Loma 12:16 - O Mikanda Ikola

¹⁶ Kalenu ni muẋima umoxi mudienu ua ku di tuma kiambote. Ki mu di zangeleke ni ukumbu, maji mu xikina kubhanga ikalakalu ia kikexilu kiatolo.

Loma 12:16 ပူးပေါင်းရင်းမြစ်များ

II Malunda 30:12

Lukuaku lua Ngana Nzambi phe lua kexile mua Juda, lu lua a bhana muẋima umoxi ngó, mu ku bhanga ioso ia tumu sobha ni makota mê, kala kioso kia tange o kizuelu kia Jihova.

Jobe 36:5

Tala-ze! Sumbala o Nzambi ua kulu kinéne, maji muene ka texi muthu, kuma muene ukôla mu ku tetuluka kua muxima uê.

Jisabhu 17:5

Muthu uoso u tobhesa ngadiama, ua lokalala uoso ua mu bhanga; muthu uoso u sanguluka mukonda dia mukuá ua bhituka mu jiphaxi ja zongo, muenhʼô sai kaxtiku kê.

Jisabhu 19:17

Uoso u bindumuna ngadiama, ua sobhesa kua Ngana; Jihova muene hinu u mu futa o mbote iê.

Jisabhu 19:22

Muthu ki mu bhangesa ku mu zola ku akuá, o kubhanga o mbote; maji ngadiama ua beta ujitu, ka soko ni mukua makutu.

Jisabhu 19:7

Ngadiama, ni phange jê joso ji mu zemba; ku tange dingi o makamba mê, ma mu sanduka muene! Muene uila u a sota ni maka oso-oso, ene-phe usudi u a kuatʼâ!

Jisabhu 26:12

Eie ua mono muthu ua di fika njimu ku mesu mê muene? Muenhó, sembele o kiôua u mu dielela dikue muene.

Jisabhu 26:5

Vutuila o kiôua ni ku mu jimbuila o uôua uê; phala ka di mone unjimu ku mesu mê-muène.

Jisabhu 3:7

Ku di-mone unjimu ku mesu mé eʼmuene; ku phulu tunda-ku, u xile Jihova,

Izaía 5:21

Lamba dia ió oso a di mona kuijiia ku mesu mâ ene, a di fika kudimuka ku mesu mâ-ene muene.

Jelemiia 32:39

Anga ngʼa bhana ene oso muẋima umoxi, ni njila imoxi, nʼa ngi kuatela uoma izuua ioso, phala mbote iâ ene ni mbote ia anʼâ, a-nda ku a bhingana.

Jelemiia 45:5

Eie anga uia ni kusota maunéne? Kana ku a sota; Mukonda nga-nda kubheka kuiibha ku thandu dia xitu ioso, eme ngi Jihova, eie-phe o muenhu ué uene u nga-nda ku ku bhana kuma iene o mbole ié kuoso-kuoso ku u di texila.

Matesu 11:5

O ifofo ií tona mesu, inema ií ienda, jihaxi ja dibhute jí jiluka, mixilu ií ívua, madifundu iá a fukunuka, o jingadiama a ji tangela o maka ma Njimbu Iambote.

Matesu 26:11

Mukonda jingadiama mua xalela na-ju; eme-phe ki ngi xalela, kana!

Luka 14:13

Ki u bhanga-phe fesa, exana jingadiama, ni inema, ni atenguna, ni ifôfo;

Luka 6:20

Jezú anga u bhetula mesu kuala o jixibulu jê, hé ua ambela, uixi: Mua zediua, enu mu jingadiama, mukonda o Utuminu ua Nzambi uà kala uenu.

Jipoxolo 4:32

Kifuẋi kioso kia iá a xikana anga a kala muenhu umoxi, ni muxima umoxi. Kana-bhu muthu ua tena kuila ku jimbongo jê u jijila-ku kimbamba kuma kiê-muène, maji ene oso a kala ni ima ioso mu kisangela, anga enda ni ku di uanena na-iu ene oso mudiâ.

Loma 11:20

Kiene! Maji lembalalenu kuila ene a a batuile-ku mukonda dia kukamba kuxikana, enu-phe mua xala ku mudiva mukonda mua xikana. Kienʼ iki ki ki mi bhekele kukala ni ukumbu. Inda kalenu ni uôma.

