Loma 12:20 - O Mikanda Ikola

²⁰ Maji enu mu bhanga jinga kala ki ambe o Mikanda Ikôla, kuila; O nguma ié se ua mu mono ni nzala, mu bhane kudia. Se ua mu mono ni dinhota, mu bhane menha. Kuma mu kubhanga kiki, eie uala ku mu tula makala ma uama ku thanduʼ a mutue uê.

Loma 12:20 ပူးပေါင်းရင်းမြစ်များ

Dimatekenu 42:25

Zuze anga u tuma kuizalesa o nzeke jâ ni tiliku, ni kuila ue kala muthu kitadi kiê a mu tela-kiu dingi mu saku iê, ni ku a bhana huta ia kudila mu njila; anga a a bhanga kienhiki.

II Jisobha 6:22

Muene-phe u vutula, uixi: Kuanda ku a jibha, kana. Manhi eie u xikina kujibha athu oso u u kuta, kioso ki uia ni xibhata ié ni mufula ué mu kubhânga? A bhekele jimbolo ni menha phala a die, a nue, a vutukile kua ngana iâ.

Jisálamu 120:4

A ku ase kuala o dizonda ni misongo iatu; a ku te makala ma túbhia mauama.

Jisálamu 140:10

A kuuile makala ma uama ku thandu diâ; a a vubule muene mu túbhia; a fue mu madiela ma zongo, phala ka tene dingi kutunda-mu.

Matesu 5:44

Eme-phe ngi mi ambela: Zolenu nguma jenu; a sambedienu kua Nzambi, oso a mi tatesa; benzelenu a mi bhubhidila, bhangenu mbote oso a mi zembe.

Luka 6:27

Eme-phe ngi mi ambela, oso muala kuívua: Zolenu jinguma jenu; oso a mi zembe, a bhangienu o mbote.

Loma 12:21

Kana kuehela phulu ku mi tolola, inda enu-ku mu tolola o phulu ni mbote.

I Samuuele 26:21

Saúlo bhenhobho anga u zuela, uixi: Nga bhange kiaiibha! Vutuka monʼami Davidi, kuma ki nga-nda ku ku bhanga dingi phulu; mukonda muenhu uami eie lelu ua u kiti kima kikôla. Ni kidi muene nga bhange uoua, nga tondala kiavulu muene.