ja kulonga mu Ngeleja. Iú uate-ku dingi ni abhangi a isuma; uixi ni ia a tambula o umesene ua kusaka jihaxi; amukuá a tambula uhete ua kukala akuatekexi, mba ua kukala atumini, mba ue kuzuela jimbimbi jengi.

I Kolindo 12:5

O maubhikilu ue ma di tungula mu idifanganu, maji o Ngana iene imoxi i tua mu bhikila.

I Kolindo 14:26

Muedi-phe kiebhi, enu jiphange? Ngandala ku mi ambela kiki: O ki mu bhongoloka mu Ngeleja, iú u kuata muimbu, iú u kuata maka ma kulonga, iú u kuata kujingununa ima ia jinganana ia Nzambi, iú u kuata kulonga mu mbimbi jengi, o iú u kuata kulombolola kioso kia jimbulula o maka a mu longa ió. Inda ima ioso mu i bhanga kala kia fuama mu kukuatekesa o Ngeleja.

Ngalásia 6:6

Uoso ala ku mu longa o maka ma Njimbu Iambote ia Kristu, a bindumune ue mesene iê uoso ua mu mu longa, ni ima ioso iambote.

Efezo 4:11

Muène ua uanena o maujitu ku athu. Amoxi-moxi ua a bhana kukala Jipoxolo; amoxi Jipolofeta; amoxi akunji a kutula o Njimbu Iambote; amoxi jipaxtolo; amukuâ jimesene ja kulonga mu Ngeleja.

Matendelelu 33:10

A longo mabatuilu mé kua Jakobo, ni kitumu kié kua Izalaiele; Eʼmuene isenso ia dizumba dia uabha a ku fenhesa-iu, sata ja kuoha a ku tela-ju bhu kalatódio ké.

Kolose 4:17

Ambelenu Arkipo, muixi: Xinganeka ungunza ué u ua tambula kua Ngana, u u kumbidile.

I Timote 2:7

Kiene kia bhangesa ku ngi katula eme mu kukala Poxolo, ni kukala mesene ia oso ka tokala mu muiji ua Jijudé. Mbé ku a tudila o njimbu ia kuxikana ni ia kidi. O ki nga mu zuelʼiki-phe ki makutu, nga tange kidi.

I Timote 3:2

Bispo-phe u bhinga ka kala ni kima kia ku mu elêsa na-kiu. U kala mukua muhatu uê umoxi, u kala mukua kilunji, mukua sonhi, mukua ujitu. U kala mukua kulangeka asonhi, muthu uala hete ia kulonga.

I Timote 4:16

Di lange eie-muène, ni ulongelu ué. Kuata muanu mu ima ienhiʼii; kuma mu kubhanga kiki, ua-nda kuila ni eiemuène u bhuluka, ni ene ue a bhuluka oso a kuivua.

I Timote 5:17

Adiakime a tumina ni kukalakala kiambote mu Ngeleja, mu xinganeka kuma a fuama o ujitu uâ u di budika, uoso u mu a bhanga, kota-kota-phe a kalakala mu kuboka o Njimbu Iambote ni kulonga o uendelu uambote mu ukidistá.

II Timote 2:2

Ima i uévua jinga ko-kuami bhu pholo ia jimbangi javulu, lûndisa-iu ku athu ala jifiiele, a tena ue kulonga akuâ.

II Timote 2:24

Ngunza ia Ngana-phe ka fuama u kuata mvunda. Maji u kala muthu u lendukila athu oso, u ijiia kulonga kiambote, u xididika.

II Timote 4:2

Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.

I Samuuele 12:23

Eme bhabha ue, ki ngi tena kukala ngi muthu uengi, ni ngi te kituxi kua Jihova mu kuzumbuka ku mi sambela. Eme ngenda jinga muene ni ku mi longa mu njila iauabha, ia kuiuka.