Loma 12:19 - O Mikanda Ikola

¹⁹ Phange jami, ki mu kale mù vutula phonzo ku muthu uoso-uoso. Inda mu ehela o njinda ia Nzambi o kubhana kaxtiku. Kuma a ki soneka mu Mikanda Ikôla, exi: Phonzo ia ngi tokala eme ngi Ngana, eme-muène ngi futa.

Loma 12:19 ပူးပေါင်းရင်းမြစ်များ

Jisabhu 20:22

Kana kuila: Ngi vutula phonzo kia ngi bhangʼiki; inda ua kinga Jihova, muene ua-nda ku ku bhulula.

Jisabhu 24:29

Kana kuila, uixi: Kioso kia ngi bhange muene, eme ue kiene ki nga-nda ku mu bhanga, mukonda kala muthu ngi mu vutuila kiafuama mu ima ioso ia ikalakalu iê.

Jelemiia 51:36

Uila kiki Jihova uambe: Tala, mvunda ié nga-nda ku i bhânga, nganda kuvutula phonzo ku phonzo ia ku tate eie; o musanza uê ngi u kukutisa, o otho iê ngi i bhuisa-ku.

Izekiiele 25:12

O Jihova Nzambi uambe, kiki: Kuma Idomo ua vutula o phonzo ku dibhata dia Juda, ia a kituka akua mulonga ua dikota kioso kia a tate o phonzo.

Ijila 19:18

Kana kuvutula phonzo ku muthu, o anʼa akuaʼxi ié kana ku a bhakela njinda; maji mukuenu u mu zola kala ki ua di zola eʼmuene; Eme-muène Jihova.

Matesu 5:39

Eme-phe ngi mi ambela kuila: O dilebhu kana kubhânga na-diu. Uoso-phe u ku bhana huxi ku ditama dia kúdia, mu lunguluile ni diamukuá.

Loma 12:14

Bhingenu Nzambi kuila a benzele oso a mi zudidika. Xi, bhingenu phala a a zediuise, mukonda inda o kubenzela kana kubhubhidila.

Loma 12:17

Kana kuvutuila muthu uoso-uoso phulu mu phulu. Sotenu kubhanga jinga ima ia ujitu ku mesu ma athu oso.

Loma 13:4

Mbata o atumini ala jingunza ja kikalakalu kia Nzambi phala ku ku bhanga eie mbote. Maji se u bhanga imbamba iaiibha, a kuate uôma, mukonda ene ala ni kutena kua ku ku bhana kaxtiku. Mukonda ene ala jingunza ku kikalakalu kia Nzambi, phala kubheka o kaxtiku kê ku thandu dia oso a bhanga kiaiibha.

Efezo 4:27

Diabhu kana ku mu bhana kididi.

Matendelelu 32:35

Phonzo ia ngi tokala eme, eme-muène ngi futa bhu kizuua kiê; sai bhuoso mungu bhua kà ẋangumukina o dikanda diâ; mbata o kizuua kiâ kia kusenguluka kiazukama. O ima-phe ia-nda kubhita-na-iu kindala ia-nda kuiza muene, ki i kokoloka.

Matendelelu 32:43

Enu ifuẋi, tanenu kumoxi ni mundu uê, mukonda Jihova ua-nda kuzokela jiselevende jê; o manhinga ma jiselevende jê muene u a tatela phonzo ku jinguma jâ. O jinguma jê muene u ji talesa hadi; anga oxi u i zelesa ku dibônzo mbe o mundu uê.

I Tesalonika 4:6

Bhu kaẋʼ abha-phe, ki bhu kale muthu u somboka, mba u bhanga mukuâ phulu mu maka kala iá, kuma Ngana muzokedi a ima ioso iii. Kikiphe tua mi dimuna dingi kala ki tua diangele ku mi dimuna, ni ku mi bhana umbangi, kuma Muène hinu ua ka bhana kaxtiku kua oso a bhanga ima kala iii.

II Timote 4:14

Xandele dia musudi ua ngi bhange phulu iavulu. Ngana u mu vutuila kia fuama mu imbamba iê iene kubhanga.

Jihebeleu 10:30

Kuma tua mu ijiia uoso ua ki zuela uixi: O kubhana o kaxtiku kua ngi tokala eme, eme-muène nga kà bhanga-nê o jikonda. Mukuâ ue uambe uixi: Ngana ua kà fundisa o mundu uê.

I Samuuele 25:26

Kiki-phe, ngana iami, nga loka mu dijina dia Jihova uala ku muenhu, nga lokela ue o muenhu ué eʼmuene moxi, kuma Jihova ua ku fudisa kubhubhisa manhinga, ua ku fudisa ue kuvutula phonzo ni lukualu lué eʼmuène. Kala kiki-phe o jingùma jé, ni athu oso a sota ku ku bhanga phulu, eie u ngana iami; a kà sokela ngó kumoxi kala kiala Nabale.

I Samuuele 25:33

Nga ku sakidila ue eie-muène ni kilunji kié, kuma ua ngi fudisa lelu kubhubhisa manhinga, ni ku vutula phonzo ni lukuaku luami eme-muène.

I Samuuele 26:10

Davidi anga u zuela, uixi: Kalé-ku Jihova ku muenhu, kuma muene Johova hinu u mu ta; mba u bhixila bhu kizuua kiê kia kúfua, mba uia mu ita nʼa mu jibhe,

I Samuuele 26:11

Ngana ka ngehele; kuma ki kala kisunji se eme ngi mu zengela lukuaku, hé ngi sota kukuama muthu a mu undu kuala Jihova. Eie-phe katula ngó, nga ku diondo, o sosa iala bhu mutuelu uê, ni mudingi ua menha, tuende ni kuietu.