Loma 11:25

Uila kiki, ki ngi mesena jiphange, kuila mu kamba kuijiia o kijingano kiki, mba mu kala mu jinjimu ja ku di metena: mukonda o kuxita mu thulu kua kuata Izalaiele, ki kuanda kujiza, maji katé ngó kia kà bokona muvimba ua dialuilu dia akua jixi jengi, ió oso ki Jijudé, ki eza kua Nzambi.

Loma 12:3

Mu kukumbidila o kiadi kia ngi bhana Nzambi mu ujitu uê, ngʼ ambela kala muthu mudienu, kuila: Muthu ka di fike ima ia mu tundu. Maji a banze ni ku di tululula katé ua di fika ia kubatâma. Kienʼ iki kala muthu a di banze kiasoko mu kixikanu kioso kia mu bhana Nzambi.

Loma 15:5

Kala kiki, o Nzambi mukua kubhana o kinhenge ni kubhuisa o uôma, a mi bhane o kukala ni muẋima umoxi mudienu, mu kukaiela o phangu ia Jezú Kristu.

Loma 6:2

Ki ki xikina! Etu, o ituxi tua i fuila kiá o kufua kuê; muene dingi mu bhuila o muenhu uetu?

I Kolindo 1:10

Nga mi diondo-phe, jiphange, mu dijina dia Ngana ietu Jezú Kristu, kuila mu dʼivua jinga kiambote mu kuzuela, ki mu kale mu kudiuana-uana ku ibuka-ibuka mudienu. Inda mu kala kumoxi kiambote mudienu, mu kala ni kilunji kimoxi, mu fika kiene kimoxi.

I Kolindo 3:18

Ki bhu kale muthu u di nganala. Se muthu ua di fika kukala njimu mudienu, ku unjimu ua mu ngongʼumu, a biluke kiôua phala a kale ni kuijiia kua kidi.

I Kolindo 4:10

Etu tuala tu ioua, mukonda dia Kristu, enu-phe mua Kristu mu jinjimu! Etu tua bhuila, enu mua suina; etu tu tambula malebhu, enu mu tambula o fuma.

I Kolindo 6:5

Nga ki ambela ku mi kuatesa jisonhi! Manhi mudienu mua kambe muadikime u tena kutetulula o milonga ia jiphange jê?

I Kolindo 8:2

O muthu se ua di fika kuijiia kima, kejiia luua kala kia tokala kuijiia.

II Kolindo 13:11

Kia xala-ku phange jami, nga mi lekela. Sotenu o kutenena. Ivenu kiambote ioso i nga mù mi ambela. Kalenu muẋima umoxi. Tungenu ni paze. O Nzambi ia henda ni paze anga u kala ni enu.

Filipe 1:27

Kala kiki, hé kima, o uendelu uenu u kale uendelu ua fuama mu Njimbu Iambote ia Kristu. O ki kala ngi mi sanga koko, mba ngi kamba ku mi sanga, kimuua ngʼivua jinga kioso ki muala kubhita na-kiu, kuma mua kolokota ni muẋima umoxi, muedi ni muenhu umoxi mua suinina kubhangela o kuxikana ku tunda ku Njimbu Iambote.

Filipe 3:16

Maji bhuoso kiá bhu tua suku, tu kuatienu uendelu umoxi.

Filipe 4:2

Ni Evodia, ni Sindike nga a diondo, adi luulule, a kale muẋima umoxi mua Ngana.

Jihebeleu 13:5

Ki mu kale mu akua luimbi lua kitadi, ioso i mua mono i mi soke. Kuma Nzambi u ambe uixi: Eme nuka nga kà mi xisa, ki nga kà mi ehelela ue, kana.

I Phetele 3:8

Mu kuzubha-phe, kalenu ni muẋima umoxi ni kixinganeku kimoxi, mu di xinganeke jinge mudienu. Mu di zole kala mu jiphange, mu nengane miẋima, mu batâma.

I Phetele 5:3

Ki mu kale mu jingana ja kutumina ió ene a mi bhana-nâ ku a enga, maji mu kala mù atuameneni mua bhana phangu ku kilunga.

III Nzuá 1:9

Eme nga sonekena o Ngeleja tu maka tuofele. Diiotelefo-phe, uendi o ukota mudiâ, ka tu tambulula.