Loma 12:17 - O Mikanda Ikola

¹⁷ Kana kuvutuila muthu uoso-uoso phulu mu phulu. Sotenu kubhanga jinga ima ia ujitu ku mesu ma athu oso.

Loma 12:17 ပူးပေါင်းရင်းမြစ်များ

Dimatekenu 42:25

Zuze anga u tuma kuizalesa o nzeke jâ ni tiliku, ni kuila ue kala muthu kitadi kiê a mu tela-kiu dingi mu saku iê, ni ku a bhana huta ia kudila mu njila; anga a a bhanga kienhiki.

Jisabhu 20:22

Kana kuila: Ngi vutula phonzo kia ngi bhangʼiki; inda ua kinga Jihova, muene ua-nda ku ku bhulula.

Jisabhu 24:29

Kana kuila, uixi: Kioso kia ngi bhange muene, eme ue kiene ki nga-nda ku mu bhanga, mukonda kala muthu ngi mu vutuila kiafuama mu ima ioso ia ikalakalu iê.

Matesu 5:24

Ujitu ué xe-u bhu kalatódio, uie hanji u di luulule ni mukuenu, uize kiua u bhane o ujitu ué kua Nzambi.

Matesu 5:39

Eme-phe ngi mi ambela kuila: O dilebhu kana kubhânga na-diu. Uoso-phe u ku bhana huxi ku ditama dia kúdia, mu lunguluile ni diamukuá.

Loma 12:19

Phange jami, ki mu kale mù vutula phonzo ku muthu uoso-uoso. Inda mu ehela o njinda ia Nzambi o kubhana kaxtiku. Kuma a ki soneka mu Mikanda Ikôla, exi: Phonzo ia ngi tokala eme ngi Ngana, eme-muène ngi futa.

Loma 14:16

O ufolo uenu ki u mi bongese malebhu ku akuenu, mu ima ioso i mua mono kuiuka.

Kolose 4:5

Kuatenu kilunji mu kuenda kuenu ni athu ku kanga. O bhuoso bhu mu muena kithangana, kienhokio kana kudibotesa-kiu mu ngoho.

I Tesalonika 4:12

Phala mu ende ni athu ku kanga kioso kia fuama; enʼuenu ue, ki mu bhindame ni kima.

I Tesalonika 5:15

Alukenu phala kana muthu a vutule phulu mu phulu. Inda mu jijila jinga kubhanga o mbote, ni ko kuenu mudienu, ni ku athu oso.

I Tesalonika 5:22

mu lenge jinge ioso i mua mono iaiibha.

I Timote 5:14

Mukonda dia kiki, nginda-phe atudi oso kiluua a kuka, a sakane, a kale ni ana, ongeke mabhata mâ, phala o nguma jetu ka a bhane bhuma bhua tu tela môndo ni ku tu zuela kiaiibha.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Phetele 3:16

Maji mu ki bhanga jinga ni kubelesela, ni uôma. Mu kale ni kitongoluelu kiazele kia mbote. Phala o ima iene ku mi tatelʼ oio, jisonhi hinu ja a kuate oso a lebhula o uendelu uenu ua mbote mua Kristu.

I Phetele 3:9

Kana kuvutula phulu mu phulu, kana kuvutula ndaka mu ndaka. Bhu kididi kia ndaka ki kale-phe mu vutula dibesá, kuma Nzambi kiene kia mʼixanena, ni mu lundule dibesá.

Lute 3:14

Muene anga u zeka bhu inama iê katé kuáki. O ki kuákie u balumuka-phe mu kafukufuku, kuila muthu ku tena luua ku mu mona kiambote.

I Samuuele 26:11

Ngana ka ngehele; kuma ki kala kisunji se eme ngi mu zengela lukuaku, hé ngi sota kukuama muthu a mu undu kuala Jihova. Eie-phe katula ngó, nga ku diondo, o sosa iala bhu mutuelu uê, ni mudingi ua menha, tuende ni kuietu.